Breaking News
  • ఆకాశాన్ని అంటిన ఉల్లి ధరలు . చుక్కలు చూపిస్తున్న హోల్ సెల్ ధరలు . మాలక్ పేట మార్కెట్ లో మొదటి రకం ఉల్లి ధర క్వింటాలు 7000 . వర్షానికి తడిచిన చిన్న ఉల్లి ధర కూడా క్విన్ట 5000 పైనే . పూర్తిగా తగ్గిన వందల్లో వచ్చే ఉల్లి లోడ్ . ఈరోజు మార్కెట్ కి వచ్చిన 25లారీల ఉల్లి లోడ్. మహారాష్ట్ర సరుకు తప్ప వేరే ప్రాంతాలనుండి రాని ఉల్లి లోడ్.
  • డాక్టర్ హుస్సేన్: నిన్న మధ్యాహ్నం ఒంటిగంటకు ఐదుగురు బుర్కా వేసుకొని క్లినిక్ లోకి వచ్చారు. రావడంతోనే నాపై దాడి చేశారు.. వారినుంచి తప్పించుకునే ప్రయత్నం చేశాను. ఆ క్రమంలో నా చేతికి గాయం అయింది. నా ఇనోవా కారు రివర్స్ తీసుకొచ్చి అందులో ఎక్కించారు. కొద్దిదూరం తీసుకెళ్లిన తర్వాత ఆటోలో కి మార్చారు. ఆ తర్వాత ఒక రూమ్ లోకి నన్ను తీసుకెళ్లారు. అక్కడి నుండి బొలెరో వెహికల్ లో తీసుకువచ్చారు. నువ్వు మాకు సహకరిస్తే నిన్ను ఏమి చేయమని చెప్పారు. తర్వాత తాళ్లతో కట్టేసి ముఖానికి మాస్క్ పెట్టారు.
  • అనంతపురం :హైదరాబాద్ లో కిడ్నా ప్ అనంతలో చేజింగ్ .డాక్టర్ హుస్సేన్ ను కిడ్నాపర్ల నుంచి రక్షించిన అనంతపురం జిల్లా పోలీసులు .హైదరాబాద్ ఎక్సైజ్ కాలనీలో దంత వైద్యుడు హుస్సేన్ నిన్న కిడ్నాప్ చేశారు. అనంతపురం మీదుగా బెంగళూరుకు వెళ్తుండగా కిడ్నాప్ గ్యాంగ్ ను అనంతపురం పోలీసులు పట్టుకున్నారు. అనంతపురం జిల్లాలో అన్ని చెక్ పోస్టులను అలర్ట్ చేసిన ఎస్పీ సత్యయేసుబాబు. డాక్టర్ హుస్సేన్ ను రక్షించిన అనంతపురం జిల్లా పోలీసులు .ఇద్దరు దుండగులు పరారీ. ఇద్దరు నిందితులను అదుపులోకి తీసుకున్న పోలీసులు.
  • సైబరాబాద్ కిడ్నాపర్లను పట్టుకున్న అనంతపురమ్ పోలీసులు . డెంటిస్ట్ హుస్సేన్ ను కిడ్నాపర్ల నుంచి రక్షించిన అనంతపురం పోలీసులు. హైదరాబాద్ ఎక్సైజ్ కాలనీలో దంత వైద్యుడు హుస్సేన్ కిడ్నాప్. అనంతపురం జిల్లాలో అన్ని చెక్ పోస్టులను అలర్ట్ చేసిన ఎస్పీ సత్యయేసుబాబు. అనంతపురం మీదుగా బెంగళూరుకు వెళ్తున్న కిడ్నాప్ గ్యాంగ్. డాక్టర్ హుస్సేన్ ను రక్షించిన పోలీసులు. ఇద్దరు దుండగులు పరారీ. ఇద్దరు నిందితులను అదుపులోకి తీసుకున్న పోలీసులు.
  • వరంగల్: దేశ వ్యాప్తంగా సంచలనం సృష్టించిన 9హత్యల కేసులో నేడు తుది తీర్పు. నిందితుడికి ఉరి లేదా యావజ్జీవ శిక్ష పడే అవకాశం. గత మే 21న వరంగల్ నగర శివారులోని గొర్రెకుంట సాయి దత్త గన్ని బ్యాగ్స్ కంపెనీ లో 9మందికి మత్తు ఇచ్చి సృహ కోల్పోయిన తర్వాత సజీవంగా బావిలో పడిసి హత్యలు చేసిన నిందితుడు. ఈ కేసులో నిందితుడు బీహార్ కి చెందిన సంజయ్ కుమార్ యాదవ్ కు నేడు శిక్ష ఖరారు చేయనున్న సెషన్స్ కోర్టు న్యాయమూర్తి. నిందితుడి పై 7సెక్షన్స్ కింద కేసులు నమోదు చేసిన పోలీసులు. నెల రోజుల్లో కోర్ట్ లో చార్జ్ షీట్ దాఖలు చేసిన పోలీసులు.
  • తిరుమల: నిన్న శ్రీవారి హుండీ ఆదాయం రూ.1.22 కోట్లు. శ్రీవారిని దర్శించుకున్న 20,315 మంది భక్తులు. తలనీలాలు సమర్పించిన 7,145 మంది భక్తులు. నిన్న నవంబర్ నెల రూ.300 దర్శన టికెట్ల కోటాను విడుదల చేసిన టీటీడీ. నవంబర్ మొదటివారం నుండి ఆర్జిత బ్రహ్మోత్సవం, డోలోత్సవం, సహస్ర దీపాలంకరణ సేవలను వర్చువల్ విధానంలో నిర్వహించాలని టీటీడీ నిర్ణయం. ఏడు నెలల తర్వాత ఆలయం వెలుపలకు రానున్న మలయప్పస్వామి.
  • దేశ రాజధాని ఢిల్లీలో కొనసాగుతున్న వాయు కాలుష్యం. ఆనంద్ విహార్, ఆర్కేపురం, పట్‌పట్‌గంజ్ సహా పలు ప్రాంతాల్లో అధిక తీవ్రత. ఎయిర్ క్వాలిటీ ఇండెక్సులో 300కు పైగా నమోదు.
  • బిహార్‌ ఔరంగాబాద్ జిల్లాలో ఐఈడీ బాంబుల కలకలం. రెండు ఐఈడీలను స్వాధీనం చేసుకున్న సీఆర్పీఎఫ్. బాంబులను సురక్షితంగా నిర్వీర్యం చేసిన బలగాలు. మావోయిస్టులు అమర్చిన బాంబులుగా గుర్తించిన పోలీసులు. ఎన్నికల బహిష్కరణకు పిలుపునిచ్చిన మావోయిస్టులు. మావోయిస్టుల హెచ్చరికల నేపథ్యంలో భారీగా భద్రతా ఏర్పాట్లు. 1200 ప్లటూన్ల కేంద్ర పారామిలటరీల బలగాల వినియోగం. తొలి విడత ఎన్నికల్లో మావోయిస్టు ప్రాబల్య ప్రాంతాలు.

