Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

నెల్లూరు కోర్టు సంచలన తీర్పు..కామాంధుడు జీవితాంతం జైలులోనే

Lifer For Raping Minor, నెల్లూరు కోర్టు సంచలన తీర్పు..కామాంధుడు జీవితాంతం జైలులోనే

నెల్లూరు ఒకటో అడిషనల్ డిస్ట్రిక్ సెషన్స్ కోర్టు సంచలన తీర్పు వెల్లడించింది. మైనర్ బాలికపై అత్యాచారం చేసిన నిందితుడికి జీవిత ఖైదు విధించింది. వివరాల్లోకి వెళ్తే.. కడప జిల్లాకు చెందిన 11 ఏళ్ల బాలిక సెలవుల్లో తన అమ్మమ్మ వాళ్ల ఇంట్లో కొన్ని రోజులు ఉండేందుకు వచ్చింది. ఆమె తనకు ఇషమైన వాటిని కొనుక్కునేందుకు ప్రతి రోజు దగ్గర్లో ఉన్న కిరాణ షాపుకు రావడాన్ని గమనించాడు ముత్తుకూరు ఎమ్మార్వో కాలనీకి చెందిన సాయికృష్ణ. చాకెట్లు, బిస్కెట్లు కొనిపించి మచ్చిక చేసుకుని సదరు మైనర్ బాలికపై లైంగిక దాడికి పాల్పడ్డాడు. ఇలా చాలాసార్లు తన ఆటవిక బుద్దిని ప్రదర్శించాడు. ఒకరోజు బాలిక ఇంట్లో సాయికృష్ణ ఆగడాల గురించి చెప్పింది. వారు వెంటనే పోలీసులకు ఫిర్యాదు చేశారు. విచారణ జరిపిన పోలీసులు అతడిని కోర్టులో హాజరుపరిచారు. బాలిక కోర్టులో లైంగిక దాడి జరిగినట్టు వాంగ్మూలం ఇవ్వడంతో అతడిని కోర్టు దోషిగా తేల్చింది.

2015లో నమోదైన ఈ కేసుపై నెల్లూరు ఒకటో అడిషనల్ డిస్ట్రిక్ సెషన్స్ కోర్టు నిందితుడు సాయికృష్ణను చనిపోయేంతవరకు జైలులోనే ఉంచాలని సంచలన తీర్పు వెలువరించారు. జైలు శిక్షతో పాటు రూ.2లక్షల జరిమానా సైతం విధించారు.