Breaking News
  • టిఆర్ఎస్ పార్టీ శ్రేణులతో పార్టీ వర్కింగ్ ప్రెసిడెంట్ కేటీఆర్ టెలికాన్ఫరెన్స్. ఎమ్మెల్సీ ఎన్నికలు ఉన్న వరంగల్, ఖమ్మం, నల్గొండ జిల్లాల ఓటరు నమోదు ఇంచార్జి లతో మాట్లాడిన కేటీఆర్. అక్టోబర్ 1 నుంచి జరగబోయే గ్రాడ్యుయేట్ ఓటర్ల నమోదునకు ప్రాధాన్యత ఇవ్వాలి. ఓటరు నమోదు కార్యక్రమాన్ని పెద్ద ఎత్తున చేపట్టాలి. పార్టీ శ్రేణులకు దిశానిర్దేశం చేసిన  కేటీఆర్.
  • బెంగుళూరు అల్లర్ల కేసులో సయ్యద్ సాదిక్ అలీని అరెస్ట్ చేసిన ఎన్ ఐ ఎ. ఆగస్టు 11న డీజే హాలి, కేజీ హాలీ పోలీస్ స్టేషన్ల పై దాడి లతోపాటు కాంగ్రెస్ ఎమ్మెల్యే శ్రీనివాసమూర్తి ఇంటిపై అల్లరి మూకల విధ్వంసం. ఈ దాడి వెనకాల ఉన్న సయ్యద్ సాదిక్ అలీ ని అరెస్ట్ చేసిన ఎన్ ఐ ఎ. బెంగళూరులో ఓ బ్యాంకు రికవరీ ఏజెంట్ గా పనిచేస్తున్న సయ్యద్ సాదిక్ అలీ. ఆగస్టు 11 అల్లర్లు తర్వాత అజ్ఞాతంలోకి వెళ్లిపోయిన సయ్యద్. కేంద్ర హోంశాఖ ఆదేశాలతో సెప్టెంబర్ 21న బెంగళూరు అల్లర్ల పై కేసు నమోదు చేసిన ఎన్ ఐ ఎ. ఈరోజు బెంగళూరులో 30 చోట్ల సోదాలు నిర్వహించిన ఎన్ ఐ ఏ. సోదాల్లో ఎయిర్ గన్, షార్ప్ ఆయుధాల తో పాటు, ఐరన్ రోడ్స్ ఎలక్ట్రానిక్ పరికరాలను స్వాధీనం చేసుకున్న ఎన్ ఐఎ.
  • ఏపీ బీజేపీ రాష్ట్ర ప్రధాన కార్యదర్శి విష్ణువర్ధన్ రెడ్డి కి కోరిన పాజిటివ్. నిన్నటి నుండి బీజేపీ తలపెట్టిన కార్యక్రమాల్లో చురుగ్గా పాల్గొన్న విష్ణువర్ధన్ రెడ్డి.
  • ఢిల్లీ డిప్యూటీ సీఎం మనీశ్ సిసోడియా సీరియస్. ఎల్ఎన్‌జేపీ ఆస్పత్రి నుంచి మ్యాక్స్ ఆస్పత్రికి తరలింపు. కోవిడ్, డెంగ్యూతో బాధపడుతూ ఆస్పత్రిపాలైన డిప్యూటీ సీఎం. ప్లేట్‌లెట్లు కౌంట్ పడిపోవడం, ఆక్సీజన్ శాతం పడిపోవడంతో మ్యాక్స్ ఆస్పత్రికి తరలింపు.
  • ముంబై బయలుదేరిన రకుల్ . ncb ముందు హాజరవడానికి కాసేపటి కిందట హైదరాబాద్లోని రాజీవ్ గాంధీ ఇంటర్నేషనల్ ఎయిర్ పోర్ట్ నుంచి బయలుదేరిన నటి రకుల్ ప్రీత్ సింగ్. రేపు ఎన్ సి బి ముందు విచారణకు రానున్న రకుల్.
  • కర్నూలు జిల్లా: శ్రీశైలంలోని ఘంటా మఠంలో మరో అద్భుతం. ఘంటా మఠం పునర్నిర్మాణ పనుల్లో బయట పడిన 6 అడుగుల ధ్యాన మందిరం. ధ్యాన మందిరం లోపలి భాగంలో వైవిధ్యంగా ఉన్న సొరంగం. ధ్యాన మందిరం లోపల నైరుతి భాగం నుంచి ఆగ్నేయం వరకు, ఆగ్నేయం మార్గం నుంచి తూర్పు వరకు సొరంగం ఉన్నట్లు గుర్తించిన దేవస్థానం అధికారులు. పది రోజుల క్రితమే ఘంటా మఠంలో బయటపడిన వెండి నాణేలు, తామ్ర శాసనాలు. ధ్యాన మందిరాన్ని యథావిధిగా పునర్నిర్మిస్తాం : ఈవో రామారావు.
  • రేపట్నుంటి సిటీబస్సులు - మంత్రి పువ్వాడ అజయ్. 25 శాతం బస్సులు నడిపేందుకు ముఖ్యమంత్రి కేసీఆర్ అంగీకారం - మంత్రి పువ్వాడ అజయ్.

