ఆసుపత్రికి వెళ్లి బుద్ధిగా వైద్యం చేయించుకున్న కోతి.. వీడియో వైరల్..!
సాధారణంగా దెబ్బలు తగిలితే మనుషులు ఆసుపత్రికి వెళుతుంటారు. మరి మూగ జీవాలు ఎక్కడికి వెళతాయి..? ఈ ప్రశ్నకు సమాధానం చెప్పడం కాస్త కష్టమే.
సాధారణంగా దెబ్బలు తగిలితే మనుషులు ఆసుపత్రికి వెళుతుంటారు. మరి మూగ జీవాలు ఎక్కడికి వెళతాయి..? ఈ ప్రశ్నకు సమాధానం చెప్పడం కాస్త కష్టమే. మూగజీవాలను పెంచుకునే వారిని పక్కనపెడితే.. సాధారణంగా బతికే జంతువులు గాయపడితే అవి ఎక్కడికి వెళ్లలేవు. ఆ సమయానికి ఎవరో దేవుడిలా వచ్చి వాటికి వైద్యం చేయడం లేదా ఆసుపత్రికి తీసుకెళ్లడం తప్పిస్తే. అయితే ఓ కోతికి మాత్రం దెబ్బ తగిలితే ఎక్కడికి వెళ్లాలో బాగా తెలుసు. అందుకే గాయపడిన వెంటనే సరాసరి ఆసుపత్రికి వెళ్లింది.
అంతేకాదు లోపల డాక్టర్ ఉన్నారో లేదోనని బయటే చాలా సేపు సహనంతో ఎదురుచూసింది. దాన్ని గమనించిన డాక్టర్ కోతిని తీసుకెళ్లి వైద్యం చేశారు. ఆ సమయంలో తనకు దెబ్బ ఎక్కడ తగిలిందో చెబుతూ.. డాక్టర్కి ఎలాంటి ఇబ్బంది పెట్టకుండా బుద్దిగా వైద్యం చేయించుకుంది ఈ వానరం. ఇక కోతికి చికిత్స అందించే సమయంలో దానికి తోడు మరో కోతి కూడా దగ్గర్లో ఉండటం విశేషం. ఆ తరువాత ఆ రెండు కోతులు ఎవ్వరినీ ఇబ్బంది పెట్టకుండా అక్కడి నుంచి వెళ్లిపోయాయి. ఈ ఘటన కర్ణాటకలోని దండేలీలో జరగ్గా.. దానికి సంబంధించిన ఓ వీడియో సోషల్ మీడియాలో వైరల్గా మారింది. దీంతో ఆ వైద్యుడిపై నెటిజన్లు ప్రశంసలు కురిపిస్తున్నారు. నువ్వు చల్లగా ఉండాలంటూ కామెంట్లు పెడుతున్నారు. అలాగే కోతి తెలివిని మెచ్చుకుంటున్నారు.
#CareForWildlife Amazing…an injured monkey turns up at Patil Hospital, Dandeli for medical care!!!Praise worthy Compassion by staff?? pic.twitter.com/kMI7e9U3cG
— Sandeep Tripathi, IFS (@sandeepifs) June 9, 2020
Read This Story Also: బాలయ్య ఇంతవరకు యాడ్లలో ఎందుకు నటించలేదో తెలుసా..!