Breaking News
  • దేశంలో కొనసాగుతున్న కరోనా విజృంభన గడచిన 24 గంటల్లో అత్యధికంగా 24, 879 పాజిటివ్ కేసులు నమోదు కాగా 487 మంది మృతి. దేశంలో కరోన బాధితుల సంఖ్య 7, 67, 296 చేరినట్లు ప్రకటించిన కేంద్ర ఆరోగ్య శాఖ. 2, 69, 789 మందికి కొనసాగుతున్న చికిత్స. కరోన నుండి ఇప్పటి వరకు కోలుకున్న 4, 76, 378 మంది బాధితులు. కోవిడ్-19వైరస్ సోకి ఇప్పటివరకు 21, 129 మంది మృతి.
  • ఇంటర్ సప్లీమెంటరీ పరీక్షలు రద్దు. సీఎం ఆదేశాలతో నిర్ణయం తీసుకున్న విద్యాశాఖ . ఫెయిల్ అయిన విద్యార్థులంతా పాస్ అయినట్లు పాటించిన ఇంటర్ బోర్డు . కంపార్ట్మెంట్ లో పాస్ అయినట్లుగా సర్టిఫికెట్ లో పేర్కొననున్న బోర్డు . 1.47 లక్షల మంది విద్యార్థులకి ప్రయోజనం. రి కౌంటింగ్ , రి వెరిఫికేషన్ ఫలితాలను 10 రోజుల్లో విడుదల చేయనున్న ఇంటర్ బోర్డు . - సబితా ఇంద్రారెడ్డి
  • తిరుమల కంటైన్మెంట్ జోన్ వార్తలపై చిత్తూరు జిల్లా కలెక్టర్ భరత్ నారాయణ గుప్తా క్లారిటీ. తిరుమలలో ఎలాంటి రెడ్‌జోన్, కంటైన్మెంట్ జోన్ లేదు: కలెక్టర్. కేవలం ఒక ప్రాంతంలో ఉన్న పోలీస్ బెటాలియన్‌లో.. పోలీసులకు మాత్రం కరోనా పాజిటివ్ వచ్చింది: కలెక్టర్ . నారాయణ భరత్ గుప్తా. సిబ్బంది చిన్న పొరపాటుతో కంటైన్మెంట్ క్లస్టర్‌గా తిరుమల పేరు వచ్చింది. తెలియక చేసిన తప్పుకాబట్టి సిబ్బందిపై చర్యలు తీసుకోం: కలెక్టర్. తిరుమలలో ప్రస్తుతానికి అద్భుతంగా దర్శనాలు జరుగుతున్నాయి: కలెక్టర్. సోషల్ డిస్టెన్స్, మాస్కులు ధరించి భక్తులు సహకరిస్తున్నారు: కలెక్టర్. కరోనా కేసులు పెరిగితే టీటీడీ ఉన్నతాధికారులు, ప్రభుత్వంతో... చర్చించి ఆలయాన్నీ మూసివేసి అంశంపై చర్చించి నిర్ణయం తీసుకుంటాము. తిరుమల కొండపై మొత్తం 89మంది ఉద్యోగులకు కరోనా పాజిటివ్ వచ్చింది. భక్తులెవరికీ కరోనా పాజిటివ్ రాలేదు.
