రిటైర్మెంట్‌పై ఆలోచన విరమించుకో ధోనీ.. లతాజీ రిక్వెస్ట్!

ముంబై: భారత మాజీ కెప్టెన్, మిస్టర్ కూల్ మహేంద్ర సింగ్ అంతర్జాతీయ క్రికెట్ రిటైర్మెంట్ ప్రకటిస్తాడని కొద్ది రోజులుగా వార్తలు వస్తున్న సంగతి తెలిసిందే. ఇక ఈ విషయంపై లెజండరీ సింగర్ లతా మంగేష్కర్ ట్విట్టర్ వేదిక ద్వారా స్పందించారు. ‘ధోనీజీ.. ఈ మధ్యకాలంలో నేను మీ రిటైర్మెంట్‌ గురించి చాలా వార్తలు వింటున్నాను. దయచేసి మీరు ఇలాంటి నిర్ణయాలు తీసుకోకండి. దేశానికి మీరెంతో అవసరం. రిటైర్మెంట్‌ విషయంపై మీరు ఆలోచించకూడదని నేను వేడుకుంటున్నాను’ అని పేర్కొన్నారు.

మరోవైపు ప్రపంచకప్‌లో భారత్ జైత్రయాత్ర నిన్నటితో ముగిసింది. న్యూజిలాండ్‌తో జరిగిన సెమీఫైనల్‌లో భారత్ 18 పరుగుల తేడాతో ఓటమిపాలైంది. దీనిపై యావత్తు భారతదేశం తీవ్ర నిరాశతో ఉంది. ఈ నేపథ్యంలో ప్రపంచకప్‌ చివరి మ్యాచ్ ఆడిన ధోని తన రిటైర్మెంట్‌పై ఎలాంటి నిర్ణయం తీసుకుంటాడని అభిమానులు ఆలోచనలో పడ్డారు.

Leave a Reply

Your email address will not be published. Required fields are marked *