Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 98 వేల మార్క్ ని దాటినా కరోనా పాజిటివ్ కేస్ లు. 2 లక్షలకు చేరువ లో కరోనా కేస్ లు. దేశవ్యాప్తంగా కరోనా పాజిటివ్ కేసులు : 198706. దేశ వ్యాప్తంగా యాక్టీవ్ కేసులు: 97581. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5598. కేంద్ర ఆరోగ్య మంత్రిత్వ శాఖ.
  • రాజేంద్రనగర్ గ్రే హౌండ్స్ ప్రాంతంలో మళ్లీ చిరుత తిరుగుతూ సిసి కెమెరాకు చిక్కిన ఆనవాళ్లు. గ్రే హౌండ్స్ కాంపౌండ్ లోపల ఉన్నట్టు గుర్తింపు. 700ఎకరాల్లో పోలీస్ గ్రే హౌండ్స్ . గ్రే హౌండ్స్ ఉన్నతాధికారుల నుండి అనుమతి వచ్చిన తర్వాతే బొన్లు ఏర్పాటు చేస్తామని చెబుతున్న అటవీశాఖ అధికారులు. గ్రే హౌండ్స్ చుట్టూ జూ సిబ్బంది, షూటర్స్, ట్రాప్ కెమెరా లతో అప్రమత్తం.
  • రెండు రాష్ట్రా ప్రభుత్వాలకు ఈనెల 4న జరిగే కృష్ణా నది యజమాన్య బోర్డు మీటింగ్ ఏజెండాలను పంపిన కృష్ణా నీటీ యాజమాన్య బోర్డ్. ఏజెండాలో ప్రధానంగా 5 అంశాల ప్రస్తావన. తెలంగాణ, ఏపీ ప్రభుత్వాలు చేపడుతున్న ప్రాజెక్టు లు , అభ్యంతరాలు , ప్రాజెక్టుల డీపీఆర్ లు.
  • టిటిడి : తిరుమలలో శ్రీవారి దర్శనానికి రాష్ట్ర ప్రభుత్వం గ్రీన్ సిగ్నల్. టిటిడి ఉద్యోగాలు, స్థానికులతో ట్రయల్ రన్ నడిపేందుకు రాష్ట్ర ప్రభుత్వం అనుమతి. 6 అడుగుల భౌతిక దూరం పాటిస్తూ దర్శనం కల్పించాలని సూచన. టీటీడీ ఈవో లేఖకు స్పందించిన ఏపీ ప్రభుత్వం. ఉత్తర్వులు జారీ చేసిన ప్రభుత్వ ప్రత్యేక ప్రధాన కార్యదర్శి జే.ఎస్.వి ప్రసాద్.
  • తూ. గో.జిల్లా: కోనసీమలో కరోన కలకలం. కోనసీమను గజ గజ లాడిస్తున్న ..ముంబై నుంచి వచ్చిన వలస కూలీలు . ఈరోజు ఒక్కరోజులో 28 కరోన పోసిటివ్ కేసులు నమోదు.
  • టీవీ9 తో ఉస్మానియా మెడికల్ కాలేజ్ ప్రిన్సిపాల్ శిశి కళ . ఉస్మానియా మెడికల్ కాలేజీ లో 12 మందికి కోవిడ్ పాజిటివ్. భయం గుప్పెట్లో ఉస్మానియా పీజీలు. ఇప్పటికే రిడింగ్ రూమ్ ను మోసివేసిన కాలేజ్ యాజమాన్యం. ప్రతి ఒక్క పీజీ ని ppe కిట్స్ వెస్కొమని సూచిస్తున్న ప్రిన్సిపల్ శశికళ. జూనియర్ డాక్టర్స్ కు పాజిటివ్ రావటం తో హాస్టల్ ను శానిటేషన్ చేసిన ghmc.

టీడీపీని వీడాలనుకున్న కోడెల.. గొడవ అక్కడే మొదలైందా..!

Kodela Siva Prasada Rao wanted to join BJP?, టీడీపీని వీడాలనుకున్న కోడెల.. గొడవ అక్కడే మొదలైందా..!