  • విజయవాడ: వలస కార్మికులను తరలించినందుకు ఆర్టీసీకి 15.71 కోట్లు చెల్లించిన ప్రభుత్వం. ఈ నిధులతో ఆర్టీసీలో ఒప్పంద కార్మికుల మే నెల వేతనాలు,బకాయిలు చెల్లించిన ఆర్టీసీ . విశ్రాంత ఉద్యోగుల జూన్ నెల ఎస్ ఆర్ బీఎస్ పెన్షన్ ,ఎస్ బిటీ చెల్లించిన ఆర్టీసీ. ఐటీఐ అప్రెంటీస్ లకు స్టైపండ్,ఉద్యోగుల వైద్య ఖర్చులు, నిర్వహణ , డీజిల్ ఖర్చులు చెల్లింపు.
  • రేపటి నుండి గుంటూరు జిల్లాలో మధ్యాహ్నం పన్నెండు గంటల వరకే షాపులు తీసి ఉంచాలని ఛాంబర్ ఆఫ్ కామర్స్ నిర్ణయం. కంటైన్ మెంట్ జోన్లలో షాపులు తీయకూడదని నిర్ణయం. గత మూడు రోజుల నుండి నూట యాభైకి పైగా పాజిటివ్ కేసులు నమోదు. గుంటూరు నగరంలో పలు ప్రాంతాల్లో కంటైన్ మెంట్ జోన్లు. అవసరం లేకుండా రోడ్లపైకి రావద్థని అధికారుల విజ్ఞప్తి.
  • తెలంగాణ రాష్ట్రంలో రాగల మూడురోజుల వరకు వాతావరణ సూచన: దక్షిణ ఒరిస్సా మరియు దాని పరిసర ప్రాంతాలలో 3.1 km ఎత్తు వద్ద ఉపరితల ఆవర్తనం ఏర్పడింది. ఈరోజు అక్కడక్కడ ఉరుములు, మెరుపులతో పాటు తేలికపాటి నుండి ఒక మోస్తరు వర్షాలు చాలా చోట్ల కురిసే అవకాశం ఉంది. తేలికపాటి నుండి ఒక మోస్తరు వర్షాలు రేపు చాలా చోట్ల, ఎల్లుండి కొన్నిచోట్ల కురిసే అవకాశం ఉంది. సంచాలకులు హైదరాబాద్ వాతావరణ కేంద్రం
  • డిపాజిట్ల పేరుతో నిండా ముంచిన బెర్షెబా కంపెనీ . తక్కువ మొత్తం డిపాజిట్ చేస్తే అందుకు మూడింతలు నెలనెలా చెల్లిస్తామని దగా. కామారెడ్డి జిల్లా కేంద్రంగా బెర్షెబా కంపెనీ మోసం . తక్కువ డబ్బు చెల్లిస్తే ఎక్కువ వస్తాయనే ఆశతో వేలాదిమంది ఆ కంపెనీలో డబ్బు జమ. ఓ యువతి పిర్యాదు తో రంగంలోకి దిగిన పోలిసులు. విచారణ చెపట్టి బెర్షెబా కంపెనీ యజమాని ఇస్మాయిల్ ను అరెస్టు . గతంలో ఇస్మాయిల్ పోలిసులకు కు సవాల్‌ . ఇస్మాయిల్ తో పాటు మరో 15మంది ఏజెంట్ల పై కెసు నమోదు.

