Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

బ్రేకింగ్: తెలుగు అకాడమీ చైర్‌పర్సన్‌గా లక్ష్మీ పార్వతి..!!

Lakshmi Parvathi as Telugu Academy chair person in AP, బ్రేకింగ్: తెలుగు అకాడమీ చైర్‌పర్సన్‌గా లక్ష్మీ పార్వతి..!!

వైసీపీలో ఇతర నాయకులతో సమానంగా.. ప్రధాన పాత్ర పోషిస్తూ వచ్చిన.. లక్ష్మీపార్వతికి జగన్ ప్రభుత్వం గుడ్‌ న్యూస్ చెప్పింది. ఇంత కాలానికి.. ఆమె చేసిన సేవలకు గుర్తింపుగా.. తెలుగు అకాడమీ చైర్‌పర్సన్‌గా నందమూరి లక్ష్మీ పార్వతిని నియమిస్తూ.. ప్రభుత్వ ప్రత్యేక ప్రధాన కార్యదర్శి జేఎస్వీ ప్రసాద్ ఈ ఉత్తర్వులు జారీ చేశారు.

జగన్‌ పాదయాత్ర సమయంలో ఆయన వెన్నంటి ఉండి నడిచిన ఆమె.. ఆ మధ్య.. అమరావతిలో రాజకీయంగా జరిగిన పలు ప్రధాన సంఘటనలపై స్పందించకుండా మౌనం వహిస్తూ వచ్చారు. అయితే.. ఏపీలో జగన్‌ ప్రభుత్వం.. ఏర్పాటైన తరువాత.. ఫైర్ బ్రాండ్స్.. లక్ష్మీ పార్వతికి మంచి పదవి ఇస్తారని అందరూ అనుకున్నారు. కానీ.. ఇప్పటిదాకా.. ఆమెకు ఏపీ ప్రభుత్వం ఎలాంటి పదవి ఇవ్వలేదు. ఈ కారణం చేతనే ఆమె.. రాజకీయాలకు దూరంగా ఉన్నారని.. పలు వార్తలు కూడా వినిపించాయి.

అమరావతి రాజధానిపై దుమారం రేగినప్పుడు గానీ, జగన్ వందరోజుల పాలనపై గానీ, కోడెల మృతిపై గానీ.. ఆమె స్పందించిన దాఖలాలు కనబడలేదు. అసలు జగన్.. మంత్రివర్గ ఏర్పాటు నుంచే లక్ష్మీ పార్వతి ఊసు కనబడకుండా పోయింది. జగన్.. సీఎం కాకముందు పాదయాత్రలో అప్పుడప్పుడు పాల్గొన్న ఆమె.. రోజాతో ధీటుగా చంద్రబాబుపై విమర్శలు గుప్పిస్తూ వచ్చారు. ఏపీ మహిళా కమిషన్ చైర్‌పర్సన్‌గా వాసిరెడ్డి పద్మని నియమించినప్పుడు కూడా.. ఆమె స్పందన లేకుండా పోయింది. కాగా.. ఇప్పటికైనా లక్ష్మీ పార్వతి స్పందిస్తారో లేదో చూడాలి. నాకు పదవులు ముఖ్యం కాదు.. నిజాయితీ వైపే ఉంటానని ఆవిడ ఇప్పటికే పలుమార్లు ప్రస్తావించారు. మరి ఇప్పుడు ఈ పదవిని ఆవిడ స్వీకరిస్తారో లేదో.. చూడాలి.