ప్రభాస్ ‘ఆదిపురుష్’లో కృష్ణంరాజు..!
ప్రభాస్ ప్రధానపాత్రలో బాలీవుడ్ దర్శకుడు ఓమ్ రౌత్ తెరకెక్కించనున్న భారీ బడ్జెట్ పౌరాణిక చిత్రం ఆదిపురుష్.
Prabhas Adipurush Movie: ప్రభాస్ ప్రధానపాత్రలో బాలీవుడ్ దర్శకుడు ఓమ్ రౌత్ తెరకెక్కించనున్న భారీ బడ్జెట్ పౌరాణిక చిత్రం ఆదిపురుష్. రామాయణం నేపథ్యంలో తెరకెక్కనున్న ఈ మూవీలో ప్రభాస్ రాముడిగా, సైఫ్ అలీ ఖాన్ రావణాసురుడిగా కనిపించనున్నారు. మిగిలిన పాత్రాధారులకు ఎంపిక జరుగుతున్నట్లు ఇటీవల చిత్ర యూనిట్ ప్రకటించింది. ఈ క్రమంలో ఈ మూవీకి సంబంధించిన ఎన్నో పుకార్లు సోషల్ మీడియాలో చక్కర్లు కొడుతున్నాయి. ఇక తాజాగా మరో గాసిప్ ఫిలింనగర్ వర్గాల్లో చక్కర్లు కొడుతోంది. అదేంటంటే ఇందులో ప్రభాస్ పెద్దనాన్న కృష్ణంరాజు కీలక పాత్రలో కనిపించనున్నారట.
ఓ కీలక పాత్రకు గానూ కృష్ణంరాజును తీసుకోవాలన్న ఆలోచనలో ఓమ్ రౌత్ ఉన్నట్లు తెలుస్తోంది. కృష్ణంరాజు గతంలో పలు పౌరాణిక చిత్రాల్లో నటించారు. ఈ క్రమంలో ఆయనను ఆదిపురుష్లో పెట్టడం వలన సినిమాకు మరో అస్సెట్గా నిలిచే అవకాశం ఉందని ఆయన ఆలోచిస్తున్నట్లు సమాచారం. మరి ఇందులో నిజమెంత..? కృష్ణంరాజు, ప్రభాస్ని మరోసారి తెరపై చూడొచ్చా..? వంటి ప్రశ్నలకు సమాధానం తెలియాలంటే కొద్ది రోజులు ఆగాల్సిందే. కాగా టీసిరీస్ భారీ బడ్జెట్తో నిర్మిస్తోన్న ఈ చిత్రం పలు భారతీయ భాషల్లో విడుదల కానుంది. అయితే కాగా గతంలో ప్రభాస్ చిత్రాలైన బిల్లా, రెబల్ చిత్రాల్లో కృష్ణంరాజు నటించిన విషయం తెలిసిందే.
Read More:
వైఎస్ వివేకా కేసు.. మరోసారి పులివెందులకు సీబీఐ
తెలంగాణలో డిగ్రీ, పీజీ ఫైనల్ ఇయర్ విద్యార్థులకు గుడ్న్యూస్