Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

‘ వరద ‘ నదిలో దూకేశాడు.. రెండు రోజుల తరువాత.. సజీవంగా…

karnataka 60 year old jumps into swollen river emerges 2 days later, ‘ వరద ‘ నదిలో దూకేశాడు.. రెండు రోజుల తరువాత.. సజీవంగా…

భారీ వర్షాలు, వరదలతో సతమతమవుతున్న కర్ణాటకలో ఇదో విచిత్రం ! కపిల వంటి నదులు నీటితో పోటెత్తుతుండగా.. కాబిని రిజర్వాయర్ నుంచి అధికారులు ఫ్లడ్ గేట్లు తెరవడంతో.. జల ప్రవాహాలు ఉవ్వెత్తున పలు ప్రాంతాలను ముంచేశాయి. వీటిలో బెంగుళూరుకు సుమారు 169 కి.మీ. దూరంలోని నంజన్ గూడ్ టౌన్ కూడా ఉంది. ఇక్కడి నుంచి ప్రజలంతా సురక్షిత శిబిరాలకు తరలిపోగా.. ఈ ప్రాంతానికి చెందిన 60 ఏళ్ళ వెంకటేష్ మూర్తి మాత్రం ఒక్కడే అక్కడే ఉన్నాడు. అంతేకాదు ! ఉప్పొంగి ప్రవహిస్తున్న కపిల నదిని ఛాలెంజ్ చేస్తున్నట్టు ఆ నదిలోకి దూకేశాడు. ఈ నెల 10 న అంతా చూస్తుండగా అతని సాహసం తాలూకు వీడియో సామాజిక మాధ్యమాల్లో వైరల్ అయింది. అంతే ! ఈ ‘ పిచ్చొడు ‘ ఈ వరద నీటిలో దూకి ‘ ఆత్మహత్య ‘ చేసుకున్నాడనే అంతా అనుకున్నారు. వరద ‘ మృతుల్లో ‘ ఇతని పేరు కూడా చేరిపోయింది.

అతని కుటుంబం ఎంత గాలించినా అతని జాడ కనబడలేదు కూడా. వారి ఆశలు ఆవిరయ్యాయి. అయితే ఆశ్చర్యంగా రెండు రోజుల తరువాత.. ఈ నెల 12 న సజీవంగా మూర్తి బయటికొచ్చేశాడు. నేరుగా పోలీసు స్టేషనుకు వెళ్లి తాను సజీవంగా ఉన్నట్టు ప్రకటించుకున్నాడు. ఇతని వైనం అందరికీ ఆశ్చర్యం కలిగించినా ఇతని సోదరి మంజులకు మాత్రం ఆశ్చర్యం కలిగించలేదు. ఇలా తన సోదరుడు గత పాతికేళ్లుగా ఈ నదిలో దూకుతుంటాడని, అయితే అరగంటలోనే ఆ నది నుంచి తిరిగి వచ్ఛేస్తాడని .. ఈ సారి మాత్రం ఇంత ‘ లేటు ‘ ఎందుకయిందో తెలియడంలేదని ఆమె చెప్పింది.

కాగా- నదిలో ఓ పిల్లర్ ను పట్టుకుని తాను కొన్ని గంటలపాటు గడిపానని, వరద ప్రవాహం తగ్గాక తిరిగి ఈదుకుంటూ వచ్చానని మూర్తి చెబుతున్నాడు. గతంలో తన వయస్సును కూడా పట్టించుకోకుండా మూర్తి తన డొక్కు సైకిల్ తొక్కుంటూ కశ్మీర్ నుంచి కన్యాకుమారి వరకు 10 వేల కిలోమీటర్లు ప్రయాణించి రికార్డు నెలకొల్పాడు.