దేశ అంతర్గత విషయాల్లో చైనా జోక్యం సహించంః భారత్

సరిహద్దు వివాదలతో తరుచు గిల్లిగజ్జాలకు పాల్పడుతున్న డ్రాగన్ కంట్రీ వక్రబుద్ధి ఏమాత్రం మారడంలేదు. జమ్మూకశ్మీర్, లద్దాఖ్‌ అప్పుడు, ఇప్పుడు, ఎప్పుడూ భారత్‌లో అంతర్భాగమేనని ఇండియా మరోసారి స్పష్టం చేసింది.

ladakh and jammu kashmir integral part india, దేశ అంతర్గత విషయాల్లో చైనా జోక్యం సహించంః భారత్

సరిహద్దు వివాదలతో తరుచు గిల్లిగజ్జాలకు పాల్పడుతున్న డ్రాగన్ కంట్రీ వక్రబుద్ధి ఏమాత్రం మారడంలేదు.
జమ్మూకశ్మీర్, లద్దాఖ్‌ అప్పుడు, ఇప్పుడు, ఎప్పుడూ భారత్‌లో అంతర్భాగమేనని ఇండియా మరోసారి స్పష్టం చేసింది. ఈ భారత అంతర్గత విషయాల్లో చైనా జోక్యాన్ని సహించబోమని హెచ్చిరించింది. కేంద్ర పాలిత ప్రాంతం లద్దాఖ్‌ను, అరుణాచల్‌ ప్రదేశ్‌ రాష్ట్రాన్ని గుర్తించబోమంటూ చైనా చేసిన ప్రకటనపై గురువారం భారత విదేశాంగ శాఖ ఘాటుగానే స్పందించింది. అరుణాచల్‌ ప్రదేశ్‌ భారత్‌ నుంచి విడదీయలేని అంతర్భాగమని విదేశాంగ శాఖ అధికార ప్రతినిధి అనురాగ్‌ శ్రీవాస్తవ తెలిపారు. ఈ విషయాలను గతంలోనూ పలుమార్లు, అత్యున్నత వేదికలపై సహా భారత్‌ స్పష్టం చేసిందన్నారు. తూర్పు లద్దాఖ్‌లోని చైనా సరిహద్దుల్లో నెలకొన్న ఉద్రిక్తతల సడలింపు కోసం ప్రారంభించిన చర్చల గురించి వివరిస్తూ.. బలగాల ఉపసంహరణ ఇరు దేశాలకు సంక్లిష్టమైన ప్రక్రియ అని, బలగాలను గత రెగ్యులర్‌ పోస్ట్‌లకు పంపించాల్సి ఉంటుందని, అందుకు కొంత సమయం పడుతుందని శ్రీవాస్తవ వ్యాఖ్యానించారు.

మరోవైపు, సరిహద్దుల్లో ఉద్రిక్తతల సడలింపు కోసం భారత్, చైనాల మధ్య చర్చలు కొనసాగుతున్నాయని భారత విదేశాంగ మంత్రి జై శంకర్‌ స్పష్టం చేశారు. రెండు దేశాల మధ్య చర్చల్లో ఏం జరుగుతోందనేది రహస్యమని వ్యాఖ్యానించారు. వాస్తవాధీన రేఖ వెంట ఈ స్థాయిలో బలగాల మోహరింపు గతంలో జరగలేదన్నారు. కాగా,1993 నుంచి పలు ద్వైపాక్షిక ఒప్పందాలతో భారత్, చైనాల మధ్య సంబంధాలు మెరుగుపడ్డాయన్నారు.

Related Tags