Breaking News
  • భారత్ లో కరోనా కల్లోలం. 8 లక్షల 78 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 878254. దేశ వ్యాప్తంగా యాక్టీవ్ కేసులు: 301609. కరోనా నుంచి డిశ్చార్జ్ అయిన బాధితులు: 553471. దేశం మొత్తం కరోనా తో మృతుల సంఖ్య : 23174. కేంద్ర ఆరోగ్య మంత్రిత్వ శాఖ.
  • నిజామాబాద్ : జిల్లా జనరల్ ఆస్పత్రి సూపరెండెంట్ డా.నాగేశ్వర్ రావు రాజినామా. వరుస ఘటనలతో మనస్తాపం చెంది రాజీనామా చేస్తున్నట్లు వాట్సాప్ మెసేజ్ పంపిన సూపరెండెంట్ . రాజీనామా విషయాన్ని కలెక్టర్ మరియు డీఎంఈ కి తెలియజేశాను . ఎవరు వచ్చిన వారికి పూర్తిగా సహకరిస్తాను . కోద్ధి రోజులుగా వరుస సంఘటనలు. రాష్ట్ర వ్యాప్తంగా చర్చనీయాంశంగా మారిన జిల్లా ఆస్పత్రి లో ఆక్సిజన్ లేక నలుగురు చనిపోవడం . కరోనా పేషంట్ ను ఆటోలో తరలించడం.
  • ఆన్ లైన్ క్లాస్ ల నిర్వహణ రద్దు చేయాలని ధాఖలు చేసిన పిటీషన్ పై నేడు హైకోర్టు విచారణ. గత విచారణ ఆన్ క్లాస్ లపై ప్రభుత్వం సమగ్ర నివేధిక అందించాలని ఆదేశించిన హైకోర్టు. నేడు ఆన్ లైన్ క్లాస్ లపై నివేదిక సమర్పించనున్న ప్రభుత్వం. మరోవైపు కేంద్ర ప్రభుత్వం, సీబిఎస్ఈ లను ప్రతివాదులుగా చేర్చిన పిటీషనర్. కేంద్ర ప్రభుత్వం, సీబీఎస్ఈ వాదనలు విననున్న హైకోర్టు. ఆన్ లైన్ క్లాస్ లపై నేడు కీలక తీర్పు ఇవ్వనున్న హైకోర్టు.
  • హైద్రాబాద్ కు చెందిన కాంగ్రెస్ నేత జి.నరేందర్ యాదవ్ కారోనాతో మృతి. ఇటీవలే కారోనా భారిన పడ్డ రోగులకు సహాయ కార్యక్రమాల్లో పాల్గొన్న నరేందర్ యాదవ్. యశోద ఆస్పత్రిలో చికిత్స పొందుతూ మృతి. ఇటీవల గాంధీభవన్ లో జరిగిన కార్యక్రమాల్లో పాల్గొన్న నరేందర్.
  • లష్కరే తోయబా టాప్ టెర్రరిస్ట్ ఉస్మాన్ ను మట్టుబెట్టిన ఇండియన్ ఆర్మీ
  • సీఎం కెసిఆర్: ఇరిగేషన్ శాఖ పై రివ్యూ నిర్వహించిన సీఎం కేసీఆర్. కమలాపూర్ జడ్పిటిసి భూమయ్య, రైతు శ్రీపాల్ రెడ్డి లను ప్రత్యేకంగా ఆహ్వానించిన సీఎం. అన్ని ప్రాజెక్టుల పరిధిలో చివరి ఆయకట్టు వరకు నీరు అందించాలి. కాలేశ్వరం ప్రాజెక్టు వల్ల పుష్కలంగా నీటి లభ్యత ఏర్పడింది. అవసరమైతే నీటి ప్రవాహ సామర్థ్యాన్ని పెంచాలి. తెలంగాణలో చెరువులు చెక్డ్యాంలు ఎప్పుడూ నిండి ఉండాలి. ఎస్సారెస్పీ ప్రాజెక్టు లో ఎప్పుడూ 25 నుంచి 30 టీఎంసీల నీటిని అందుబాటులో ఉంచాలి.

