Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 24,248 కేసులు, 425 మంది మృతి. దేశవ్యాప్తంగా 6,97,413 కేసులు,19,693 మంది మృతి. దేశ వ్యాప్తంగా 2,53,287 యాక్టీవ్ కేసులు,4,24,433 మంది డిశ్చార్జ్. దేశంలో 60.77 శాతానికి చేరిన కరోనా రికవరీ రేటు. కేంద్ర ఆరోగ్య మంత్రిత్వ శాఖ.
  • హైదరాబాద్‌లో లాలాపేట పరిధిలో సాధారణ ఇంటికి రూ.25 లక్షల కరెంట్ బిల్లు. మార్చి 6 నుంచి జులై 6 వరకు బిల్లు తీశారు. ఈ నాలుగు నెలల్లో 34,5007 యూనిట్లు విద్యుత్ వాడినట్లు చూపించి.. ఏకంగా రూ. 25,11,467 బిల్లు వేశారు.
  • అమరావతి: మాజీ మంత్రి అచ్చెన్నాయుడుకు బెయిల్ ఇవ్వాలంటూ హైకోర్టు లో పిటిషన్. పిటిషన్ దాఖలు చేసిన అచ్చెన్నాయుడు తరపు న్యాయవాదులు. ఈఎస్ఐ స్కామ్ లో అరెస్టు అయిన అచ్చెన్నాయుడు . ప్రస్తుతం విజయవాడలో జైల్లో ఉన్న అచ్చెన్నాయుడు. వెంటనే బెయిల్ ఇవ్వాలని పిటిషన్ లో కోరిన న్యాయవాది. ఇప్పటికే ఏసీబీ కస్టడీ కూడా ముగిసిందని పిటిషన్ లో పేర్కొన్న న్యాయవాది. ఏసీబీ కోర్టు బెయిల్ పిటీషన్ ను సస్పెండ్ చేయడంతో హైకోర్టు ను ఆశ్రయుంచిన అచ్చెన్నాయుడు తరపు న్యాయవాదులు.
  • హైదరాబాద్ కమిషనరేట్ సైదాబాద్ పోలీస్ స్టేషన్ పరిధిలో 2017 సంవత్సరంలో జరిగిన మైనర్ రేప్ కేసులో నిందితుడికి 10 సంవత్సరాల జైల్ శిక్ష విధించిన కోర్టు.
  • కృష్ణజిల్లా: మచిలీపట్నం సబ్ జైలు నుంచి కొల్లు రవీంద్రను రాజమండ్రి తరలింపు. రాజమండ్రి సెంట్రల్ జైలుకు తరలించేందుకు న్యాయమూర్తి అనుమతి. గత రెండురోజులుగా మచిలీపట్నం సబ్ జైల్లో ఉన్న కొల్లు రవీంద్ర. వైసీపీ నేత మోకా భాస్కరరావు హత్య కేసులో అరెస్ట్ అయిన మాజీమంత్రి కొల్లు. అరెస్ట్ ను ఖండిస్తూ టీడీపీ నేతలు నిరసన. సబ్ జైలుకు చేరుకుని నల్ల బ్యార్జ్ లతో నిరసన. భారీ బందోబస్తు తో కొల్లు రవీంద్ర ను తరలించిన పోలీసులు.
  • కృష్ణాజిల్లా: మచిలీపట్నంలో కేటుగాడు అరెస్ట్. నకిలీ ఈపాస్ లు సృష్టించిన కేసులో అరెస్ట్. నిందితుడు ప్రకాశం జిల్లాకు చెందిన పవన్ కుమార్ గా గుర్తింపు. 73 మందికి ఫోర్జరీ చేసిన ఈపాస్ లు ఇచ్చినట్టు నిర్దారణ. హైదరాబాద్ లోని ఓ కన్సల్టెన్సీ కంపెనీలో పని చేస్తున్న పవన్.
  • దేశ రాజధాని ఢిల్లీలో లక్ష దాటిన కరోనా కేసులు. 1,00,823కి చేరుకున్న మొత్తం ఢిల్లీ కేసుల సంఖ్య. గత 24 గంటల్లో 1,379 కొత్త కేసులు నమోదు. ఇందులో 72,088 మంది కోలుకుని డిశ్చార్జవగా, 25,620 యాక్టివ్ కేసులు. ఢిల్లీలో మొత్తం కోవిడ్-19 మరణాల సంఖ్య 3,115.

త్వరలో రాజ్యసభకు కవిత.. కేసీఆర్ నిర్ణయం !

kcr to send kavita to rs, త్వరలో రాజ్యసభకు కవిత.. కేసీఆర్ నిర్ణయం !