ఏపీ మాజీ స్పీకర్ కోడెల శివప్రసాద్ మృతి తెలుగు రాష్ట్రాల్లో కలకలం రేపుతోంది. ఆయనది ఆత్మహత్యేనని పోస్ట్‌మార్టం నివేదికలో డాక్టర్లు తేల్చారు. మరోవైపు ఫోరెన్సిక్ నిపుణులు కూడా ఆయన శరీరంపై ఆత్మహత్య చేసుకున్న ఆనవాళ్లు తప్ప మరేం లేవని స్పష్టం చేశారు. అయినా కోడెల మృతిపై పలు అనుమానాలు వెంటాడుతున్నాయి. హైదరాబాద్‌లోని తన నివాసంలో ఉరేసుకున్న ఆయనను దగ్గరున్న ఆసుపత్రికి తరలించకుండా.. దూరంగా ఉన్న బసవతారకంకు తరలించడంపై పలువురు అనుమానాలు వ్యక్తం చేస్తున్నారు. దానికి తోడు ఆయన పార్ధివదేహాన్ని చూసిన మాజీ మంత్రి సోమిరెడ్డి చంద్రమోహన్ రెడ్డి కోడెల మెడపై గాట్లు ఉన్నాయని చెప్పడంతో అనుమానాలకు మరింత ఆజ్యం పోసినట్లైంది. ఏది ఏమైనా కోడెల హఠాన్మరణంపై ఇప్పుడు రాజకీయం మొదలైంది.

కేసుల పేరుతో వైసీపీ ప్రభుత్వం పెట్టిన టార్చర్ వల్లనే కోడెల తనువు చాలించారని టీడీపీ నేతలు ఆరోపణలు చేస్తున్నారు. మరోవైపు కోడెల కుటుంబంలో గొడవలు జరుగుతున్నాయని.. ఆయనను హత్య చేయించారని మేనల్లుడు వెల్లడించారు. ఈ క్రమంలో ఆయనది హత్యనా..? ఆత్మహత్యనా..? అన్న విషయాన్ని తేల్చే పనిలో పోలీసులు పడ్డారు.

ఇదిలా ఉంటే టీడీపీ హయాంలో గొప్ప నేతగా ఎదిగిన ఆయన.. వైసీపీ అధికారంలోకి రాగానే వివాదాస్పద నేతగా మారిపోయారు. అధికారంలో ఉన్నప్పుడు కోడెల కుటుంబం ఎన్నో అక్రమాలు చేసిందని.. ముఖ్యంగా కేటాక్స్ పేరుతో అడ్డగోలుగా దోచుకున్నారని విమర్శలు వెల్లువెత్తాయి. అంతేకాదు అసెంబ్లీ పర్నీచర్‌ను తన ఇంటికి తరలించడంపై ఆయనపై వ్యతిరేకత వచ్చింది. ఈ క్రమంలో పలు కేసులు కూడా నమోదయ్యాయి. ఇక సొంత పార్టీలో కూడా ఆయనకు వ్యతిరేకత వచ్చినట్లు తెలుస్తోంది. దీంతో ఒత్తిడిని తట్టుకోలేక ఆయన టీడీపీ పార్టీని వీడాలని అనుకున్నారని సమాచారం. ఈ మేరకు బీజేపీ నేతలు కంభంపాటి రామ్మోహన్, సుజనా చౌదరితో కూడా ఆయన సంప్రదింపులు జరిపినట్లు తెలుస్తోంది. అయితే ఈ విషయంలోనే కుమారుడు శివ రామకృష్ణతో గొడవలు జరిగాయని.. గత కొన్ని నెలలుగా కుటుంబంలో గొడవల వలన ఆయన మనస్తాపానికి గురి అవుతూ వచ్చారని సన్నిహితులు కొందరు అంటున్నారు. ఈ క్రమంలోనే కోడెల బలవన్మరణానికి పాల్పడ్డట్లు సమాచారం. ఏది నిజమో..? ఎందుకు కోడెల ఆత్మహత్య చేసుకున్నారో..? పల్నాడు పులిగా పేరొందిన ఆయన మరణం వెనుక కారణాలేంటో..? లాంటి ప్రశ్నలకు కాలమే సమాధానం చెప్పాలి.

Related Tags