Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

ఏపీ రాజధాని రగడపై కేటీఆర్ సెటైర్

ktr satires on capital controversy, ఏపీ రాజధాని రగడపై కేటీఆర్ సెటైర్

ఏపీలో కొనసాగుతున్న రాజధాని రగడపై టీఆర్ఎస్ వర్కింగ్ ప్రెసిడెంట్ కేటీఆర్ సెటైర్లు వేశారు. తెలంగాణలో జిల్లాల విభజనను ప్రశాంతంగా ఎలాంటి సమస్య లేకుండా కేసీఆర్ ప్రభుత్వం పూర్తి చేసిందని, కొన్ని రాష్ట్రాలలో రాజధాని విభజన అంటేనే ఎన్నో గొడవలు జరుగుతున్నాయి అంటూ పరోక్షంగా ఏపీలో ప్రస్తుతం జరుగుతున్న రాజధాని రచ్చను ప్రస్తావించారు కేటీఆర్. మునిసిపల్ ఎన్నికల ప్రచార పర్వాన్ని తెలంగాణ భవన్ నుంచి కేటీఆర్ శుక్రవారం సమీక్షించారు. పలువురితో ఆయన టెలికాన్ఫరెన్స్ ద్వారా మాట్లాడి గ్రౌండ్ లెవెల్ పరిస్థితిని తెలుసుకున్నారు.

ఎన్నికల సమీక్ష తర్వాత కేటీఆర్ మీడియాతో చిట్ చాట్‌గా మాట్లాడారు. ఈ సందర్భంగానే ఏపీ రాజధాని రగడపై సెటైర్లు వేశారు. రాష్ట్రం ఏర్పడినప్పుడు తెలంగాణలో కేవలం 10 జిల్లాలుండగా.. వాటిని 32 జిల్లాలుగా విభజించామని, మొత్తం ప్రాసెస్ ఎలాంటి గొడవలు లేకుండా ముగిసిందని అంటూనే.. కొన్ని రాష్ట్రాలలో రాజధాని విభజన అంటేనే గొడవలు జరుగుతున్నాయని పరోక్షంగా ఏపీ రాజధాని రగడను ప్రస్తావించారయన.

కేటీఆర్ ఈ సందర్బంగా బీజేపీ, కాంగ్రెస్ పార్టీలను తీవ్ర స్థాయిలో దుయ్యబట్టారు. మునిసిపల్ ఎన్నికల్లో కాంగ్రెస్ హామీలు ఇస్తే వాటిని ఎవరు నెరవేర్చాలని ఆయన ప్రశ్నించారు. మునిసిపల్ మంత్రిగా కొత్త మునిసిపల్ చట్టాన్ని అమలు చేయడమే తన ముందు ఉన్న సవాల్ అని ఆయన చెప్పారు. తానున కాబోయే సీఎం అన్న ప్రచారంలో నిజం లేదని, కొందరు మంత్రులతో ఈ అంశాన్ని మీడియానే మాట్లాడిస్తోందని అన్నారు.

జీహెచ్ఎంసీని విభజించే ఆలోచనేది తమ ప్రభుత్వానికి లేదన్నారు కేటీఆర్. బీజేపీ పాలిత రాష్ట్రాల్లోని మెట్రో సిటీల్లో ఎక్కడైనా లక్ష ఇళ్ళు కట్టారా? ఇక్కడ ఎందుకు సాధ్యం కాని హామీలను బీజేపీ నేతలు ఇస్తున్నారని అడిగారు ఆయన. ఇంకా నాలుగు ఏళ్ళు అధికారంలో వుంటాం కాబట్టి.. తమ ప్రభుత్వం లక్ష్యం ప్రకారం ఇళ్ళ నిర్మాణాలను పూర్తి చేస్తుందని చెప్పారయన.

Related Tags