Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

బ్రేకింగ్: ఇంగ్లీష్ మీడియం బిల్లుకు అసెంబ్లీ ఆమోదం!

Latest AP News, బ్రేకింగ్: ఇంగ్లీష్ మీడియం బిల్లుకు అసెంబ్లీ ఆమోదం!

ఏపీ ఎడ్యుకేషన్ యాక్ట్ సవరణ బిల్లుపై అసెంబ్లీలో సీఎం జగన్మోహన్ రెడ్డి చర్చించారు. పేద విద్యార్థుల బ్రతుకులు బాగుపడడానికే సర్కారీ బడుల్లో ఇంగ్లీష్ మీడియాన్ని ప్రవేశపెట్టామన్నారు . పేదవారికి రైట్ టు ఎడ్యుకేషన్ కాదని.. రైట్ టు ఇంగ్లీష్ ఎడ్యుకేషన్‌ను తీసుకురావడమే తమ ప్రభుత్వం లక్ష్యమని చెప్పారు. అయితే వారి న్యాయం చేయాలని చూస్తుంటే.. ప్రతిపక్షాలు అడ్డుపడుతున్నాయని ఆయన మండిపడ్డారు. ఇంగ్లీష్ మీడియంతో విద్యార్థుల భవిష్యత్‌కు పునాది పడుతుందన్నారు. మంచి జీతాలు ఇచ్చే ఉద్యోగాలు రావాలంటే ఇంగ్లిష్ మీడియం చదువు చాలా అవసరం ఉందని స్పష్టం చేశారు. ఇదిలా ఉంటే ఏపీ ఎడ్యుకేషన్ యాక్ట్ సవరణ బిల్లుకు అసెంబ్లీ ఆమోదం తెలిపింది. గతంలోనే ఈ బిల్లుకు ఆమోదం లభించగా.. మండలి తిరస్కరిస్తూ పలు సవరణలను సూచించిన సంగతి తెలిసిందే. అయితే మండలి చేసిన సవరణలను తిరస్కరిస్తూ ఈ బిల్లును మరోసారి అసెంబ్లీ ఆమోదించింది.

ఇంగ్లీష్ మీడియం బిల్లుపై సీఎం జగన్ ఇంకా ఏమన్నారంటే…

  • పేదవారికి రైట్ టు ఇంగ్లీష్ ఎడ్యుకేషన్‌ ఇవ్వడమే లక్ష్యం’
  • ఇంగ్లీష్ మీడియంతో పేద విద్యార్థుల భవిష్యత్తు బాగుపడుతుంది
  • రాష్ట్రంలో 45 వేల ప్రభుత్వ స్కూల్స్ ఉన్నాయి
  • ప్రైమరీ స్కూల్స్ నుంచే పిల్లలకు ఇంగ్లీష్ నేర్పించాలని లక్ష్యం
  • ప్రభుత్వ స్కూల్స్‌లో 30 శాతం కూడా ఇంగ్లీష్ మీడియం లేదు
  • కానీ ప్రైవేట్ స్కూళ్లలో 98% ఇంగ్లీష్ మీడియం ఉంది
  • పేద విద్యార్థులకు ఇంగ్లీష్ వస్తే ఉద్యోగాలకు పోటీ పడతారు
  • ఇంగ్లీష్ ఉంటేనే కార్పొరేట్ ఉద్యోగాలు వస్తాయి
  • గత అసెంబ్లీలో ఇదే బిల్లును మండలిలో అడ్డుకున్నారు
  • పేదవాడికి న్యాయం చేస్తుంటే అడ్డుకుంటున్నారు
  • విద్యా చట్టం సవరణ బిల్లుకు మరోసారి అసెంబ్లీ ఆమోదముద్ర

Related Tags