Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ప్రియాంక అధ్యక్ష పదవి చేపట్టాలి: లాల్ బహదూర్ శాస్త్రి తనయుడు అనిల్ శాస్త్రి

Lal Bahadur Shastri Anil Shastri Priyanka, ప్రియాంక అధ్యక్ష పదవి చేపట్టాలి:  లాల్ బహదూర్ శాస్త్రి తనయుడు అనిల్ శాస్త్రి

రాహుల్ గాంధీ కాంగ్రెస్ పార్టీ జాతీయ అధ్యక్ష పదవికి రాజీనామా చేసిన తర్వాత పార్టీ పరిస్థితి అగమ్యగోచరంగా తయారైంది. ఇటీవల జరిగిన సార్వత్రిక ఎన్నికల్లో పార్టీ ఘోర ఓటమి తర్వాత రాహుల్ ఈ నిర్ణయం తీసుకున్నారు. గాంధీ కుటుంబం నుంచి కాకుండా బయటి వ్యక్తులే పార్టీకి అధ్యక్షులుగా కొనసాగాలని పట్టుబట్టారు. అయితే సీనియర్లు మాత్రం ఈ విషయంలో ససేమిరా అంటున్నారు. రాహుల్ మాటతో వారు ఏకీభవించడం లేదు. ఈ పరిస్థితిలో కాంగ్రెస్ సీనియర్ నేత, మాజీ ప్రధాని లాల్ బహదూర్ శాస్త్రి కుమారుడు అనిల్ శాస్త్రి ఓ అడుగు ముందుకేసి .. పార్టీ అధ్యక్షురాలిగా ప్రియాంక గాంధీ అయితే బాగుంటుందని వాదించారు.

ప్రియాంక సేవలు పార్టీకి ఎంతో అవసరమని, పార్టీని మునుపటి స్థాయికి తీసుకురాగలరే నమ్మకం తనకుందని శాస్త్రి చెప్పుకొచ్చారు. పార్టీ సీనియర్లంతా అంగీకరించే బలమైన నాయకత్వం ప్రస్తుతం పార్టీకి అవసరమని, అలాంటి వ్యక్తి ప్రియాంక గాంధీ మాత్రమేనని తాను విశ్వసిస్తున్నట్టుగా శాస్త్రి చెప్పారు. జాతీయ కాంగ్రెస్ పార్టీకి ప్రియాంక నూటికి నూరుశాతం న్యాయం చేస్తారని పార్టీలోని సీనియర్లు కూడా బలంగా నమ్ముతున్నామని ఆయన తెలిపారు.