Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

ప్రవాసీ కోటాకు కువైట్ ఆమోదం.. 8 లక్షల భారతీయులకు ఏఫెక్ట్..!

కువైట్‌ సర్కార్ కీలక బిల్లుకు ఆమోదం తెలిపింది. ఆ దేశంలోని విదేశీయుల సంఖ్యను గణనీయంగా తగ్గించుకునేందుకు ప్రవాసీ కోటా బిల్లును తీసుకువచ్చింది. దేశంలో 70శాతంగా ఉన్న ప్రవాసీయులను 30 శాతానికి తగ్గించాలని నిర్ణయించింది. ఈ బిల్లు చట్టంగా మారితే 8 లక్షల మంది భారతీయులపై కూడా ప్రభావం పడుతుందంటున్నారు నిపుణులు.
Kuwait Updates Residency Law To Cut Number Of Expats, ప్రవాసీ కోటాకు కువైట్ ఆమోదం.. 8 లక్షల భారతీయులకు ఏఫెక్ట్..!

కువైట్‌ సర్కార్ కీలక బిల్లుకు ఆమోదం తెలిపింది. ఆ దేశంలోని విదేశీయుల సంఖ్యను గణనీయంగా తగ్గించుకునేందుకు ప్రవాసీ కోటా బిల్లును తీసుకువచ్చింది. దేశంలో 70శాతంగా ఉన్న ప్రవాసీయులను 30 శాతానికి తగ్గించాలని నిర్ణయించింది. ఈ బిల్లు చట్టంగా మారితే 8 లక్షల మంది భారతీయులపై కూడా ప్రభావం పడుతుందంటున్నారు నిపుణులు.

కరోనా ప్రభావంతో కువైట్‌లో చమురు ధరలు భారీగా పడిపోయాయి. దీంతో దేశ ఆదాయానికి భారీ గండిపడింది. అటు కరోనా పాజిటివ్‌ కేసుల సంఖ్య 49వేలు దాటింది. ఈ నేపథ్యంలో ఆ దేశ ప్రభుత్వం దిద్దుబాటు చర్యలు మొదలుపెట్టింది. ఇందులో భాగంగా కువైట్ వ్యాప్తంగా ఉన్న విదేశీయులను వెనక్కు పంపించాలనే డిమాండ్‌ పెరిగింది. దీంతో ఆ దేశ ప్రధాని షేక్‌ సబా అల్‌-ఖలీద్‌ అల్‌-సబా ఈ బిల్లును ప్రతిపాదించారు. దేశంలో 70శాతంగా ఉన్న ప్రవాసీయులను 30 శాతానికి తగ్గించాలని నిర్ణయించారు. ఇందులో భాగంగా తీసుకువచ్చిన ప్రవాసీ కోటా ముసాయిదా బిల్లుకు ఆ దేశ జాతీయ శాసనసభ కమిటీ ఆమోదం తెలిపింది. ఈ బిల్లు చట్టంగా మారితే అక్కడ ఉన్న దాదాపు 8 లక్షల మంది భారతీయులు వెనుకకు రావాల్సి పరిస్థితి ఏర్పడింది.

కువైట్‌ మొత్తం జనాభా 43 లక్షలు. అందులో వివిధ దేశాలకు చెందిన 30 లక్షల మంది కువైట్ లో స్థిరపడ్డారు. ఈ సంఖ్యలో అత్యధికంగా భారతీయులే 14 లక్షల మంది ఉన్నారని అధికారిక లెక్కలు చెబుతున్నాయి. తాజా బిల్లు ప్రకారం కువైట్‌లో భారత జనాభా 15శాతం కంటే ఎక్కువ ఉండకూడదని నిబంధన తీసుకువచ్చింది ఆ దేశ ప్రభుత్వం. అయితే, అందరినీ ఒక్కసారే కాకుండా ఏడాదికి కొంతమంది చొప్పున విడతల వారిగా తిరిగి పంపించాలని అధికారులు నిర్ణయించారు. అయితే, ఈ బిల్లుకు చట్టబద్ధత ప్రక్రియ పూర్తి కావల్సివుంది. మరోవైపు ఆ దేశ అసెంబ్లీ స్పీకర్‌ మర్జూఖ్‌ అల్‌-ఘానెమ్‌ కూడా ఇదే అభిప్రాయాన్ని వ్యక్తం చేశారు.

కువైట్‌లోని భారత రాయబార కార్యాలయం ప్రకారం అక్కడ 28వేల మంది భారతీయులు నర్సులు, ఇంజినీర్లు, చమురు కంపెనీల్లో నిపుణులుగా పనిచేస్తున్నారు. దాదాపు 5.23 లక్షల మంది ప్రైవేటు రంగంలో పనిచేస్తున్నారు. 60 వేల మంది విద్యార్థులు వివిధ యూనివర్సిటీల్లో ఉన్నత చదువులు అభ్యసిస్తున్నారు. ఇందులో నైపుణ్యం కలిగిన వారికి అవకాశం కల్పిస్తూ శ్రామికులు, కార్మికులను తిరిగి పంపనున్నట్టు తెలుస్తోంది. ఇదే గనక జరిగితే భారత ప్రభుత్వంపై కూడా తీవ్ర ప్రభావం చూపుతుందంటున్నారు ఆర్థిక నిపుణులు. ప్రస్తుతం ఇండియా విదేశీ మారక నిల్వలు పెరగడంలో కువైట్‌ ముఖ్య భూమికను పోషిస్తోంది. అక్కడ నుంచి 2018లో 4.8 బిలియన్‌ డాలర్ల అంటే దాదాపు రూ. 36వేల కోట్లు చెల్లింపులు జరిగాయని గణాంకాలు చెబుతున్నాయి. భారతీయులు భారీ సంఖ్యలో వెనక్కు వచ్చేస్తే వ్యక్తిగతంగా ఆర్థిక ఇబ్బందులతో పాటు ప్రభుత్వ ఆదాయానికి కూడా గండి పడే ప్రమాదం లేకపోలేదంటున్నారు ఆర్థికవేత్తలు.

ఇదిలావుంటే, ప్రవాసీ కోటా బిల్లు సంబంధించి అధికారిక సమాచారం ఏదీ కువైట్‌ ప్రభుత్వం తమకు తెలుపలేదని భారత రాయబార కార్యాలయం వెల్లడించింది. కువైట్‌లోని భారతీయులను పంపించాలంటే వారి స్థానాల్లో పనిచేయడానికి ప్రత్యామ్నాయం అవసరం అని. ప్రాక్టికల్‌గా ఇది సాధ్యంకాదని అధికారులు చెబుతున్నారు.

Related Tags