కొత్త సెక్రెటేరియట్‌పై కేసీఆర్ సరికొత్త ప్లాన్..ఏంటో తెలుసా?

kcr plan for new secretariat, కొత్త సెక్రెటేరియట్‌పై కేసీఆర్ సరికొత్త ప్లాన్..ఏంటో తెలుసా?

కొత్త రాష్ట్రంలో సరికొత్త అసెంబ్లీ, క్రొంగొత్త సచివాలయం.. ఇలా అత్యంత సుందరంగా హైదరాబాద్ నగరంలో కొత్త పరిపాలనా భవనాలు నిర్మించాలని తలపెట్టిన ముఖ్యమంత్రి కెసీఆర్ ఇప్పుడు ఈ నిర్మాణాలపై కొత్త వ్యూహం రచిస్తున్నట్లు తెలుస్తోంది. పాత సచివాలయానికి వాస్తు లేకపోవడం, అదే సమయంలో భవనాలు ఒక ఆర్డర్‌లో లేకపోవడంతో కొత్త సచివాలయ నిర్మాణానికి కెసీఆర్ సర్కార్ పూనుకుంది.

అదే సమయంలో అసెంబ్లీ భవనం కూడా పురాతనమైపోయింది. అసెంబ్లీలోను రకరకాల సమస్యలు తాండవిస్తూనే వున్నాయి. ఈ నేపథ్యంలో కొత్త అసెంబ్లీ, కొత్త సచివాలయ నిర్మాణాలకు కెసీఆర్ ప్లాన్ చేశారు. అనుకున్నదే తడవుగా.. ఎర్రమంజిల్‌లోని చీఫ్ ఇంజనీర్ కార్యాలయం వున్న హెరిటేజ్ భవన స్థలంలో కొత్త సచివాలయానికి శంకుస్థాపన కూడా చేసేశారు. ఇక్కడి దాకా దూకుడు ప్రదర్శించిన కెసీఆర్ ప్రభుత్వం ఆ తర్వాత ఆగిపోయింది. కొత్త సచివాలయానికి భూమి పూజ చేసి ఐదు నెలలైంది. కానీ ఇప్పటివరకూ ఒక్క ఇటుక పడలేదు. గుంత తవ్వలేదు. దీంతో సచివాలయ నిర్మాణం ఆగినట్లేనా? అనే ప్రచారం మొదలైంది.

కొత్త సచివాలయం, కొత్త అసెంబ్లీ అనగానే…..వీటికి వ్యతిరేకంగా కొంత మంది కోర్టులో పిటీషన్లు వేశారు. ఎలాంటి కమిటీలు వేయకుండానే ప్రభుత్వం ఆ బిల్డింగ్‌ను హెరిటేజ్ హోదా నుంచి తొలగించడంపై హైకోర్టు అభ్యంతరం వ్యక్తం చేసింది. ప్రభుత్వం ఓ కమిటీ వేసి నిబంధనల ప్రకారం.. హెచ్ఎండీఏ యాక్ట్ అనుసరించి ఆ హెరిటేజ్ భవనాన్ని తొలగించే అవకాశం ఉంది… అయినా ఇంతవరకూ దానిపై ప్రభుత్వం ముందడుగు వేయలేదు. హెరిటేజ్ భవనంపై కేసులు ఇప్పట్లో తేలేవి కావని కెసీఆర్‌కు తెలుసు. అందుకే తాజాగా కెసీఆర్ మరో ఆలోచన చేస్తున్నారని సమాచారం.

సచివాలయం, అసెంబ్లీ, కౌన్సిల్ నిర్మాణాలన్నీ బెంగుళూరు మాదిరిగా ఒకేచోట కడితే ఎలా ఉంటుందన్న ఆలోచన చేస్తున్నట్లు సమాచారం. సికింద్రాబాదులోని పరేడ్ గ్రౌండ్స్, బైసన్ పోలో గ్రౌండ్స్ కావాలని ఇంకా కేంద్రాన్ని కోరుతూ ఉంది తెలంగాణ ప్రభుత్వం. కేంద్రం రక్షణ శాఖ భూములను కేటాయిస్తే అక్కడే నిర్మాణాలన్నీ చేయాలని ఆలోచనలో ఉన్నట్లుగా తెలుస్తుంది. అందుకోసమే అసెంబ్లీ నిర్మాణంలో ముందడుగు వేయడం లేదని సమాచారం.

రక్షణశాఖ భూములు ఇస్తే అక్కడే నిర్మాణం చేయాలని తాజాగా ఆలోచిస్తోంది. ఈ కార్యాచరణతోనే ఇటీవల రాష్ట్ర మంత్రి కెటీఆర్ ఢిల్లీలో నాలుగు రోజుల పాటు మకాం వేసి, పలువురు కేంద్ర మంత్రులను కలిసినట్లు చెబుతున్నారు. ఏదిఏమైనా ఎక్కడ నిర్మాణం జరిగినా కొత్త అసెంబ్లీ, కొత్త సచివాలయాలను చూడాలంటే మరికొన్ని ఏళ్లు ఆగాల్సిందే అంటున్నాయి అధికార వర్గాలు.

Related Tags