అధీర లుక్ వెనుక సీక్రెట్ అదే !

ఇటీవల సంజయ్‌దత్ బ‌ర్త్ డే సందర్భంగా 'కేజీఎఫ్: చాప్టర్‌-2'లోని ఆయన పాత్రకు సంబంధించిన పోస్టర్‌ను మూవీ యూనిట్ రిలీజ్ చేసింది.

Sanjay Dutt As Adheera in KGF 2, అధీర లుక్ వెనుక సీక్రెట్ అదే !

Sanjay Dutt As Adheera : ఇటీవల సంజయ్‌దత్ బ‌ర్త్ డే సందర్భంగా ‘కేజీఎఫ్: చాప్టర్‌-2’లోని ఆయన పాత్రకు సంబంధించిన పోస్టర్‌ను మూవీ యూనిట్ రిలీజ్ చేసింది. అప్పటివరకు ‘కేజీఎఫ్‌-1’లోని గరుడను మించిన క్రూరమైన వ్య‌క్తిగా ఆ పాత్ర రూపం ఎలా ఉంటుందన్న ఇంట్ర‌స్ట్ అందరిలోనూ నెలకొంది. అయితే, సంజయ్‌దత్‌ స్టిల్ విడుద‌ల కాగానే మూవీ బ‌జ్ ఒక్క‌సారిగా పెరిగిపోయింది. కాగా ఈ పాత్ర గెట‌ప్ పై సంజయ్‌ దత్‌ ఎంతో కేర్ తీసుకున్నార‌ని డైరెక్ట‌ర్ ప్రశాంత్‌ నీల్‌ తెలిపారు.

“అధీర పాత్రను చూస్తే వెన్నులో వ‌ణుకుపుట్టేలా ఉండాలని మేం అనుకున్నాం. అందుకే వైకింగ్‌ లుక్‌వైపు అడుగులు వేశాం. ఇదే విషయాన్ని సంజయ్‌ సర్‌కు తెలియ‌జేస్తే, అందుకు తగ్గ‌ట్లుగ‌తా మారడానికి ఎంతో శ్ర‌మించారు. మాకు ఎంతో హెల్ప్ చేశారు. ఈ విషయంలో ఆయన కేరింగ్ గురించి ఎంత చెప్పినా త‌క్కువే” అని ప్రశాంత్‌ నీల్ వెల్ల‌డించారు.

తొలి భాగంలో అధీర పాత్రను అసలు రివీల్ చేయ‌లేదు. కేవలం సింహపు ఉంగరం ధరించిన వ్యక్తిని ముఖం కనిపించ‌కుండా సస్పెన్స్ క్రియేట్ చేశారు. దీంతో ఆ పాత్ర ఎవరు పోషించ‌బోతున్నార‌న్న‌ ఆసక్తి నెలకొంది. కేజీఎఫ్‌-2 స్టార్ట్ చెయ్య‌గానే సంజయ్‌ ఆ పాత్ర చేస్తారనే సరికి మరింత బ‌జ్ పెరిగింది. దీనిపై కూడా ప్రశాంత్ స్పందించారు.

“కేజీఎఫ్‌-1 తీసే సమయంలో మాకు చాలా అడ్డంకులు, అవరోధాలు ఎదుర‌య్యాయి. అయితే సినిమా విజయం సాధించిన తర్వాత సెకండ్ పార్ట్ పై మరింత ఫోక‌స్ పెట్టాం. ఆడియెన్స్ దీనిపై ఎన్ని అంచనాలు పెట్టుకుంటారో మాకు తెలుసు. అయితే వారి అంచ‌నాల‌కు ఏమాత్రం తగ్గ‌దు. చాప్టర్‌-2 అత్యుత్తమంగా తీర్చిదిద్దుతున్నాం” అని వివరించారు. వేగంగా షూటింగ్ జరుపుకొంటున్న ఈ సినిమాలో యశ్, శ్రీనిధి శెట్టి హీరోహీరోయిన్లుగా న‌టిస్తున్నారు. ప్రధానిగా రవీనా ఠాండన్ క‌నిపించ‌నుండ‌గా, ఓ కీలక పాత్రలో తెలుగు నటుడు రావు రమేశ్ న‌టిస్తున్నారు.

 

Read More : సుశాంత్ మరణంపై సీబీఐ విచార‌ణ‌కు కేంద్రం గ్రీన్ సిగ్న‌ల్

Related Tags