Breaking News
  • హైదరాబాద్‌: తార్నాకలో నేషనల్ ఇన్‌స్టిట్యూట్ ఆఫ్ న్యూట్రిషన్‌ సదస్సు. పాల్గొన్న గవర్నర్‌ తమిళిసై.
  • ప్రకాశం జిల్లా మార్టూరుకు బయల్దేరిన చంద్రబాబు. ప్రజాచైతన్య యాత్రను ప్రారంభించనున్న చంద్రబాబు.
  • కడప: రాయచోటి వీరభద్రస్వామి బ్రహ్మోత్సవాలు ప్రారంభం. పాల్గొన్న ఎంపీ మిథున్‌రెడ్డి, శ్రీకాంత్‌రెడ్డి. పట్టు వస్త్రాలు, ముత్యాల తలంబ్రాలు సమర్పించిన ఎంపీ, ఎమ్మెల్యేలు.
  • వరంగల్‌లో వాటర్‌ మెన్‌ ఆఫ్‌ ఇండియా రాజేంద్రసింగ్‌ గోదావరి యాత్ర. కాళేశ్వరం ప్రాజెక్టును సందర్శించి రైతులతో సమావేశం. గోదావరి జలాల సద్వినియోగంపై రాష్ట్ర ప్రభుత్వానికి ప్రశంసలు.
  • అమరావతి: చంద్రబాబు భద్రతను ఉద్దేశపూర్వకంగా తగ్గించారు. అధికార పార్టీ ఇలాంటి చర్యలకు పాల్పడడం తగదు-యనమల రామకృష్ణుడు. ఈ విషయంపై మండలిలో చర్చిస్తాం. అవసరమైతే ప్రివిలేజ్‌ కమిటీకి ఫిర్యాదు చేస్తాం-యనమల రామకృష్ణుడు.
  • నిర్మల్‌: మంచిర్యాలలో ఛత్రపతి శివాజీ విగ్రహావిష్కరణలో ఉద్రిక్తత. మంత్రి ఇంద్రకరణ్‌ రెడ్డిని అడ్డుకున్న బీజేపీ నేతలు. టీఆర్‌ఎస్‌, బీజేపీ నేతల మధ్య వాగ్వాదం, సర్దిచెప్పిన పోలీసులు. మంత్రితో కలిసి విగ్రహాన్ని ఆవిష్కరించిన ఎంపీ సోయం బాపూరావు.

మైనర్‌ బాలికపై అత్యాచారం.. వృద్దుడికి ఉరి ఖరారు!

Death Sentence For Rape Case Culprits, మైనర్‌ బాలికపై అత్యాచారం.. వృద్దుడికి ఉరి ఖరారు!

బెంగళూరులోని కోలారు జిల్లాలో మైనర్ బాలికపై అత్యాచారానికి ఒడిగట్టిన వృద్దుడికి మరణశిక్ష విధిస్తూ న్యాయస్థానం తీర్పును వెలువరించింది. వెంకటేశప్ప అనే 65 ఏళ్ళ వృద్ధుడు 2018 మే 1వ తేదీన భైరండహళ్లి గ్రామానికి చెందిన మైనర్ బాలికకు మాయ మాటలు చెప్పి తన ఇంటికి తీసుకెళ్లి లైంగికదాడికి పాల్పడ్డాడు. ఈ ఘటనపై వేమగళ్ పోలీసులు వెంకటేశప్పపై పోక్సో కేసు దాఖలు చేశారు. ఇక విచారణలో నేరం రుజువు కావడంతో కోలారు రెండవ సెషన్స్ కోర్టు ఉరి శిక్షను విధిస్తూ తీర్పును వెల్లడించింది. అటు చిక్కమగళూరు జిల్లా శృంగేరిలో కాలేజీ విధ్యార్ధినిపై అఘాయిత్యం చేసి ప్రాణాలు తీసిన ఇద్దరు దోషులకు కూడా ఆ జిల్లా ప్రత్యేక కోర్టు మరణశిక్ష విధిస్తూ తీర్పు చెప్పింది.

2016 ఫిబ్రవరి 16న శృంగేరి తాలూకా మెణసె గ్రామానికి చెందిన ఓ కాలేజీ విద్యార్థినిపై ఇద్దరు వ్యక్తులు అత్యాచారం చేసి ఆపై హత్య చేశారు. ఇక ఆమె శవాన్ని ఓ పాడుపడిన బావిలో పడేసి పరారయ్యారు. సదరు విద్యార్థిని పీయుసి పరీక్ష రాసి తిరిగి వస్తుండగా మెణసెకు చెందిన సంతోష్, ప్రదీప్‌లు ఈ ఘాతుకానికి పాల్పడి ప్రాణాలు తీసినట్లు తెలుస్తోంది. ఇక ఈ ఘటనపై పోలీసులు కేసు నమోదు చేసి వారిని అరెస్ట్ చేశారు. కాగా, ఈ కేసును సుదీర్ఘంగా విచారించిన చిక్కమగళూరు కోర్టు.. నిందితులు నేరం చేసినట్లు రుజువు కావడంతో శనివారం తుదితీర్పును వెలువరించింది.

Related Tags