Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

కర్ణాటక సంక్షోభంలో క్షణక్షణం

Karnataka coalition, కర్ణాటక సంక్షోభంలో  క్షణక్షణం

కర్ణాటకలో రాజకీయాల్లో అనూహ్య పరిణామాలు చోటుచేసుకుంటున్నాయి. ప్రతిరోజు దుంఖాన్ని దిగమింగుకుని పాలన చేస్తున్నానని..ఇటీవల బాధపడ్డ సీఎం కుమార స్వామికి నిజంగా కన్నీరు మిగిల్చే సంఘటనలు ఎదురవుతున్నాయి. కాంగ్రెస్,జేడీఎస్ సంకీర్ణ ప్రభుత్వంలో ఎనిమిది మంది కాంగ్రెస్, ముగ్గురు జేడీఎస్ ఎమ్మెల్యేలు మొత్తం 11 మంది రాజీనామా చేశారు. తమ రాజీనామా పత్రాలతో నేరుగా గవర్నర్ విజుభాయ్ వాలా వద్దకే వెళ్లి తాజా పరిణామాలపై మాట్లాడారు. ఇదిలా ఉంటే రాజీనామా పత్రాలను ఇచ్చేందుకు స్పీకర్ వద్దకు వెళ్లగా అక్కడ ఆయన అందుబాటులో లేకపోవడంతో వాటిని కార్యాలయంలోనే ఇచ్చారు. తాను ఆ సమయంలో అందుబాటులో లేనని.. అయితే తాను ఈ విషయాన్ని సోమవారం పరిశీలిస్తానని మీడియాతో చెప్పారు స్పీకర్ రమేశ్ కుమార్.

అయితే తాజా పరిణామాలను తమకు అనుకూలంగా మార్చుకోవాలని ఎత్తులు వేస్తోంది బీజేపీ. ఒకవేళ సంకీర్ణ ప్రభుత్వం పడిపోతే వెంటనే ప్రభుత్వాన్ని ఏర్పాటు చేయడానికి రెడీ అవుతోంది. కర్ణాటకలో సింగిల్ లార్జెస్ట్ పార్టీ బీజేపీ ఒక్కటేనని ఆపార్టీ సీనియర్ నేత సదానంద గౌడ వ్యాఖ్యానించారు. ఒకవేళ గవర్నర్ ఆహ్వానిస్తే ప్రభుత్వాన్ని ఏర్పాటు చేసేందుకు సిద్ధంగా ఉన్నామని తెలిపారు. మరోవైపు బీజేపీ గనుక ప్రభుత్వాన్ని ఏర్పాటు చేస్తే యడ్యూరప్పే ముఖ్యమంత్రిగా ఉంటారని తెలిపారు సదానంద గౌడ. కర్ణాటకలో మొత్తం 224 స్థానాలు ఉండగా బీజేపీ 105, కాంగ్రెస్‌ 78, జేడీఎస్‌ 37, బీఎస్పీ 1, ఇతరులు 2 ఉన్నాయి. గతంలో ఇద్దరు, ఇప్పుడు 11 మంది సంకీర్ణ కూటమికి చెందిన ఎమ్మెల్యేలు రాజీనామా చేయడంతో కుమారస్వామి ప్రభుత్వం మైనారిటీలో పడిపోయింది. ఒకవేళ స్పీకర్ రాజీనామలను ఆమోదిస్తే ప్రభుత్వం కూలిపోతుంది. అప్పుడు సహజంగానే బీజేపీ అధికారంలోకి వచ్చే వీలుంది.