Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

రెంటికీ చెడ్డ రేవడిగా తయారైన కోడెల పరిస్థితి

Kodela Siva Prasada Rao Political Carrier in Dilemma, రెంటికీ చెడ్డ రేవడిగా తయారైన కోడెల పరిస్థితి

టీడీపీ ఓడిపోయింది. చాలా మంది సీనియర్లు ఓడిపోయారు. కానీ…కోడెలను కష్టాలు వెంటాడుతూనే ఉన్నాయి. ఎన్నికల ఫలితాలు వెలువడిన తర్వాత వరసగా కె ట్యాక్స్‌ బాధితులు బయటకు రావడం మొదలుపెట్టారు. అందులో టీడీపీ వాళ్లు కూడా ఉండటంతో పూర్తిగా డిఫెన్స్‌లో పడిపోయే పరిస్థితి ఏర్పడింది. అటు కేసుల సెగ భగ్గుమంటూ ఉండగానే…ఇటు అసమ్మతి వర్గం ఏకంగా చంద్రబాబునే కలిసి ఈయన మాకొద్దని చెప్పేసింది.

నిజానికి కోడెల అనగానే వెంటనే గుర్తుకొచ్చేది నర్సరావుపేట నియోజకవర్గం. పేట కోడెల కోటగా నాడు రాజకీయ వర్గాలు చెబుతూ ఉండేవి. అలాంటి నియోజకవర్గాన్ని వదిలి సత్తెనపల్లిలో పొలిటికల్‌గా సెటిల్‌ అయ్యే ప్రయత్నం చేశారు కోడెల. కానీ ఐదేళ్లు పార్టీ పవర్‌లో ఉన్న సమయంలో కోడెల, ఆయన కుటుంబసభ్యులు వ్యవహరించిన తీరు…ఇప్పుడాయన్ని వదల బొమ్మాళి వదల అంటోంది. దీంతో…అటు సొంత నియోజకవర్గం… ఇటు వలస వచ్చిన నియోజకవర్గం…రెండికీ చెడ్డ రేవడిగా తయారైంది కోడెల పరిస్థితి.

సత్తెనపల్లి ఇన్‌చార్జ్‌గా కోడెలను తొలిగించాలని అసమ్మతి వర్గం గట్టిగా డిమాండ్‌ చేస్తోంది. పంచాయితీ చంద్రబాబు వద్దకు చేరడంతో…అసమ్మతి వర్గంతో చర్చించడానికి రాయపాటి రంగారావుని పంపారు చంద్రబాబు. నిజానికి గత అసెంబ్లీ ఎన్నికల్లో సత్తెనపల్లి ఎమ్మెల్యే టిక్కెట్‌ తన కుమారుడికి ఇవ్వాలని రాయపాటి సాంబశివరావు చంద్రబాబును అడిగినట్టు తెలుగుతమ్ముళ్లలో గుసగుసలు నడిచాయి. ఇప్పుడు అదే రాయపాటి రంగారావుని చంద్రబాబు రంగంలోకి దించారు. దీంతో….కోడెల వ్యతిరేకవర్గం అంతా రంగారావుకి జై కొడుతుందా అన్న చర్చ రాజకీయ వర్గాల్లో నడుస్తోందట. అటు చంద్రబాబు కూడా సత్తెనపల్లికి కొత్త ఇన్‌చార్జ్‌ని నియమించే దిశగా ఆలోచన చేస్తున్నారా అన్న ప్రశ్న పార్టీ శ్రేణుల్లో హల్‌చల్‌ చేస్తోందట.

ఇక నర్సరావుపేటలో టీడీపీ ఇన్‌చార్జ్‌గా డాక్టర్‌ అరవింద్‌ బాబు కంటిన్యూ అవుతున్నారు. దీంతో…ఇప్పుడు కోడెల అక్కడికి వెళ్లే పరిస్థితి కూడా లేదని తెలుగుతమ్ముళ్లు చెబుతున్నారట. ఓవైపు కేసులు, మరోవైపు అసమ్మతి సెగలు అన్నీ కలిసి కోడెల రాజకీయ భవిష్యత్తును ప్రశ్నార్థకంలో పడేశాయి అంటున్నాయి పొలిటికల్‌ సర్కిల్స్‌.

Related Tags