ఉపేంద్రకు పుట్టిన రోజు శుభాకాంక్షలు

కన్నడ స్టార్ హీరో ఉపేంద్ర పుట్టిన రోజు ఇవాళ. తెలుగులోనూ పలు విభిన్నమైన సినిమాల్లో నటించి టాలీవుడ్ ప్రేక్షకులకు కూడా ఉపేంద్ర బాగా దగ్గరయ్యారు.

ఉపేంద్రకు పుట్టిన రోజు శుభాకాంక్షలు
Follow us

|

Updated on: Sep 18, 2020 | 3:11 PM

కన్నడ స్టార్ హీరో ఉపేంద్ర పుట్టిన రోజు ఇవాళ. తెలుగులోనూ పలు విభిన్నమైన సినిమాల్లో నటించి టాలీవుడ్ ప్రేక్షకులకు కూడా ఉపేంద్ర బాగా దగ్గరయ్యారు. ఇంతకుముందు అల్లు అర్జున్ హీరోగా నటించిన ‘సన్ ఆఫ్ సత్యమూర్తి’ సినిమాలో కీలక రోల్ ప్లే చేసిన ఉపేంద్ర, త్వరలో మెగా హీరో వరుణ్ తేజ్ నటిస్తున్న ‘బాక్సర్’ అనే సినిమాలో కనిపించబోతున్నారు. ఈ నేపథ్యంలో వరుణ్ తేజ్ ఒక ప్రత్యేకమైన ట్వీట్ చేశారు. ఉపేంద్ర సార్.. అంటూ బర్త్ డే విషెస్ చెప్పిన వరుణ్ తేజ్.. మీతో షూటింగ్ లో పాల్గొనేందుకు ఎదురుచూస్తున్నానంటూ మెసేజ్ పెట్టాడు. అటు, మెగా బ్రదర్ నాగబాబు కూడా ఉపేంద్రకు పుట్టినరోజు శుభాకాంక్షలు చెప్పారు. మీరు ఎంచుకున్న విభిన్నమైన పాత్రలు మిమ్మల్ని బహుముఖ ప్రజ్ణాశాలిగా నిలబెట్టాయని నాగబాబు అన్నారు. కాగా, సినీ, రాజకీయ రంగానికి చెందిన అనేక మంది ప్రముఖులు ఉపేంద్రకు పుట్టిన రోజు శుభాకాంక్షలు చెబుతున్నారు. దశాబ్ద కాలానికి ముందే టాలీవుడ్‌కి పరిచయమైన ఈ కన్నడ హీరో.. తను మాత్రమే చేయగలనన్న రీతిలో వెరైటీ సినిమాలతో తెలుగు నాట చెరిగిపోని ముద్ర వేసుకున్నారు. తెలుగులో డైరెక్ట్ గా నటిస్తూనే, తన కన్నడ సినిమాలను తెలుగులోకి అనువాదం చేస్తూ తెలుగు ప్రేక్షకులకు టచ్ లో ఉంటున్నారు. 2003, డిసెంబరు 14 న తన కోస్టార్, మిస్ కోల్ కతా ప్రియాంక త్రివేదిని వివాహం చేసుకున్నారు ఉపేంద్ర. నటుడిగా, కథా రచయితగా, పాటల రచయితగా, సంగీత దర్శకుడిగా, నేపథ్య గాయకుడిగా బహుముఖాలుగా తన టాలెంట్ చూపించిన ఉపేంద్ర.. అటు, కన్నడనాట రాజకీయాల్లోనూ తన మార్క్ చూపిస్తుండటం విశేషం.