Breaking News
  • రేపు 9 రాష్ట్రాల ముఖ్యమంత్రులతో ప్రధాని వీడియో కాన్ఫరెన్స్. కోవిడ్-19 స్థితిగతులపై ఉదయం గం. 11.00కు ప్రారంభం కానున్న సమావేశం. వీడియో కాన్ఫరెన్సులో ఆంధ్రప్రదేశ్, బిహార్, గుజరాత్, కర్ణాటక, మహారాష్ట్ర, పంజాబ్, తమిళనాడు, తెలంగాణ, ఉత్తరప్రదేశ్ రాష్ట్రాల ముఖ్యమంత్రులు, చీఫ్ సెక్రటరీలు. ప్రధానితో పాటు సమావేశంలో పాల్గొననున్న కేంద్ర మంత్రులు రాజ్‌నాథ్ సింగ్, నిర్మలా సీతారామన్, డా. హర్షవర్థన్, కిషన్ రెడ్డి, కేబినెట్ సెక్రటరీ, హోం సెక్రటరీ. నేడు 6 రాష్ట్రాల సీఎంలతో జరిగిన సమావేశంలో కూడా కిషన్ రెడ్డికి చోటు.
  • విజయవాడ : చోటా రౌడీ గ్యాంగ్ ని అరెస్టు చేసిన అజిత్ సింగ్ నగర్ పొలీసులు. విజయవాడ అజిత్ సింగ్ నగర్ లో స్ట్రీట్ ఫైట్ చేధించిన అజిత్ సింగ్ నగర్ పోలీసులు. పాత గొడవలు నేపథ్యంలో పుట్ట వినయ్ అనే యువకుడి పై ముకుమ్మడిగా దాడి చేసిన ఐదుగురు యువకులు. గాయాల పాలైన యువకుడు అజిత్ సింగ్ నగర్ పీఎస్ లో ఫిర్యాదు. గంటల వ్యవధిలో కేసుని ఛేదించిన పోలీసులు.
  • ఇంటర్ డిగ్రీ అడ్మిషన్లపై నిర్ణయం తీసుకున్న విద్యాశాఖ. -ఎంట్రెన్స్ టెస్టులు నిర్వహించనున్న తెలంగాణ ప్రభుత్వం. ఇంటర్ - సెప్టెంబర్ 1 తర్వాత అడ్మిషన్స్ పై నిర్ణయం డిగ్రీ - 28 నుంచి అడ్మిషన్స్ . సెట్స్ : Ecet - aug 8. Mcet- 9,10,11,14 sep Poly set - 2 sep ఎంట్రెన్స్ ఎగ్జామ్స్ అన్ని TCS ద్వారా ఆన్లైన్ పరీక్షలు. Degree పరీక్షలు సుప్రీం చెప్పిన తర్వాత నిర్ణయం . 17 ఇంటర్ నుంచి డిజిటల్ క్లాసులు ప్రారంభం .
  • రాజస్థాన్‌ రాజకీయాల్లో శరవేగంగా మారుతున్న పరిణామాలు. పార్టీకి మళ్లీ దగ్గరవుతున్న తిరుగుబాటు నేత సచిన్ పైలట్. రాహుల్, ప్రియాంక గాంధీలతో సచిన్ మంతనాలు. సీఎం అశోక్ గెహ్లోత్ తీరుపై తీవ్ర అభ్యంతరాలు. అధిష్టానం ముందు తన డిమాండ్లు ఏకరువు పెట్టిన పైలట్. సచిన్ లేవనెత్తిన అంశాల పరిష్కారానికి కమిటీ. ముగ్గురు సభ్యులతో కమిటీ ఏర్పాటు చేసిన పార్టీ అధినేత్రి సోనియా గాంధీ.
  • తిరుపతి ఎస్వీబీసీ ఛానెల్ సీఈఓగా కేంద్ర సమాచార శాఖ అధికారి సురేష్ కుమార్ గెదెలను నియమిస్తూ ఆదేశాలు ఇచ్చిన ప్రభుత్వం. ప్రస్తుతం విజయవాడలోని దూరదర్శన్ కేంద్రంలో డిప్యూటీ డైరెక్టరుగా పనిచేస్తున్న సురేష్ కుమార్. కేంద్ర సర్వీసుల నుంచి డెప్యుటేషనుపై రాష్ట్ర సర్వీసులోకి చేరిన సురేష్ కుమార్.
  • సాధారణ మెయిల్, ఎక్స్‌ప్రెస్, ప్యాసెంజర్ రైలు సర్వీసుల రద్దు సెప్టెంబర్ 30 వరకు కొనసాగింపు. ప్రస్తుతం నడుస్తున్న స్పెషల్ ట్రైన్లు మాత్రం నడుస్తాయి. రైల్వే బోర్డు తాజా ప్రకటన.
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.

వివాదస్పద ఎమ్యెల్యేకు సీఎం వార్నింగ్..పద్దతి మార్చుకోవాలంటూ క్లాస్?

Kotamreddy’s arrest brings to fore groupism in YSR Congress Party, వివాదస్పద ఎమ్యెల్యేకు సీఎం వార్నింగ్..పద్దతి మార్చుకోవాలంటూ క్లాస్?

