‘ఓటింగ్ కి గైర్ హాజరయితే నిన్ను మంత్రిని చేస్తాం’.. లాలూ యాదవ్ ‘తాయిలం’, వైరల్ అయిన వీడియో !

బీహార్లో  నితీష్ ప్రభుత్వాన్ని పడగొట్టేందుకు ఆర్జేడీ అధ్యక్షుడు లాలూ ప్రసాద్ యాదవ్ జైల్లోనే ఉంటూ ఎన్డీయే ఎమ్మెల్ల్యేలను ప్రలోభ పెడుతున్నారంటూ రాష్ట్ర మాజీ డిప్యూటీ సీఎం సుశీల్ కుమార్ మోడీ చేసిన ఆరోపణకు నిదర్శనంగానా అన్నట్టు లాలూ చేసినట్టు చెబుతున్న ఓ వ్యాఖ్య తాలూకు వీడియో బయటపడి వైరల్ అవుతోంది. అసెంబ్లీ స్పీకర్ ఎన్నిక సందర్భంగా జరిగే ఓటింగ్ లో పాల్గొనవద్దంటూ లాలన్ పాశ్వాన్ అనే ఎమ్మెల్యేకు ఆయన సూచిస్తూ..ఇందుకు మీకు మంత్రి పదవి ఇస్తామని ప్రలోభ పెట్టారట.. ఆర్జేడీ అధికారంలోకి రాగానే ఈ పని చేస్తామని హామీ ఇచ్చారట. ఓటింగ్ లో పాల్గొనకపోవడం తనకు కష్టమని ఆ ఎమ్మెల్యే చెప్పగా..కరోనా వైరస్ పాజిటివ్ వచ్చిందని చెప్పి గైర్ హాజరు కావాలని లాలూ ప్రసాద్ సలహా ఇఛ్చినట్టు ఈ వీడియోలో వినబడుతోంది. అయితే ఇది ఫేక్ అని, ప్రజా సమస్యల నుంచి ప్రభుత్వ దృష్టిని మళ్లించడానికి బీజేపీ చేసిన ప్రయత్నమని ఆర్జేడీ అంటోంది. ఈ వీడియోలో వినబడిన గొంతు లాలూది కాదని చెబుతోంది.