Breaking News
  • విశాఖ: బ్లూఫ్రాగ్‌ టెక్నాలజీస్‌పై కొనసాగుతున్న సీఐడీ విచారణ. 8 సర్వర్లకు చెందిన డేటాను సేకరించిన అధికారులు. డేటాను విశ్లేషిస్తున్న సీఐడీ అధికారులు. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించినట్టు బ్లూఫ్రాగ్‌పై అభియోగాలు.
  • హైదరాబాద్‌: అధికారులతో రైల్వే సేఫ్టీ కమిషనర్‌ భేటీ. కాచిగూడ రైలు ప్రమాదంపై చర్చ. ప్రకాశం జిల్లా: ఒంగోలులో మనబడి నాడు-నేడు కార్యక్రమం ప్రారంభం. కార్యక్రమాన్ని ప్రారంభించిన సీఎం జగన్. వివిధ శాఖలు ఏర్పాటు చేసిన స్టాళ్లను పరిశీలించిన జగన్‌.
  • ప.గో: యలమంచిలి మండలం కాజ గ్రామంలో రోడ్డుప్రమాదం. అదుపుతప్పి పంట కాలువలోకి దూసుకెళ్లిన కారు. దంపతులకు తీవ్రగాయాలు, ఆస్పత్రికి తరలింపు.
  • అనంతపురం: కల్యాణదుర్గంలో కాలువలోకి దూసుకెళ్లిన కాలేజ్‌ బస్సు. ప్రమాద సమయంలో బస్సులో 48 మంది విద్యార్థులు. విద్యార్థులకు తృటిలో తప్పిన ముప్పు. డ్రైవర్‌ నిర్లక్ష్యమే కారణమంటున్న విద్యార్థుల తల్లిదండ్రులు.
  • భూపాలపల్లిలో కొనసాగుతున్న బంద్‌. ఆర్టీసీ డ్రైవర్‌ నరేష్‌ ఆత్మహత్యకు నిరసనగా బంద్‌. డిపోల్లోనే నిలిచిపోయిన ఆర్టీసీ బస్సులు.
  • అమరావతి: మంగళగిరి జనసేన కార్యాలయంలో బాలల దినోత్సవం. పాల్గొన్న జనసేన అధ్యక్షుడు పవన్‌కల్యాణ్‌. పిల్లలకు పుస్తకాలను పంపిణీ చేసిన పవన్‌కల్యాణ్‌.
  • హైదరాబాద్‌: కూకట్‌పల్లిలో నియోజకవర్గంలో మంత్రి కేటీఆర్‌ పర్యటన. పలు అభివృద్ధి కార్యక్రమాలను ప్రారంభించిన కేటీఆర్‌. కూకట్‌పల్లిలో ఇండోర్‌ స్టేడియం ప్రారంభం. మల్టీపర్పస్‌ స్పోర్ట్స్ కాంప్లెక్స్‌ను.. పిల్లలతో కలిసి ప్రారంభించిన మంత్రి కేటీఆర్‌. డబుల్ బెడ్‌రూమ్ కాంప్లెక్స్‌ను ప్రారంభించిన కేటీఆర్. అధికారిక కార్యక్రమాల్లో ఫ్లెక్సీలపై కేటీఆర్‌ వార్నింగ్‌. ఫ్లెక్సీలు తొలగిస్తేనే కార్యక్రమానికి వస్తానన్న కేటీఆర్‌. కేటీఆర్‌ ఫ్లెక్సీలు తొలగించిన సిబ్బంది.

సైరా చూసిన పోలీసులకు ఎస్పీ షాక్

తెలుగు రాష్ట్రాలను సైరా మూవీ మేనియా  కమ్మేసింది. మచ్ వెయిటెడ్ మూవీ కావడంతో చిరంజీవి అభిమానులతోపాటు.. మూవీ పట్ల క్రియేట్ అయిన క్రేజీతో పలువురు సినిమాను తొలిరోజే చూసేందుకు ఉత్సుకత చూపారు. దాంతో తెలుగు రాష్ట్రాల్లో సినిమా విడుదలైన థియేటర్లు కిక్కిరిసి పోయాయి. కాకపోతే ఈ సినిమా మోజు.. కర్నూలు జిల్లాలో ఏడుగురు ఎస్సైలు, ఇద్దరు కానిస్టేబుళ్ళకు చిక్కు తెచ్చిపెట్టింది. ఉద్యోగాలు పోయే పరిస్థితి ఎదురైంది. వివరాల్లోకి వెళితే..

మెగాస్టార్ చిరంజీవి నటించిన 151వ సినిమా సైరా..నరసింహారెడ్డి బుధవారం ప్రపంచ వ్యాప్తంగా విడుదలైన సంగతి తెలిసిందే. చిరంజీవి పట్ల ఉండే క్రేజ్ కు.. సినిమాకున్న చారిత్రక నేపథ్యం తొలిరోజే సినిమా చూడాలన్న ఉబలాటాన్ని కలిగించింది పలువురికి. ఇదే ఫీలింగ్‌తో బుధవారం తెల్లవారుజామున ప్రదర్శించిన స్పెషల్ షోకు కర్నూలు జిల్లాకు చెందిన ఏడుగురు ఎస్ఐలు, ఇద్దరు కానిస్టేబుళ్ళు వెళ్ళారు. కోయిలకుంట్లలోని థియేటర్ లో మూవీ చూసేందుకు ఈ పోలీసు సిబ్బంది వెళ్ళారు. అయితే ఉన్నతాధికారులకు సమాచారం లేకుండా ఇంత మంది పోలీసు సిబ్బంది ఓకే ఉండిపోవడం.. సినిమా చూడడంలో నిమగ్నమైపోవడం.. పోలీసు ఉన్నతాధికారులకు ఆగ్రహం తెప్పించింది. విషయం తెలుసుకున్న జిల్లా ఎస్పీ ఫకీరప్ప ఆగ్రహంతో రగిలిపోయారు. ఏడుగురు ఎస్సైలను వెకెన్సీ రిజర్వు (విఆర్)కు పంపించేశారు. దాంతో సినిమా చూసిన ఉత్సాహం కాస్తా ఆవిరైపోయింది. రాత్రి కోయిలకుంట్లలోని ఒక ఫంక్షన్ హాల్లో డిన్నర్ చేసుకున్న ఏడుగురు ఎస్.ఐ.లు, ఇద్దరు కానిస్టేబుళ్ళు.. ఆ తర్వాత తెల్లవారు జామున వేసిన సైరా స్పెషల్ షోలో సినిమా చూశారు. అవుకు ఎస్సై శ్రీకాంత్ రెడ్డి, కొలిమిగుండ్ల ఎస్సై జగదీశ్వర్ రెడ్డి, నందివర్గం ఎస్సై హరిప్రసాద్, బండి ఆత్మకూరు ఎస్సై వెంకట సుబ్బయ్య, రాచర్ల ఎస్సై ప్రియతం రెడ్డి, స్పెషల్ బ్రాంచి ఎస్సై అశోక్, గోస్పాడు ఎస్సై నిరంజన్ రెడ్డి  సినిమాకు వెళ్ళగా.. వీరందరినీ జిల్లా ఎస్పీ కార్యాలయంలో రిపోర్టు చేయాల్సిందిగా కర్నూలు ఎస్పీ ఫకీరప్ప ఆదేశించారు.