కన్నడ రాజకీయం..ఆసక్తికరంగా మిషన్‌ 7+

BJP throws out three rebels, కన్నడ రాజకీయం..ఆసక్తికరంగా మిషన్‌ 7+

కర్ణాటక రాజకీయం మళ్లీ రసవత్తరంగా మారింది. 15మంది ఎమ్మెల్యేలను అనర్హులుగా ప్రకటించడంతో డిసెంబర్‌ 5న జరగనున్న ఉప ఎన్నికలు హీట్‌ పుట్టిస్తున్నాయి. ముఖ్యంగా కమలం పార్టీకి ఇవి అత్యంత ప్రతిష్టాత్మకమైన ఎలక్షన్స్‌. కన్నడనాట అధికారం నిలుపుకోవాలంటే 7కు పైగా స్థానాల్లో గెలిచి తీరాల్సిన పరిస్థితి. ఐతే ఆ పార్టీని రెబల్స్‌ బెడద వెంటాడుతోంది. కాంగ్రెస్‌- జేడీఎస్‌ నుంచి వచ్చిన వారికి టికెట్లివ్వడంతో అసంతృప్త నేతలు..శరత్‌ బచ్చెగౌడ, కవిరాజ్‌, అశోక్‌ పూజారిలు రెబల్‌ అభ్యర్థులుగా పోటీకి దిగారు. నామినేషన్స్‌ విత్‌ డ్రా చేసుకోవాలని పార్టీ ఆదేశించినా.. బేఖాతరు చేయడంతో ఆ ముగ్గురిపై బహిష్కరణ వేటు పడింది.

చిక్ బళ్లాపుర ఎంపీ బీఎన్‌ బచ్చెగౌడ కుమారుడైన శరత్‌ బచ్చెగౌడ..బీజేపీ యువమోర్చా కార్యదర్శిగా పనిచేశారు. గతంలో ఆయన కర్ణాటక హౌసింగ్‌ బోర్డ్‌ ఛైర్మన్‌గా కూడా విధులు నిర్వర్తించారు. ఐతే 2018లో కాంగ్రెస్‌ బహిష్కృత నేత ఎంటీబీ నాగరాజు చేతిలో 7వేల ఓట్ల తేడాతో ఓడిపోయారు. ఇప్పుడు ఆయన హోస్కోట్‌ నుంచి బీజేపీ అభ్యర్థిగా బరిలో నిలవగా..శరత్‌ బచ్చెగౌడ ఇండిపెండెంట్‌గా నామినేషన్‌ వేసి నాగరాజుకు సవాల్‌ విసురుతున్నారు. ఇక్కడ జేడీఎస్‌ కూడా అభ్యర్థిని నిలపకుండా బచ్చెగౌడకు మద్దతిస్తోంది. విజయనగర నుంచి కవిరాజ్‌ నామినేషన్‌ దాఖలు చేశారు. ఇక్కడ బీజేపీ నుంచి ఆనంద్‌ సింగ్‌ బరిలోకి దిగుతున్నారు. ఇక పూజారి..గోకక్‌ నుంచి జేడీఎస్‌ అభ్యర్థిగా బరిలో నిలిచారు.

మరోవైపు జేడీఎస్‌ పార్టీకి పెద్ద షాక్‌ తగిలింది. హీరేకరూర్, అథని నియోజకవర్గాల్లో జేడీఎస్‌ అభ్యర్థులు నామినేషన్లు ఉపసంహరించుకున్నారు. హావేరి జిల్లా హీరేకరూర్‌లో అభ్యర్థి శివలింగ శివాచార్య స్వామిజీ నామినేషన్‌ విత్‌ డ్రా చేసుకున్నారు. అథణిలో ఉప ముఖ్యమంత్రి లక్ష్మణ్‌ సవది జరిపిన చర్చల తర్వాత జేడీఎస్‌ అభ్యర్థి గురుదాస్యల్‌ పోటీ నుంచి తప్పుకున్నారు.

యడియూరప్ప ప్రభుత్వ మనుగడకు ఎంతో కీలకమైన ఈ ఎన్నికల్లో అత్యధిక స్థానాల్లో గెలిచి అధికారం నిలుపుకునేందుకు ఆరాటపడుతోంది బీజేపీ. అలాగే అనర్హత ఎమ్మెల్యేలను ఓడించి ప్రభుత్వాన్ని కూల్చాలని లక్ష్యంగా ప్రణాళికలు రచిస్తున్నాయి కాంగ్రెస్‌, జేడీఎస్‌. ఈ నేపథ్యంలో కన్నడ నాట ఏం జరుగుతుందనేది సర్వత్రా ఉత్కంఠగా మారింది. విజయలక్ష్మి ఎవరిని వరిస్తుందో తెలియాలంటే డిసెంబర్‌ 9న వెలువడే ఫలితాల వరకూ వెయిట్‌ చేయాల్సిందే.

Related Tags