Breaking News
  • ఆంధ్రప్రదేశ్‌లో కరోనా పాజిటివ్‌ కేసులు అంతకంతకూ పెరుగుతున్నాయి. రాష్ట్ర నోడల్‌ ఆఫీసర్‌ రాంబాబు టీవీ9 గుడ్‌మార్నింగ్ ఇండియాలో చెప్పినట్టుగానే పాజిటివ్‌ కేసులు బాగా పెరుగుతున్నాయి.
  • ప్రభుత్వ ఉద్యోగుల జీతాలలో కోత పెట్టి కాంట్రాక్టర్లకు బిల్లులు ఇవ్వడం కరెక్ట్‌ కాదంటున్నారు తెలుగుదేశంపార్టీ అధినేత చంద్రబాబునాయుడు. అధికారం ఉందని ఇష్ట ప్రకారం చేస్తామనడం సబబు కాదన్నారు.
  • కరోనా భూతాన్ని తరిమికొట్టేందుకు కేంద్ర ప్రభుత్వం గట్టి చర్యలు తీసుకుంటోంది.. . ఇవాళ భేటి అయిన కేంద్ర కేబినెట్‌ ఇందుకు సంబంధించి కొన్ని కీలక నిర్ణయాలు తీసుకుంది. కరోనా మహమ్మారిపై యుద్ధం చేయడానికి నిధుల కొరత ఉండకూడదన్న ఉద్దేశంతో పార్లమెంట్‌ సభ్యుల వేతనాల్లో 30 శాతం కోత విధించారు.. ఏడాది పాటు కోత ఉంటుంది.
  • కరోనా వైరస్‌ వ్యాప్తిని అరికట్టడానికి ఎన్ని కఠిన చర్యలు తీసుకుంటున్నా కొన్నిచోట్ల ప్రభుత్వ ఆదేశాలను అధికారులు బేఖాతరు చేస్తున్నారు. విజయవాడ రూరల్ మండలం రామవరప్పాడు జిల్లా పరిషత్ ఉన్నత పాఠశాలలో తిరునాళ్లను తలపిస్తోంది.
  • ఆంధ్రప్రదేశ్‌, తెలంగాణలలో అకాలవర్షం భయపెడుతోంది. కర్నూలు, మహబూబ్‌నగర్‌ పరిధిలోని నల్లమల అటవీ ప్రాంతాల్లో జోరుగా వానపడింది. ఇటు వికారాబాద్‌ జిల్లా పర్గితో పాటు రంగారెడ్డి జిల్లా శంషాబాద్‌లోనూ వర్షం కురిసింది. వేసవి కాలంలో పడుతున్న ఈ అకాలవర్షంతో జనం బెంబేలెత్తారు.
  • కరోనా వైరస్‌ నియంత్రణకు అన్ని చర్యలు తీసుకుంటున్నామని ఏపీ ఆర్థికమంత్రి బుగ్గన రాజేంద్రనాథ్‌రెడ్డి తెలిపారు. కర్నూలు జిల్లాలో కరోనా ల్యాబ్‌ ఏర్పాటు చేయబోతున్నట్లు వెల్లడించారు. టెలీ మెడిసిన్‌ అందుబాటులోకి తెస్తున్నామన్నారు. లాక్‌డౌన్‌ సడలింపు కేంద్రమే నిర్ణయించాలంటున్నారు మంత్రి బుగ్గన రాజేంద్రనాథ్‌రెడ్డి.

మునిసిపల్ అభ్యర్థుల ఎంపికలో కేటీఆర్ వెరైటీ స్టైల్

ktr focuses municipal polls, మునిసిపల్ అభ్యర్థుల ఎంపికలో కేటీఆర్ వెరైటీ స్టైల్

ఏపీలో రాజధాని రగడ కొనసాగుతుంటే.. తెలంగాణలో మునిసిపల్ ఎన్నికల నగారా మోగింది. జనవరి 22న జరగనున్న మునిసిపల్ ఎన్నికలకు అన్ని ప్రధాన రాజకీయ పార్టీలు సిద్దమవుతున్నాయి. అధికార టీఆర్ఎస్ పార్టీ కూడా మునిసిపల్ ఎన్నికలపై దృష్టి సారించింది. అయితే మునిసిపల్ ఎన్నికల్లో పోటీ చేసే అభ్యర్థులను ఎంపిక చేయడంలో ఈసారి పార్టీ వర్కింగ్ ప్రెసిడెంట్ కే.టీ.ఆర్. తనదైన శైలిని ప్రదర్శించనున్నట్లు విశ్వసనీయంగా తెలుస్తోంది.

వర్కింగ్ ప్రెసిడెంట్ హోదాలో కేటీఆర్ శుక్రవారం తెలంగాణ భవన్‌లో రాష్ట్ర కమిటీ సభ్యులతో భేటీ అయ్యారు. మునిసిపల్ ఎన్నికలే ప్రధాన ఎజెండాగా సమావేశాన్ని ఏర్పాటు చేశారు కేటీఆర్. అభ్యర్థుల ఎంపిక, ప్రచార పర్వంలో అనుసరించాల్సిన వ్యూహం వంటి అంశాలపై కేటీఆర్ రాష్ట్ర కమిటీ సభ్యులతో చర్చించారు.

అయితే ముందుగా అభ్యర్థుల ఎంపిక సవాల్‌గా మారిన పరిస్థితిలో అందుకోసం కేటీఆర్ తనదైన శైలిలో కొత్త స్టైల్‌ని అనుసరించాలని భావిస్తున్నారు. గత అయిదేళ్ళలో టీడీపీ, కాంగ్రెస్ పార్టీల నుంచి కొత్తగా చేరిన పలువురితోపాటు మొదట్నించి టీఆర్ఎస్ పార్టీలో వున్న వారు పెద్ద ఎత్తున మునిసిపల్ ఎన్నికల్లో టిక్కెట్లను ఆశిస్తున్నారు. వీరిలో అసమ్మతి, అసంతృప్తి లేకుండా అభ్యర్థులను ఎంపిక చేయడం కేటీఆర్ ముందు సవాల్‌గా మారింది.

రాష్ట్ర స్థాయిలో ముగ్గురితో త్రిమెన్ కమిటీని నియమించాలని కేటీఆర్ నిర్ణయించినట్లు సమాచారం. ఈ కమిటీ జిల్లాల వారీగా మునిసిపల్ అభ్యర్థుల ఎంపికకు అనుసరించాల్సిన విధివిధానాలను ఖరారు చేసి, జిల్లా అధ్యక్షులకు మార్గదర్శకాలను జారీ చేస్తుంది. అనంతరం జిల్లా కమిటీలు మునిసిపల్ అభ్యర్థుల ఆశావహులను వడపోసి, జాబితాలను రూపొందిస్తారు.

ఆ తర్వాత రాష్ట్ర స్థాయి త్రిమెన్ కమిటీ ఆ జాబితాలను మరోసారి పరిశీలించి, వర్కింగ్ ప్రెసిడెంట్ కేటీఆర్ సమక్షంలో తుది జాబితాను రూపొందిస్తుంది. తుది జాబితాపై అధినేత కేసీఆర్‌ అనుమతి తీసుకుని, అభ్యర్థులను ప్రకటించాలని కేటీఆర్ యాక్షన్ ప్లాన్ సిద్దం చేసినట్లు సమాచారం.

Related Tags