KGF Chapter 2 : అరివీర భయంకర ‘అధీర’ వచ్చేశాడు..

KGF Chapter 2 : ప్ర‌జంట్ సౌత్ ఇండియాలో ఆర్.ఆర్.ఆర్ మూవీకి స‌మానమైన బ‌జ్ ఉన్న చిత్రం ‘కేజీఎఫ్‌2’ . యశ్ హీరోగా ప్రశాంత్‌ నీల్‌ దర్శకత్వంలో తెరకెక్కిన ‘కేజీఎఫ్‌: చాప్టర్‌1’ సంచ‌ల‌న విజయం నమోదు చేసిన సంగతి తెలిసిందే. ఈ చిత్రానికి కొనసాగింపుగా ‘కేజీఎఫ్‌: చాప్టర్‌2 ను తెర‌కెక్కిస్తున్నారు. ప్రముఖ బాలీవుడ్‌ నటుడు సంజయ్‌దత్‌ ఇందులో ‘అధీర’ పాత్రలో న‌టిస్తున్నారు. ఈ రోజు ఆయ‌న‌ పుట్టినరోజు సందర్భంగా ఫస్ట్‌లుక్‌ను రిలీజ్ చేశారు. క్రూరత్వానికి కేరాఫ్ అడ్ర‌స్ అధీర.. అంటూ ఫొటోను రివీల్ చేశారు. ఇందులో ఆయన విభిన్న‌మైన‌ హెయిర్‌ స్టైల్‌, ముఖంపై టాటూ వేసుకుని కత్తికి తల ఆన్చి కనిపించారు. ఈ లుక్ కు నెటిజ‌న్ల నుంచి విప‌రీత‌మైన రెస్పాన్స్ ల‌భిస్తోంది. ఫ‌స్ట్ పార్ట్ లో అధీర పాత్ర అసలు కనిపించలేదు. మరి చాప్టర్‌-2లో అధీర పాత్ర ఎంత క్రూరంగా ఉంటుందో చూడాలి.