Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

వినూత్న రీతిలో ఎస్కలేటర్‌ ఓపెనింగ్‌

Inaugurated the new escalator at the Bengaluru railway station, వినూత్న రీతిలో ఎస్కలేటర్‌ ఓపెనింగ్‌
రైతును “రైతుగారు’ అని సంబోధించే రోజు రావాలి..కూలీని కుర్చీలో కూర్చోబెట్టి సన్మానం చేయగల యజమాన్యం ఉండాలి..ఇటువంటి స్లోగన్స్‌ మనం తరచూ వింటుంటాం. కానీ, ఆచరణలో అటువంటి కనిపించటం చాలా అరుదనే చెప్పాలి. అయితే, బెంగళూరు పట్టణంలో చోటు చేసుకున్న ఓ సంఘటన మాత్రం ఇటువంటి ఆదర్శాలకు అద్దం పడుతోంది. కూలీ పనిచేసుకునే వారు ఓ ప్రముఖ కార్యక్రమానికి ముఖ్య అతిథులుగా విచ్చేశారు. అంతేకాదు, కూలీ కూతురు చేతుల మీదుగా ఆ కార్యక్రమాన్ని ప్రారంభించిన అక్కడి అధికారులు అందరి ప్రశంసలు, మన్ననలను పొందుతున్నారు. వివరాల్లోకి వెళితే.. బెంగళూరు నగరంలోని రైల్వేస్టేషన్‌‌లో ఇటీవల ఎస్కలేటర్‌ ప్రాజెక్టు పనులు పూర్తి చేశారు. దీంతో దాన్ని ప్రారంభించి ప్రయాణికులకు అందుబాటులోకి తీసుకువచ్చేందుకు అధికారులు సిద్ధమయ్యారు. ఈనెల 9వ తేదీన ఎంపీ పీసీ మోహన్‌ చేతుల మీదుగా ప్రారంభం కావాల్సి ఉంది. అయితే అదే రోజు అయోధ్య తీర్పు రావడంతో ఆయన  ఆ కార్యక్రమానికి రాలేకపోయారు. అయితే తాను రాలేకపోయినా కూడా ప్రారంభోత్సవం ఆపవద్దని అధికారులకు సూచించారు. సామాన్యులకు ఉపయోగపడే నిర్మాణం కాబట్టి జాప్యం చేయకూడదని పేర్కొన్నారు.  ఎంపీ చెప్పిన మాటలతో వెంటనే అధికారులు సరికొత్త ఆలోచన చేశారు. సామాన్యుల చేతుల మీదుగానే దీన్ని ప్రారంభించాలని నిర్ణయించారు. ఆ నిర్మాణంలో భాగం పంచుకున్న చాంద్‌బీ అనే మహిళ కూతురు బేగమ్మా చేతుల మీదుగా రిబ్బన్ కట్ చేయించారు. దాని కోసం కష్టపడి పనిచేసిన వారికి ఈ విధంగా గుర్తింపు ఇచ్చినట్టుగా ఉండటంతో పాటు ప్రజలకు ఎస్క్‌లేటర్ అందుబాటులోకి వస్తుందని ఇలా చేశారు.