Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

స్మిత్‌కు సరిలేరు.. కోహ్లీకి సాటెవ్వరూ.!

Who Is The Best Batsmen In Modern Era Kohli Or Smith, స్మిత్‌కు సరిలేరు.. కోహ్లీకి సాటెవ్వరూ.!

స్టీవ్ స్మిత్.. ప్రస్తుతం వరల్డ్ నెంబర్ వన్ టెస్ట్ ప్లేయర్, ఆసీస్ జట్టుకు ‘ది వాల్’ అని చెప్పాలి. మైకేల్ క్లార్క్ రిటైర్మెంట్ అనంతరం జట్టు పగ్గాలను అందుకున్న స్మిత్.. అద్భుతమైన ఆటతీరును కనబరిచాడు. కొందరు కెప్టెన్సీ బాధ్యత చేపట్టిన తర్వాత ఒత్తిడితో తమ ఫామ్‌ను కోల్పోతుంటారు. కానీ స్మిత్.. జట్టులో ఆటగాడిగా ఉన్నప్పటి కంటే కెప్టెన్‌గా బాధ్యతలు స్వీకరించిన తర్వాత మరింత అద్భుతంగా రాణించాడు. సొంతగడ్డపైనే కాకుండా విదేశాల్లో కూడా ఆసీస్‌కు ఎన్నో విజయాలను కట్టబెట్టాడు.

స్పిన్ బౌలర్‌గా జట్టులోకి అడుగుపెట్టిన స్మిత్.. తనదైన శైలి అసాధారణ టెక్నిక్‌తో వరల్డ్ బెస్ట్ టెస్ట్ బ్యాట్స్‌మెన్‌గా ఎదిగాడు. బౌలర్ ఎవరైనా సరే.. ఏమాత్రం లొంగకుండా.. అద్భుతమైన ఆటతీరును ప్రదర్శిస్తాడు. అలెన్ బోర్డర్ – రికీ పాంటింగ్ – మైఖేల్ క్లార్క్ తర్వాత స్టీవ్ స్మిత్ కెప్టెన్‌గా గొప్ప రికార్డును తన సొంతం చేసుకున్నాడు.

ఇది ఇలా ఉండగా 2018లో బాల్ టాంపరింగ్ వివాదంతో ఏడాది పాటు నిషేధం ఎదుర్కొని కెప్టెన్సీ పదవి నుంచి స్టీవ్ స్మిత్ తప్పుకున్న సంగతి తెలిసిందే. తప్పు జరిగింది.. దానికి శిక్ష అనుభవించాడు.. రీ-ఎంట్రీ ఇచ్చాడు. 2019 వన్డే ప్రపంచకప్‌తో తిరిగి జట్టులో స్థానం దక్కించుకున్న స్మిత్.. పలు మ్యాచ్‌ల వ్యవధిలోనే తన ఫామ్‌ను పొందాడు. ఇక వరల్డ్ కప్ అనంతరం యాషెస్ సిరీస్.

సిరీస్‌లు మాత్రమే మారుతున్నాయి.. కానీ స్టీవ్ స్మిత్ ఫామ్ మాత్రం అలానే ఉంది. ఇంగ్లాండ్ బౌలర్లకు తన అద్భుతమైన ఫామ్‌తో చుక్కలు చూపిస్తున్నాడు. ఏడాది తర్వాత జట్టులోకి రీ ఎంట్రీ ఇచ్చిన స్మిత్ తన పరుగుల దాహాన్ని తీర్చుకుంటున్నాడు. తనంతట తాను వికెట్ ఇస్తే అదే గొప్పని ఇంగ్లాండ్ బౌలర్లు భావించేలా భీకర ఫామ్‌తో పరుగులు చేస్తున్నాడు. ఈ నేపథ్యంలోనే స్మిత్ నాలుగో యాషెస్ టెస్ట్‌లో అద్భుతమైన డబుల్ సెంచరీ (319 బంతుల్లో 211; 24 ఫోర్లు, 2 సిక్స్‌లు) సాధించిన సంగతి తెలిసిందే.

మరోవైపు పునరాగమనం తర్వాత టెస్ట్‌లలో నెంబర్ వన్ ర్యాంక్ తిరిగి దక్కించుకోవడానికి స్మిత్‌కు ఎంతో సమయం పట్టలేదు. మాజీల నుంచి లెజెండ్స్ వరకు స్టీవ్ స్మిత్ టెక్నిక్‌కు, అసాధారణ బ్యాటింగ్‌కు ఫిదా అయిపోయారు. ఇది ఇలా ఉండగా క్రికెట్ అభిమానుల్లో కొందరు 20వ దశకంలో బెస్ట్ బ్యాట్స్‌మెన్ స్మిత్ అని.. మరికొందరు విరాట్ కోహ్లీ అని సోషల్ మీడియా వేదికగా ‘వార్‌’కు దిగుతుండటం చూస్తున్నాం. అయితే ఇద్దరూ కూడా 20వ దశకంలో ది బెస్ట్ ప్లేయర్స్ అని చెప్పడంలో తప్పులేదు.

విరాట్ కోహ్లీ.. మోడరన్ ఎరాలో రన్ మిషన్.. మిస్టర్ కూల్ మహేంద్ర సింగ్ ధోని తర్వాత సారధ్య బాధ్యతలను చేపట్టి టీమిండియాకు ఎన్నో అద్భుతమైన విజయాలను అందించాడు. గ్రౌండ్‌లో ఎంత దూకుడుగా ఉంటాడో.. బ్యాటింగ్‌కు వచ్చినప్పుడు కూడా అదే దూకుడుతో సెంచరీల మీద సెంచరీలు అవలీలగా బాదేస్తాడు. కోహ్లీ క్రీజులో ఉన్నాడంటే చాలు సగటు అభిమాని ఆ మ్యాచ్ భారత్‌దేనని కన్ఫర్మ్ చేసుకుంటాడు.

టెస్ట్ ర్యాంకింగ్‌లో రెండో స్థానంలో.. వన్డే ర్యాంకింగ్‌లో మొదటి స్థానంలో ఉన్న విరాట్ కోహ్లీ గొప్ప ఆటగాడు. అంతర్జాతీయ క్రికెట్‌లో ఎన్నో రికార్డులను ఇప్పటికే తన సొంతం చేసుకున్న విరాట్ .. సచిన్ టెండూల్కర్ పేరిట ఉన్న 100 సెంచరీల రికార్డును కూడా తొందరలో చెరిపేయగలడు.

ఇక ఈ ఇద్దరిలో ఎవరు బెస్ట్ అనే క్వశ్చన్ కరెక్ట్ కాదు. ఇద్దరూ కూడా అత్యున్నత ప్రమాణాలు కలిగిన గొప్ప ఆటగాళ్లే. ఎవరి శైలిలో వారు ది బెస్ట్. కొంతమంది విరాట్ కోహ్లీ ఫ్యాన్స్‌లో స్టీవ్ స్మిత్ ఆటను ఇష్టపడే వాళ్ళ ఉండవచ్చు. అలాగే స్టీవ్ స్మిత్‌ను ఇష్టపడే వాళ్ళులో విరాట్‌ను కూడా లైక్ చేయవచ్చు. అందుకే ఇద్దరి మధ్య పోలికలు పెట్టే కంటే.. ఇద్దరి ఆటను ఆస్వాదించడం మంచిది.

Related Tags