సీఎం జగన్..ప్రజల్లో తన విశ్వసనీయత చాటుకునేందుకు ఎంతదూరం వెళ్లడానికైనా సిద్దమైనట్టు తాజా పరిస్థితులు చూస్తుంటే అర్దమవుతుంది. తన తండ్రి వైఎస్సార్ కంటే ఇంకా గొప్ప పాలన అందించడానికి కృషి చేస్తానని జగన్ ముఖ్యమంత్రి కాకముందు ప్రకటించిన సంగతి తెలిసిందే. ఆ దిశగా జగన్ అడుగులు పడుతున్నాయి. ముందుగా రాజశేఖర్‌రెడ్డి మాదిరిగానే సంక్షేమానికి ఎక్కువ ప్రధాన్యతనిస్తున్న యువ సీఎం..పార్టీ ప్రతిష్ఠతకు, ప్రజల్లో నమ్మకానికి ఇబ్బంది కలిగించే వ్యక్తులను సొంతపార్టీ నేతలైనా సరే ఉపేక్షించడం లేదు. అందుకు ఇటీవల జరిగిన నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి సంఘటనే ప్రత్యక్ష ఉదాహరణ. మాములుగా అయితే ఇలాంటి విషయాల్లో సొంతపార్టీవారిని అధినాయకత్వం డిఫెండ్ చేసుకుంటుంది. ఆ టాపిక్ దృష్టి మరల్చేందుకు కృషి చేస్తుంది. కానీ జగన్ గవర్నమెంట్ సొంత పార్టీ ఎమ్మెల్యేను అరెస్ట్ చేయించడం గమనార్హం.

ఎమ్మెల్యల మధ్య గొడవ..మొగ్గలోనే తుంచేసిన వైనం:

నెల్లూరు జిల్లాలో వైసీపీ ఎమ్మెల్యేల మధ్య నెలకొన్న పంచాయతీని ఆ పార్టీ నేతలు ఏదో రకంగా సెటిల్ చేశారు. ముందుగా వైసీపీ నేతలతో సమావేశమైన ఎమ్మెల్యేలు కోటంరెడ్డి శ్రీధర్ రెడ్డి, కాకాని గోవర్ధన్ రెడ్డి… ఆ తరువాత సీఎం జగన్‌తో సమావేశమయ్యారు. ఓ మహిళా ఉద్యోగిపై దౌర్జన్యం చేశారనే కారణంగా ఎమ్మెల్యే కోటంరెడ్డి శ్రీధర్ రెడ్డిపై పోలీసు కేసు నమోదు చేయడం… ఆ తరువాత ఈ వ్యవహారం ఎమ్మెల్యేలు కోటంరెడ్డి, కాకాని మధ్య కొత్త విభేదాలకు తెరలేపడంతో వైసీపీ అధినాయకత్వం రంగంలోకి దిగింది. వైసీపీ ముఖ్యనేత, టీటీడీ చైర్మన్ వైవీ సుబ్బారెడ్డి సహా పలువురు వైసీపీ ముఖ్యనేతలు రంగంలోకి దిగి ఇద్దరితో చర్చలు జరిపారు. వివాదానికి తాత్కాలికంగా ముగింపు పలికారు.

అయితే ఎన్నికలకు ముందు కూడా కోటంరెడ్డిపై పలు కేసులు నమోదయ్యాయి. జిల్లా పోలీసులతో ఆయనకు పొసగడం లేదు.  ఏదో రకంగా వివాదాలు వస్తుండటంతో ఎమ్మెల్యే కోటంరెడ్డి శ్రీధర్ రెడ్డి తీరుపై వైసీపీ అధినేత, సీఎం జగన్ తీవ్ర అసంతృప్తి వ్యక్తం చేసినట్టు తెలుస్తోంది. ఇలా ఎందుకు జరుగుతోందని ఆయన గట్టిగానే ప్రశ్నించినట్టు సమాచారం. అంతేకాదు నెల్లూరులో కాకుండా కొన్నాళ్ల పాటు  అమరావతిలోనే ఉండాలని, నెలలో ఎక్కువ రోజులు అమరావతిలో ఉండాలని సీఎం జగన్ ఎమ్మెల్యే కోటంరెడ్డి శ్రీధర్ రెడ్డిని ఆదేశించినట్టు తెలుస్తోంది.

నియోజకవర్గం అభివృద్ధిని తాను చూసుకుంటానని సీఎం జగన్ కోటంరెడ్డికి స్పష్టం చేసినట్టు సమాచారం. దీంతో ఇకపై నెలకు 25 రోజులు అమరావతిలోనే ఉండాలని కోటంరెడ్డి శ్రీధర్ రెడ్డి నిర్ణయించుకున్నారన్న టాక్ నడుస్తోంది. ఈ విషయాన్ని ఆయనే స్వయంగా చెప్పడం విశేషం. మొత్తానికి వివాదాలతో పార్టీని ఇబ్బందిపెడుతున్న సొంత పార్టీ ఎమ్మెల్యేకు సీఎం జగన్ గట్టి వార్నింగ్..మిగిలిన నాయకులు కూడా జాగ్రత్తగా ఉండటానికి ఉపయోగపడుతుందని రాజకీయ విశ్లేషకులు అభిప్రాయపడుతున్నారు.

Kotamreddy’s arrest brings to fore groupism in YSR Congress Party, వివాదస్పద ఎమ్యెల్యేకు సీఎం వార్నింగ్..పద్దతి మార్చుకోవాలంటూ క్లాస్?

Related Tags