తెలంగాణ జాగృతికి సారథ్యం వహించి స్వరాష్ట్ర కాంక్షను ఇనుడింపచేసి, ఆ తర్వాత పార్లమెంటులోను తన వాగ్ధాటితో తెలంగాణ ప్రయోజనాల పరిరక్షణకు ప్రయత్నం చేసిన కేసీఆర్ తనయ, మాజీ ఎంపీ కల్వకుంట్ల కవితను త్వరలో జరిగే ద్వైపాక్షిక రాజ్యసభ ఎన్నికల్లో పెద్దలసభకు పంపాలని గులాబీ దళపతి నిర్ణయించినట్లు విశ్వసనీయంగా తెలిసింది. తెలంగాణ ప్రయోజనాలపై ఉభయ పార్లమెంటు సభల్లో గట్టిగా వాయిస్ వినిపించే నేత అవసరమని భావిస్తున్న కేసీఆర్, అందుకు కవితనే తగిన క్యాండిడేట్ అన్న అభిప్రాయానికి వచ్చినట్లు సమాచారం. ఇందుకు ఇటీవల కాలంలో కవిత ప్రస్తావిస్తున్న అంశాలు నిదర్శనంగా నిలుస్తున్నాయి.

తెలంగాణ ఉద్యమ కాలంలో జాగృతిని ఏర్పాటు చేసి, ప్రత్యేక రాష్ట్ర కాంక్షను రాష్ట్రం నలుమూలలతోపాటు వివిధ దేశాలలో వున్న తెలంగాణ ప్రజలకు చాటిన ఘనత కవితకు దక్కుతుంది. ఆ పనికి గుర్తింపుగా కవితను 2014 ఎన్నికల్లో నిజామాబాద్ లోక్‌సభ బరిలో నిలిపారు కేసీఆర్. కవిత ఘన విజయం సాధించి, ఆ తర్వాత అయిదేళ్ళు లోక్‌సభలో సందర్భం, అవకాశం వచ్చిన ప్రతిసారి తెలంగాణ ప్రయోజనాలపై మాట్లాడారు. వాగ్ధాటితో మెప్పించారు.

అయితే, 2019 మే నెలలో జరిగిన లోక్‌సభ ఎన్నికల్లో నిజామాబాద్ నుంచి రెండోసారి పోటీ చేసిన కవిత… అనూహ్యంగా బిజెపి అభ్యర్థి అరవింద్ చేతిలో ఓటమి పాలయ్యారు. కవిత ఓటమిని ఆమె ఒక్కరే కాదు.. టిఆర్ఎస్ శ్రేణులు, ఆమె అభిమానులు నేటికీ జీర్ణించుకోలేకపోతున్నారంటే కవిత ఎంతగా తన నియోజకవర్గంతో మమేకమయ్యారో అర్థమవుతుంది. 2018 అసెంబ్లీ ఎన్నికల్లో తన లోక్‌సభ నియోజకవర్గం పరిధిలోని అన్ని అసెంబ్లీ స్థానాల్లో టిఆర్ఎస్ అభ్యర్థులు విజయం సాధించారంటే ఆ ఘనత కవితకే దక్కుతుంది.

ఓటమి పాలైన తర్వాత కొంత కాలం సైలెంట్‌గా వున్న కవిత తాజాగా జాతీయ అంశాలపై పెదవి విప్పుతున్నారు. జిడిపి గణనీయంగా తగ్గిన నేపథ్యంలో దేశ ఆర్థిక పరిస్థితిపై కవిత కొన్ని వివరాలతో ట్వీట్లు సంధించారు. తాజాగా ఈశాన్య భారతంలో రగులుతున్న ఆందోళనను ముందుగానే ప్రెడిక్ట్ చేసిన కవిత… సిటిజన్‌షిప్ (అమెండ్‌మెంట్) బిల్లులో లోపాలను ఎత్తిచూపారు. అదే సమయంలో తెలంగాణకు రావాల్సిన నిధులను విడుదల చేయడంతో మోదీ ప్రభుత్వం చూపుతున్న నిర్లక్ష్యాన్ని కవిత ఎత్తి చూపారు.

ఇలా జాతీయ అంశాలపై సమగ్ర అవగాహన కలిగి వున్న కవితను రాజ్యసభకు పంపాలన్న ఒత్తిడి గులాబీ దళపతిపై పెరుగుతున్నట్లు సమాచారం. దాంతో కవిత పేరుతోపాటు తనకు బంధువైన కరీంనగర్ మాజీ ఎంపీ, ప్రస్తుతం రాష్ట్ర ప్రణాళికా సంఘం ఉపాధ్యక్షుడు వినోద్ కుమార్ పేరును కూడా కేసీఆర్ పరిశీలించినట్లు పార్టీ వర్గాలు చెబుతున్నాయి. అయితే, వినోద్‌కు కేబినెట్ హోదా కలిగిన ప్రణాళికా సంఘం ఉపాధ్యక్ష పదవి ఆల్‌రెడీ ఇచ్చినందున తాజాగా రాజ్యసభ అభ్యర్థుల పరిశీలనలో ఆయన పేరును పక్కన పెట్టారని, దాంతో కవితకు లైన్ క్లియర్ అయ్యిందని తెలుస్తోంది.

Related Tags