Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

తెలంగాణ కేబినెట్‌లో మార్పులు..! వేటు పడే ఆ ఇద్దరు వీరేనా ?

kcr to re-shuffle cabinet soon, తెలంగాణ కేబినెట్‌లో మార్పులు..! వేటు పడే ఆ ఇద్దరు వీరేనా ?

తెలంగాణ మంత్రుల్లో టెన్షన్ మొదలైంది. రాష్ట్ర మంత్రివర్గ పునర్‌వ్యవస్థీకరణ అంటూ వస్తున్న వార్తలతో తెలంగాణ మంత్రుల్లో ఆందోళన మొదలైంది. ఎవరి పదవి ఉంటుందో….ఎవరి పదవి ఊడుతుందో తెలియని పరిస్థితి. అయితే ఈసారి ఇద్దరిపై వేటు ఖాయమన్న ప్రచారం జోరుగా సాగుతోంది. మరి ఆ ఇద్దరు మంత్రులెవరు ? గులాబీ బాస్‌ మనసులో ఏముంది? ఇదే ఇప్పుడు తెలంగాణ రాజకీయాల్లో ముఖ్యంగా టిఆర్ఎస్ పార్టీలో ఊపందుకున్న చర్చ.

ఉంటామా? పోతామా? తెలంగాణ మంత్రులకు తెగ టెన్షన్‌ పట్టుకుంది కేబినెట్ పునర్వ్యవస్థీకరణ వార్తలతో. ప్రక్షాళన వార్తలతో వారిలో గుబులు మరింత పెరిగింది. తెలంగాణ మంత్రవర్గ పునర్‌ వ్యవస్థీకరణ ఉంటుందని మళ్లీ ప్రచారం మొదలైంది. ఈ వార్తలు ఇప్పుడు 16 మంది మంత్రులను టెన్షన్‌ పెడుతున్నాయ్. దీంతో పాత మంత్రుల్లో ఎవరి సీటు ఉంటుందో.. ఎవరి సీటు ఊడుతుందో అనే భయం పట్టుకుంది.

మంత్రవర్గం నుంచి ఇద్దరికి ఉద్వాసన పలుకుతారని గులాబీ దళంలో తెగ ప్రచారమవుతోంది. ఇద్దరిని పక్కనబెట్టి…కొత్తగా మరో ఇద్దరిని తీసుకుంటారనే ప్రచారం కొందరు మంత్రులకు కంటిమీద కునుకు లేకుండా చేస్తోంది.

ఉమ్మడి కరీంనగర్ జిల్లా నుంచి కేబినెట్‌లో నలుగురు మంత్రులు ఉన్నారు. జిల్లాలో ఈటెల రాజేందర్‌కు చెక్‌ పెట్టేందుకే గంగుల కమలాకర్‌ను మంత్రివర్గంలోకి తీసుకున్నారనే ప్రచారం నడిచింది. అయితే కేబినెట్‌ విస్తరణ టైమ్‌లో ఎవ్వరిని డిస్టర్బ్‌ చేయలేదు. అయితే కరీంనగర్‌లో జిల్లాలో నలుగురు మంత్రుల్లో ఒకరిని తొలగిస్తారని ప్రచారం జరుగుతోంది.

ఇక గ్రేటర్ హైదరాబాద్ నుండి కూడా నలుగురు మంత్రులు ఉన్నారు.. ముఖ్యంగా ఉమ్మడి రంగారెడ్డి నుండి సబితా ఇంద్రారెడ్డి, మల్లారెడ్డి ఉండగా సబితాను తీసుకున్నప్పుడే మల్లారెడ్డి ఔట్ అనుకున్నారు..కానీ అప్పుడు ఆయన్ని కూడా సీఎం టచ్ చెయ్యలేదు. కానీ తాజాగా ఆ మంత్రి పై ఎమ్మెల్యేలు, ఎమ్మెల్సీ ఫిర్యాదులు ఎక్కువ అయ్యాయి. దీంతో ఉద్వాసన జాబితాలో ఆయన పేరు కూడా ఉండచ్చు అనే ప్రచారం పార్టీలో జోరందుకుంది.

కొత్తగా నిజామాబాద్, నల్గొండ జిల్లాల నుండి కొత్తవారికి ఛాన్స్ ఉన్నట్టు పార్టీ వర్గాల్లో న్యూస్‌ వైరల్‌ అవుతోంది. నల్గొండ మంత్రిలో కూడా టెన్షన్ పట్టుకుంది.. హుజుర్‌నగర్ ఉప ఎన్నిక ఇంచార్జి గా ఎమ్మెల్సీ పల్లా రాజేశ్వర్ రెడ్డి సక్సెస్ అవ్వడం తో మంత్రి పదవి దక్కే వారిలో పల్లా రాజేశ్వర్ రెడ్డి పెరు కూడా తెరపైకి వచ్చింది. మొత్తంగా మరో కొద్ది నెలల్లో సీఎం చేపట్టే కేబినెట్ పునర్‌వ్యవస్థీకరణ వార్తల నేపథ్యంలో తెలంగాణ మంత్రుల్లో టెన్షన్ మొదలైంది. ఎవరీ పదవి ఉంటుందో..ఎవరి పదవి ఊడుతుందో అనే లెక్కలు వేసుకుంటున్నారు.

Related Tags