గాంధీ ఆసుపత్రిలో ‘టిక్టాక్’.. జూనియర్ డాక్టర్లపై వేటు
టిక్టాక్ పిచ్చి రోజురోజుకు పెరిగిపోతోంది. తాము చేస్తోన్న విధులను పక్కనపెట్టి మరీ టిక్టాక్లు చేస్తున్నారు కొందరు. వీరిలో ప్రభుత్వ ఉద్యోగులు మినహాయింపు కాదు. నిన్నటికి నిన్న పోలీస్స్టేషన్లో టిక్టాక్ చేసిన ఓ మహిళా పోలీస్ సస్పెండ్కు గురవ్వగా.. తాజాగా హైదరాబాద్లోని జూనియర్ డాక్టర్లపై సంబంధిత అధికారులు వేటు వేశారు. గాంధీ ఆసుపత్రిలో జూనియర్ డాక్టర్లుగా పనిచేస్తోన్న సిబ్బంది చేసిన టిక్టాక్ వీడియోలు వైరల్గా మారాయి. ఓ వైపు వైద్యం కోసం రోగులు ఇబ్బందులు పడుతుంటే.. వారిని పట్టించుకోకుండా […]
టిక్టాక్ పిచ్చి రోజురోజుకు పెరిగిపోతోంది. తాము చేస్తోన్న విధులను పక్కనపెట్టి మరీ టిక్టాక్లు చేస్తున్నారు కొందరు. వీరిలో ప్రభుత్వ ఉద్యోగులు మినహాయింపు కాదు. నిన్నటికి నిన్న పోలీస్స్టేషన్లో టిక్టాక్ చేసిన ఓ మహిళా పోలీస్ సస్పెండ్కు గురవ్వగా.. తాజాగా హైదరాబాద్లోని జూనియర్ డాక్టర్లపై సంబంధిత అధికారులు వేటు వేశారు.
గాంధీ ఆసుపత్రిలో జూనియర్ డాక్టర్లుగా పనిచేస్తోన్న సిబ్బంది చేసిన టిక్టాక్ వీడియోలు వైరల్గా మారాయి. ఓ వైపు వైద్యం కోసం రోగులు ఇబ్బందులు పడుతుంటే.. వారిని పట్టించుకోకుండా ఆ డాక్టర్లు టిక్టాక్లతో కాలక్షేపాలు చేస్తున్నారు. ఈ విషయం ఉన్నతాధికారుల వరకు చేరడంతో.. వెంటనే వారిపై చర్యలు చేపట్టారు. ఫిజియోథెరపీ విభాగంలో టిక్టాక్ చేసిన జూనియర్ వైద్యులను సస్పెండ్ చేశారు. అంతేకాదు ఆ విభాగం ఇన్ఛార్జ్ను కూడా ఆసుపత్రి సూపరింటెండెంట్ సస్పెండ్ చేశారు. దీనిపై సూపరింటెండెంట్ మాట్లాడుతూ.. టిక్టాక్ చేసిన వారిద్దరు శిక్షణ కోసం ఇతర కాలేజీల నుంచి ఇక్కడకు వచ్చారని.. ఈ ఘటనతో గాంధీ వైద్య కళాశాల విద్యార్థులకు సంబంధం లేదని అన్నారు.