Breaking News
  • భద్రాద్రి: పాల్వంచ, బూర్గంపాడు మండలాల్లో భూప్రకంపనలు. టీచర్స్‌కాలనీ, బొడ్డుగూడెం, గట్టాయిగూడెం కాలనీల్లో భూప్రకంపనలు. అంజనాపురం, లక్ష్మీపురం, టేకులచెరువులో భూప్రకంపనలు. భయాందోళనలో స్థానికులు.
  • హైదరాబాద్‌: నగరంలో మంత్రి తలసాని పర్యటన. నిర్విరామంగా విధులు నిర్వహిస్తున్న పారిశుద్ధ్య కార్మికులు.. పోలీసులు, వైద్య సిబ్బందికి గులాబీ పూలు ఇచ్చి అభినందించిన తలసాని. ఎనర్జీ డ్రింక్‌, మంచినీళ్లు, శానిటైజర్లు అందజేసిన మంత్రి తలసాని. రోడ్లపైనే విధులు నిర్వహిస్తున్న సిబ్బందిని కలుసుకుంటూ.. హైదరాబాద్‌లో పర్యటిస్తున్న మంత్రి తలసాని శ్రీనివాస్‌ యాదవ్‌.
  • కరోనా వైరస్‌ను ఏపీ ప్రభుత్వం లైట్‌గా తీసుకుంటుంది. విపత్తు సాయం, నిత్యావసర సరుకుల పంపిణీని.. రాజకీయ ప్రచారం కోసం వాడుకుంటున్నారు-విష్ణువర్ధన్‌రెడ్డి. వైసీపీ నేతలకు సహకరిస్తున్న అధికారులను తొలగించాలి. ఏపీలో కరోనా కేసులు పెరగడానికి కారణం అంజాద్‌బాషా, ముస్తాఫానే. తక్షణమే అంజాద్‌బాషా తన పదవికి రాజీనామా చేయాలి -ఏపీ బీజేపీ ఉపాధ్యక్షుడు విష్ణువర్ధన్‌రెడ్డి.c
  • కరోనాపై మనమంతా కలిసికట్టుగా పోరాటాన్ని కొనసాగిద్దాం. రా.9 గంటలకు దీపాలు వెలిగించి కరోనా చీకట్లను పారద్రోలడంతో పాటు.. భారతీయులమంతా ఏకతాటిపైకి వచ్చి పోరాటం చేస్తున్నామని చాటిచెబుదాం. ఈ ప్రయత్నం ద్వారా కరోనాపై పోరాటాన్ని ముందుండి నడిపిస్తున్న.. వైద్యులు, పారిశుద్ధ్య సిబ్బందికి సంఘీభావాన్ని తెలుపుదాం. వ్యక్తిగత శుభ్రత, సామాజిక దూరాన్ని పాటిస్తూ.. కరోనాపై పోరాటాన్ని ఇదే స్ఫూర్తితో కొనసాగిద్దాం -ట్విట్టర్‌లో ఉపరాష్ట్రపతి వెంకయ్యనాయుడు.
  • రైతు చెంతకే వెళ్లి ధాన్యాన్ని కొనుగోలు చేస్తాం-కన్నబాబు. గ్రామ సచివాలయ వాలంటీర్లకు సమాచారం ఇస్తే.. ధాన్యం, మొక్కజొన్న కొనుగోలు చేస్తాం-మంత్రి కన్నబాబు. టమోటా, అరటిని మార్కెటింగ్‌ ద్వారా కొనుగోలు చేస్తున్నాం. ధర పడిపోయిన చోట్ల ప్రభుత్వమే కొనుగోలు చేయాలని సీఎం ఆదేశించారు. మామిడి ధరలు పడిపోకుండా చూడాలని అధికారులను ఆదేశించాం. పంట దిగుబడుల క్యాలెండర్‌ను రూపొందిస్తున్నాం-మంత్రి కన్నబాబు. టీడీపీ నేతలు కరోనాను కూడా రాజయకీయంగా వాడుకుంటున్నారు. ఇప్పటికైనా చౌకబారు విమర్శలు మానుకోండి-మంత్రి కన్నబాబు.

తెలంగాణ రాజకీయాల్లో మళ్ళీ కేవీపీ కలకలం

kvp entry into telangana politics, తెలంగాణ రాజకీయాల్లో మళ్ళీ కేవీపీ కలకలం

ఉమ్మడి ఆంధ్రప్రదేశ్ విభజన సమయంలో తెలంగాణ ఏర్పాటును గట్టిగా ప్రతిఘటించిన వారిలో ఏపీ నేత, దివంగత వైఎస్ఆర్ సన్నిహితుడు కేవీపీ రామచంద్రరావు ఒకరు. గత అయిదున్నరేళ్ళుగా తెలంగాణకు ఆ మాటకొస్తే.. మొత్తం రాజకీయాలనే అంటీముట్టనట్లున్న కేవీపీ తాజాగా తెలంగాణ పాలిటిక్స్‌లో తళుక్కున మెరిశారు. మెరవడమంటే ఆషామాషీగా కాదు.. ఓ మునిసిపాలిటీ ఎన్నికను ప్రభావితం చేసే లెవెల్లో ఆయన ఎంట్రీ ఇచ్చారు. వివరాల్లోకి వెళితే..

