Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

అదే నిజమైతే.. కేటీఆర్‌కు ఇబ్బందులు తప్పవేమో?

ఇచ్చిన మాట కోసం తల తెగనరుక్కునే వ్యక్తి తెలంగాణ సీఎం కేసీఆర్. దశాబ్దాలుగా పోరాడి సాధించుకున్న తెలంగాణ రాష్ట్రానికి మొట్టమొదటి ముఖ్యమంత్రిగా చరిత్రలో నిలిచారు. ఆయన తొలిసారి సీఎం అయిన దానికంటే రెండోసారి ముఖ్యమంత్రిగా అయినప్పటినుంచి రాష్ట్రంలో ఏదో వెలితి కనిపిస్తూనే ఉంది. అది పాలకపక్షం వైపు నుంచి ఉందా? లేక అధికారుల వైపు నుంచి ఉందా? అనే విషయంలో స్పష్టత లేకపోయినా.. కేసీఆర్ పాలనపై మాత్రం అన్ని వైపులనుంచి విపరీతమైన వ్యతిరేకత వ్యక్తమవుతుంది.

సార్వత్రిక ఎన్నికలకు ముందు నుంచే సీఎం కేసీఆర్ జాతీయ రాజకీయలవైపు అడుగులు వేయాలని పలు ప్రయత్నాలు చేశారు. అవి బెడిసికొట్టిన విషయం తెలిసిందే. అయితే అదే సమయంలో ఓ వార్త చక్కర్లు కొట్టింది. కేసీఆర్ జాతీయ రాజకీయలవైపు వెళితే .. రాష్ట్రంలో పార్టీ బాధ్యతల్ని తనయుడు కేటీఆర్‌కు అప్పగిస్తారని. కానీ అది జరగలేదు. కనీసం కేటీఆర్‌కు మంత్రి పదవిని సైతం ఇవ్వలేదు. పార్టీ వర్కింగ్ ప్రెసిడెంట్‌గా నియమించి పార్టీని నడింపించడం ఎలా? అనే దానిపైనే దృష్టి కేంద్రీకరించేలా చేశారు. ఇటీవలే కేటీఆర్‌కు మునుపటి శాఖలనే కేటాయిస్తూ మంత్రివర్గంలోకి తీసుకున్నారు సీఎం కేసీఆర్.

ఇక అసలు విషయానికొస్తే.. కేసీఆర్ తర్వాత ఆపార్టీ కేటీఆర్ చేతికే వస్తుందని అందరికీ తెలిసిందే. అదే సమయంలో ఒకవేళ సీఎం కుర్చీ నుంచి కేసీఆర్ తప్పుకుంటే ఆ పదవి కేటీఆర్‌నే వరిస్తుందని కూడా తెలిసిన విషయమే. అయితే ప్రస్తుతం రాష్ట్రంలో ఉన్న సమస్యలు ప్రభుత్వాన్ని ఇబ్బందుల్లోకి నెడుతున్నట్టు కనిపిస్తోంది. దీనికి ఉదాహరణగా ఆర్టీసీ సమ్మెను చెప్పుకోవచ్చు. కార్మికులు సమ్మె నోటీసును నెలరోజుల ముందే ఇచ్చినట్టు చెబుతుంటే.. ఇది చట్ట విరుద్దమని ప్రభుత్వం చెబుతోంది. మరోవైపు సమ్మెకు దిగిన 48 వేలమంది ఆర్టీసీ కార్మికులు తమ ఉద్యోగాలను కోల్పోయినట్టేనంటూ స్వయంగా సీఎం కేసీఆర్ వ్యాఖ్యానించడం ప్రభుత్వాన్ని ఇరుకున పెట్టినట్టయ్యింది. ఆర్టీసీ కార్మికులు చేస్తున్న సమ్మె ఇప్పటికే రెండు వారాలు దాటింది. రాష్ట్ర వ్యాప్తంగా చేపట్టిన బంద్ కూడా సక్సెస్ అయ్యింది. ఇదిలా ఉంటే ఆర్టీసీ సిబ్బందితో చర్చలు జరపాలని హైకోర్టు సూచించింది. అదే సమయంలో ప్రజలు తిరగబడితే ఆ శక్తిని ఎవ్వరూ ఆపలేరని కూడా హైకోర్టు వ్యాఖ్యానించింది. అలాగే పోరాడి సాధించుకున్న తెలంగాణలో ప్రజలు ఇబ్బందులు పడకూడదని కూడా ప్రభుత్వాన్ని సున్నితంగా హెచ్చరించింది.

సీఎం కేసీఆర్ ఒకవేళ తన రాజకీయ వారసునిగా కేటీఆర్‌ను ప్రకటించదలిస్తే.. రాష్ట్రంలో ప్రస్తుతం ఉన్న స్థితిలో ఏ వర్గం ఆయనకు ఏమాత్రం సహకరించే పరిస్థితి లేదని రాజకీయ పండితులు భావిస్తున్నారు. ఎందుకంటే సీఎం కేసీఆర్.. ఆర్టీసీ సమస్యను జఠిలం చేస్తున్నారు తప్ప పరిష్కరించే దిశగా అడుగులు వేయడం లేదనేది కొంతమంది వాదన. సీఎం కుర్చీని కేటీఆర్‌కు ఇవ్వదలిస్తే.. సున్నితంగా, ఆహ్లాదకరమైన వాతారణంలో ఇస్తే బాగుంటుంది తప్ప.. చుట్టూ అన్నీ సమస్యలు వెంటాడుతున్న సమయంలో రాజకీయ వారసత్వాన్ని ప్రకటిస్తే కేటీఆర్ చాల ఇబ్బందులు ఎదుర్కోవాల్సి వస్తుందని అనుకుంటున్నారు. ఇదిలా ఉంటే సీఎం కేసీఆర్.. మాత్రం భవిష్యత్తు రాజకీయాలను గమనించే ఇలా చేస్తున్నారా? లేదా? అనే అనుమానాలు పార్టీలో కొత్త చర్చకు తెరతీస్తున్నాయి.

ఇవన్నీ ఇలా ఉంటే.. టీఆర్ఎస్ పార్టీలో అంతర్గతంగా మరో వార్త కూడా చక్కర్లు కొడుతుందట. అది మంత్రి హరీష్‌రావు గురించి. ఇంతకాలం ఆయనకు రాజకీయ భవిష్యత్తు లేకుండా పక్కకు పెట్టారని, ప్రస్తుతం రాష్ట్రం అప్పుల పాలై ఉన్న సమయంలో విధిలేని పరిస్థితిలో ఆర్ధిక శాఖను అప్పగించారని చెప్పుకుంటున్నారట. ఇదే గనుక నిజమైతే హరీశ్‌రావు అనే అగ్నిపర్వతం ఏదో ఒకరోజు విస్పోటనం చెందడం ఖాయమని కూడా కొంతమంది చెవులుకొరుక్కుంటున్నారట.

ఏది ఏమైనా రాష్ట్రంలో తాజా రాజకీయ పరిస్థితులను అంచనా వేస్తున్న రాజకీయ విశ్లేషకులు మాత్రం.. సీఎం కేసీఆర్ అవలంబిస్తున్న చర్యలు.. భవిష్యత్తులో కేటీఆర్‌కు ప్రతిబంధకంగా మారే ప్రమాదం ఉందనే అనుమానాలను వ్యక్తం చేస్తున్నారు.