బ్రదర్ అనిల్‌పై నాన్ బెయిలబుల్ అరెస్ట్ వారెంట్

ఏపీ సీఎం వైఎస్ జగన్ సోదరి షర్మల భర్త బ్రదర్ అనిల్‌కుమార్‌పై నాన్ బెయిలబుల్ అరెస్ట్ వారెంట్ జారీ అయింది. ఎన్నికల నియమావళిని ఉల్లంఘించి ఓ పార్టీకి ఓటేయాలంటూ 28 మార్చి 2009లో ఖమ్మంలోని కరుణగిరి ప్రాంతంలో కరపత్రాలు పంచిన కేసులో ఈ వారెంట్ జారీ చేశారు. ఈ కేసులో ఆయన ఏ1 ఉన్నారు.  ఎన్నిసార్లు నోటీసులు జారీ చేసినా ఆయన కోర్టుకు హాజరు కాకపోవడంతో ఖమ్మం రెండవ అదనపు ప్రథమశ్రేణి కోర్టు ఆగ్రహం వ్యక్తం చేసింది. ఆయనను ఖచ్చితంగా కోర్టుకు హాజరు పర్చాలని పోలీసులకు సూచిస్తూ ఈ వారెంట్ జారీ చేశారు.