కేవీపీ రాజ్యసభకు ప్రాతినిధ్యం వహిస్తున్న సంగతి తెలిసిందే. త్వరలో ఆయన రాజ్యసభ సభ్యత్వ పదవీ కాలం ముగియబోతోంది. ఆయన కాంగ్రెస్ పార్టీ తరపున పెద్దలసభకు ప్రాతినిధ్యం వహిస్తుండగా.. రాష్ట్ర విభజన సమయంలో ఆయనను తెలంగాణకు కేటాయించారు. దాంతో ఆయన తెలంగాణకు ప్రాతినిధ్యం వహిస్తున్నారు. ఎమ్మెల్యేలు, ఎమ్మెల్సీల మాదిరిగానే ఎంపీలకు కూడా మునిసిపాలిటీల్లో కోఆప్షన్ మెంబర్‌షిప్ వుంటుంది. ఈ నేపథ్యంలో కేవీపి తనకు ఇష్టం వచ్చిన ఏదో ఒక మునిసిపాలిటీ లేదా మునిసిపల్ కార్పొరేషన్‌లో ఛైర్మెన్, మేయర్ ఎన్నికలో తన ఓటు హక్కును వినియోగించుకునే ఛాన్స్ వుంది.

kvp entry into telangana politics, తెలంగాణ రాజకీయాల్లో మళ్ళీ కేవీపీ కలకలం

జనవరి 25న వెల్లడైన తెలంగాణ మునిసిపల్ ఎన్నికల్లో కాంగ్రెస్ పార్టీ అత్యంత ఫేలవమైన ప్రదర్శన చేసినప్పటికీ కొన్ని మునిసిపాలిటీల్లో నెంబర్ గేమ్ నెరపే అవకాశం ఆ పార్టీకి దక్కింది. ఈ కోవలోకి వచ్చేదే సూర్యపేట జిల్లా నేరెడుచర్ల మునిసిపాలిటీ. ఇక్కడ మొత్తం 15 వార్డులుండగా.. టీఆర్ఎస్, కాంగ్రెస్ పార్టీలు చెరి 7 సీట్లలో గెలుపొందాయి. సీపీఎం పార్టీ మరో సీటు గెలుచుకుంది. సీపీఎం.. కాంగ్రెస్ పార్టీకి మద్దతు ప్రకటించగా.. ఛైర్మెన్ పదవిని దక్కించుకునేందుకు టీపీసీసీ అధ్యక్షుడు కొత్త ఎత్తు వేశారు. తాను లోక్ సభ సభ్యుని హోదాలో నేరెడుచర్ల మునిసిపాలిటీలో ఎక్స్ అఫీషియో మెంబర్‌గా ఓటు హక్కు వినియోగించుకునేందుకు ముందుకొచ్చారు. తనతోపాటు రాజ్యసభ సభ్యుడు కేవీపీ రామచంద్రరావు కూడా ఇక్కడే ఎక్స్‌అఫీషియో మెంబర్ ఓటు వేసేందుకు లేఖ సమర్పించారు. దాంతో కాంగ్రెస్ పార్టీ బలం 10కి చేరింది. దాంతో చాలా ఈజీగా ఛైర్మెన్ సీటు దక్కించుకోవచ్చని ఉత్తమ్ కుమార్ ఎత్తు వేశారు.

అయితే, అధికార టీఆర్ఎస్ పార్టీ ఎత్తుకుపైఎత్తు వేసింది. తాము గెలిచిన ఏడుగురు కౌన్సిలర్లకు ఓ ఎమ్మెల్యేను, ఇద్దరు ఎమ్మెల్సీలను జత చేసి.. మొత్తం పది స్థానాలతో ఛైర్మెన్ పదవిని దక్కించుకునేందుకు ప్లాన్ చేసింది. కానీ కేవీపీ రూపంలో కాంగ్రెస్ పార్టీ కూడా పది మంది సభ్యుల బలం కూడగట్టడంతో టీఆర్ఎస్ పార్టీ పునరాలోచన చేసింది. ఈ క్రమంలోనే హైడ్రామాకు తెరలేచింది. కేవీపీ పేరును జాబితా నుంచి జిల్లా కలెక్టర్ తొలగించారు. దాంతో కాంగ్రెస్ నేతలు ఆదివారం రాత్రి ధర్నాలతో హోరెత్తించారు. సోమవారం ఉదయాన్నే కాంగ్రెస్ పార్టీ నేతలు రాష్ట్ర ఎన్నికల కమిషనర్‌ నాగిరెడ్డిని కల్వడంతో ఆయన కేవీపీ ఓటు హక్కును ధృవీకరించారు. ఈసీ నిర్ణయంతో రెండు పార్టీల బలాలబలాలు పదితో సమానంగా మారాయి.

ఛైర్మెన్ ఎన్నిక కోసం మంగళవారం మరోసారి కౌన్సిల్‌ను సమావేశపరచాలని నిర్ణయించారు. అయితే.. ఆ తర్వాత గంటసేపటికే అత్యంత నాటకీయ పరిణామాల నడుమ కేవీపీ పేరును జాబితా నుంచి మళ్ళీ తొలగించి.. సోమవారం సాయంత్రమే ఛైర్మెన్ ఎన్నికను నిర్వహించాలని అధికారులు నిర్ణయించారు. కేవీపీ ఓటు తిరస్కరించడంతో ప్రస్తుతం టీఆర్ఎస్ బలం 10, కాంగ్రెస్ పార్టీ బలం 9గా మారిపోయింది. దాంతో తన ఓటు కోసం కోర్టుకెక్కేందుకు కేవీపీ సమాయత్తమవుతున్నట్లు సమాచారం.

Related Tags