Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

నీతి ఆయోగ్ ర్యాంకింగ్‌లో.. పదో స్థానంలో తెలంగాణ..?

Niti Aayog, నీతి ఆయోగ్ ర్యాంకింగ్‌లో.. పదో స్థానంలో తెలంగాణ..?

ప్రజల ఆరోగ్య పరిస్థితులను పరిగణనలోకి తీసుకుని 2015 నుంచి 2018 వరకు ఆయా రాష్ట్రాల్లోని స్థితిగతులను నివేదిక ద్వారా వెల్లడించింది నీతి ఆయోగ్. మొత్తం 23 అంశాల ఆధారంగా రాష్ట్రాల పనితీరు అంచనా వేసి ర్యాంకులను ప్రకటించింది. ఏపీ మహారాష్ట్రలు ఆరోగ్యపరంగా తీసుకున్న అన్ని సూచీల్లో వరుసగా రెండు మూడు స్థానాల్లో నిలిచాయి. ఆరోగ్య విషయంలో కేరళ తొలిస్థానంలో ఉండగా.. ఉత్తర్‌ప్రదేశ్ రాష్ట్రం చివరిస్థానంలో నిలిచింది. ఇక తెలంగాణ 10వ స్థానంలో నిలిచింది. కాగా ఈ జాబితాలో కేరళ 7.655, ఆంధ్రప్రదేశ్ 65.66, మహారాష్ట్ర 63.99, తెలంగాణ 59 పాయింట్లు సాధించాయి. ఈ రిపోర్టుకు హెల్తీ స్టేట్స్ ప్రోగ్రెసివ్ ఇండియా అని పేరు పెట్టారు.

ఇక ర్యాంకులు ఇచ్చేందుకు మూడు కేటగిరీలను పరిగణనలోకి తీసుకుంది నీతి ఆయోగ్. పెద్ద రాష్ట్రాలు, చిన్న రాష్ట్రాలు, కేంద్రపాలిత ప్రాంతాలను ప్రాతిపదికగా తీసుకుని ఒకే అంశం పై ఈ రాష్ట్రాలను పోల్చి చూసింది. ఆరోగ్య పరంగా పెద్ద రాష్ట్రాల్లో అత్యంత దారుణమైన పరిస్థితుల్లో బీహార్ ఒడిషా రాష్ట్రాలు ఉన్నట్లు నీతి ఆయోగ్ వెల్లడించింది. ఇక చిన్నరాష్ట్రాల విషయానికి వస్తే.. మిజోరాం, త్రిపురా, మణిపూర్ రాష్ట్రాలు టాప్ ప్లేస్‌ను సాధించగా, సిక్కిం, అరుణాచల్ ప్రదేశ్‌లో ఆరోగ్యపరంగా పడిపోయాయని నీతి ఆయోగ్ రిపోర్టు వెల్లడించింది. ఇక కేంద్రపాలిత ప్రాంతాల్లో చండీఘడ్ తొలి స్థానం ఆక్రమించగా… దాద్రా నగర్ హవేలీ ఆరోగ్యపరంగా పుంజుకున్నట్లు రిపోర్ట్ స్పష్టం చేసింది.

ఆరోగ్యపరంగా ర్యాంకులు ఇవ్వడం వల్ల ఆ ప్రభుత్వాలు ఆరోగ్యం విషయంలో మరిన్ని జాగ్రత్తలు తీసుకునే అవకాశం ఉంటుందని నీతి ఆయోగ్ వైస్ ఛైర్మన్ రాజీవ్ కుమార్ అభిప్రాయపడ్డారు. ఇక ఆరోగ్య పరంగా వెనుకబడిన బీహార్, ఉత్తర్ ప్రదేశ్, ఉత్తరాఖండ్, మధ్యప్రదేశ్, ఒడిషా రాష్ట్రాలు పలు అంశాలను విస్మరించినందుకే ఈ స్థితిలో ఉన్నాయని నీతి ఆయోగ్ గుర్తు చేసింది. ఉదాహరణకు బీహార్‌లో శిశు మరణాలు, పుట్టిన బిడ్డ సరైన బరువుతో పుట్టకపోవడం, టీబీ, చికిత్స వైఫల్యాలు, సరైన సదుపాయాలు లేకపోవడం, నేషనల్ హెల్త్ మిషన్ నుంచి సరైన సమయంలో నిధులు బదిలీ కాకపోవడంతో ఆంధ్రప్రదేశ్ విషయానికి వస్తే ఈ పరిస్థితి తలెత్తిందని నీతి ఆయోగ్ తన నివేదికలో స్పష్టం చేసింది.

ఏపీ విషయానికి వస్తే.. శిశుమరణాలు 2015 నాటికి ప్రతి 1000 జననాలకు 24 ఉండగా 2016 నాటికి ఇది 23కి తగ్గింది. తెలంగాణలో శిశు మరణాలు తగ్గుదల గణనీయంగా ఉంది. తెలంగాణలో శిశు మరణాలు 23 నుంచి 21కి తగ్గాయి. అయితే, తమిళనాడు, కేరళలో ఇది కేవలం 12 మాత్రమే ఉంది. ఐదేళ్లలోపు పిల్లల్లో మరణాల సంఖ్య ఏపీలో 39 నుంచి 37కి తగ్గగా, తెలంగాణలో 34వద్ద ఆగిపోయి పురోగతి కనిపించలేదు. నవజాత శిశుమరణాలు, ఐదేళ్లలోపు చిన్నారుల మరణాలు, కుటుంబ నియంత్రణ, తక్కువ బరువుతో శిశువుల జననం, స్త్రీ-పురుష నిష్పత్తి, క్షయ వ్యాధి చికిత్సలో పురోగతి, ప్రభుత్వ హాస్పిటల్స్‌లో నాణ్యతా ప్రమాణాలు, జాతీయ ఆరోగ్య మిషన్ పథకాల నిధుల వినియోగం, రోగ నిరోధక టీకాలు, శిశు జననాల నమోదు, ప్రభుత్వ హాస్పిటల్‌లో ప్రసవాలు తదితర అంశాలను ప్రాతిపదికగా తీసుకుని ర్యాంకులు కేటాయించారు.

Related Tags