మరో విషాదం.. కరోనా వైరస్‌తో కన్నడ నటుడు మృతి

కరోనాతో చివరి వరకూ పోరాడి కన్నడ సీనియర్ నటుడు హల్వానా గంగాధరయ్య(70) శనివారం కన్నుమూశారు. కొద్ది రోజుల క్రితం కరోనా బారిన పడిన ఆయన.. శ్వాస తీసుకోవడంలో తీవ్ర ఇబ్బంది ఎదురవడంతో.. బెంగుళూరులోని బీజీఎస్ ప్రైవేటు ఆస్పత్రిలో చేరారు. ఈ క్రమంలో పరిస్థితి విషమించడంతో..

Updated on: Jul 19, 2020 | 4:40 PM

దేశ వ్యాప్తంగా కరోనా స్వైర విహారం చేస్తోన్న సంగతి తెలిసిందే. ప్రస్తుతం ఇప్పుడు 10 లక్షలకి పైగా కోవిడ్ పాజిటివ్ కేసులు పెరిగిపోయాయి. ఎన్ని జాగ్రత్తలు తీసుకుంటున్నా కూడా ఏదో రూపంలో ఎటాక్ చేస్తూనే ఉంది ఈ వైరస్. ఇప్పటికే ఈ వైరస్ కారణంగా పలువురు ప్రముఖులు మరణించిన విషయం తెలిసిందే. అలాగే నిత్యం ప్రజల్లో ఉండే రాజకీయ నాయకులు సైతం.. బయటకు రావాలంటే బయపడిపోతున్నారు. ఇప్పటికే వైద్యులు, పోలీసులు కూడా ఈ కరోనా బారిన పడుతున్నారు.

తాజాగా కరోనాతో చివరి వరకూ పోరాడి కన్నడ సీనియర్ నటుడు హల్వానా గంగాధరయ్య(70) శనివారం కన్నుమూశారు. కొద్ది రోజుల క్రితం కరోనా బారిన పడిన ఆయన.. శ్వాస తీసుకోవడంలో తీవ్ర ఇబ్బంది ఎదురవడంతో.. బెంగుళూరులోని బీజీఎస్ ప్రైవేటు ఆస్పత్రిలో చేరారు. ఈ క్రమంలో పరిస్థితి విషమించడంతో ఆయన శనివారం రాత్రే తుది శ్వాస విడిచారు. స్టేజ్ ఆర్టిస్ట్ నుంచి గొప్ప నటుడిగా పేరు సంపాదించుకున్న ఈయన.. ‘కర్నాటక నాటక అకాడమీ అవార్డు’ సైతం అందుకున్నారు. నటుడు గంగాధరయ్యకు భార్య, ముగ్గురు కూతుళ్లు, ఒక కొడుకు ఉన్నారు.

హల్వానా గంగాధరయ్య సుమారు 120 సినిమాలు, 15 వందలకు పైగా షోల్లో కనిపించారు. నీర్ దోసె, కురిగాలు సర్ కురిగాలు, శబ్దదేవి సినిమాలు ఆయనకు మంచి పేరును సంపాదించి పెట్టాయి. కాగా ఆయన మృతి పట్ల పలువురు నటులు సంతాపం ప్రకటించారు.