Breaking News
  • ట్విట్టర్ లో ఏపీ బీజేపీ అధ్యక్షుడు సోము వీర్రాజు: శతాబ్దల కల అయోధ్య లోని రామాలయం యొక్క శంకుస్థాపన ... ఈ కార్యక్రమం ప్రపంచంలోని 250 చానెల్స్ ప్రత్యక్ష ప్రచారం చేసిన నేపధ్యంలో కలియుగ దైవం అయిన శ్రీ వెంకటేశ్వర స్వామి యొక్క TTD లో ప్రచారం చెయ్యక పోవడం అంటే , ఎలాంటి ఆలోచనలు ఉన్నాయో తలుచుకుంటే మనసుకి బాధ కలిగించే అంశం . దీనిపై బిజెపి లో వున్న అనేక మంది ప్రస్తావించారు . యమిని గారి మీదే కేస్ పెట్టడం మంచిది కాదు . ఈ అంశాన్ని వెంటనే ప్రభుత్వం ఉపసంహరించుకోవాలి .
  • కరోనా భారిన పడి చికిత్స పొందుతున్న ప్రముఖ గాయకులు శ్రీ SP బాలసుబ్రహ్మణ్యం త్వరగా కోలుకోవాలని భగవంతుడిని ప్రార్ధిస్తున్నాను...సినిమాటోగ్రఫీ శాఖ మంత్రి తలసాని శ్రీనివాస్ యాదవ్ అన్ని వర్గాల ప్రజలను ఈ కరోనా తీవ్ర ఇబ్బందులకు గురి చేస్తున్నది. కరోనా మహమ్మారి త్వరగా పోయి ప్రజలంతా సుఖ సంతోషాలతో జీవించాలి. ప్రజలు కూడా తగు జాగ్రత్తలు తీసుకోవడం ద్వారా కరోనా భారిన పడకుండా రక్షించుకోవచ్చు
  • స్వ‌దేశీ ఉత్ప‌త్తుల‌నే వాడాల‌న్న అల్లు శిరీష్ అభిలాష‌ను ప్ర‌శంసించిన అల్లు అర్జున్‌. ఇండియ‌న్ ప్రాడెక్టులు వాడ‌టం, ప్ర‌మోట్ చేయ‌డం హ్యాపీగా ఉంద‌ని ట్వీట్‌. అల్లు శిరీష్ ని చూస్తే గ‌ర్వంగా ఉంద‌న్న బ‌న్నీ. జైహింద్ అని స్వాతంత్ర‌దినోత్స‌వ శుభాకాంక్ష‌లు చెప్పిన బ‌న్నీ.
  • డాక్ట‌ర్ మోహ‌న్‌బాబు 'స‌న్ ఆఫ్ ఇండియా' సినిమా టైటిల్ పోస్ట‌ర్ విడుద‌ల‌ క‌లెక్ష‌న్ కింగ్ డాక్ట‌ర్ మోహ‌న్‌బాబు కొత్త సినిమాలు ఒప్పుకొనే విష‌యంలో చాలా జాగ్ర‌త్త‌గా వ్య‌వ‌హ‌రిస్తున్నారు. న‌టునిగా త‌న‌ను ఉత్తేజ‌ప‌రిచే సినిమాల‌నే చేయాల‌ని ఆయ‌న నిర్ణ‌యించుకున్నారు. 560కి పైగా చిత్రాల‌లో న‌టించిన ఈ లెజెండ‌రీ యాక్ట‌ర్‌ కోసం స్క్రిప్టులు రాయ‌డం అనేది అనేక‌మంది ద‌ర్శ‌కుల‌కు ఓ ఛాలెంజ్. లేటెస్ట్‌గా డాక్ట‌ర్ మోహ‌న్‌బాబు 'స‌న్ ఆఫ్ ఇండియా' అనే సినిమా చేయ‌డానికి అంగీక‌రించారు. ఇందులో ఆయ‌న క‌థానాయ‌కునిగా న‌టిస్తున్నారు. శ్రీ ల‌క్ష్మీప్ర‌స‌న్న పిక్చ‌ర్స్‌, 24 ఫ్రేమ్స్ ఫ్యాక్ట‌రీ సంస్థ‌లు నిర్మిస్తున్న ఈ చిత్రానికి పాపుల‌ర్ స్క్రిప్ట్‌/ డైలాగ్ రైట‌ర్ డైమండ్ ర‌త్న‌బాబు ద‌ర్శ‌క‌త్వం వ‌హిస్తున్నారు.
  • అమరావతి: విపత్తుల నిర్వహణ శాఖ. గోదావరికి పెరుగుతున్న వరద ఉధృతి. కాసేపట్లో ధవళేశ్వరం వద్ద మొదటి ప్రమాద హెచ్చరిక జారీ చేసే అవకాశం. ప్రస్తుత ఇన్ ఫ్లో , అవుట్ ఫ్లో 9,26,446 క్యూసెక్కులు. వరద ముంపు ప్రభావిత మండలాల అధికారులను అప్రమత్తం చేసిన విపత్తుల నిర్వహణ శాఖ. ముందస్తుగా అత్యవసర పరిస్థితుల్లో సహాయక చర్యలకోసం రెండు ఎస్డీఆర్ఎఫ్ బృందాలు పంపిన విపత్తుల శాఖ. గోదావరి పరీవాహక ప్రాంత ప్రజలు తగిన జాగ్రత్తలు తీసుకోవాలి :-విపత్తుల నిర్వహణ శాఖ కమీషనర్. బోట్లు,మోటర్ బోట్లు, స్టీమర్లలతో నదిలో ప్రయాణించవద్దు :-విపత్తుల నిర్వహణ శాఖ కమీషనర్. వరద నీటిలో ఈతకు వెళ్ళడం, స్నానాలకు వెళ్ళడం లాంటివి చేయరాదు :-విపత్తుల నిర్వహణ శాఖ కమీషనర్.
  • తెలంగాణలో రికార్డు స్థాయిలో 27 సెంటీమీటర్ల అత్యంత భారీ వర్షపాతం. అత్యధికంగా కరీంనగర్ జిల్లా మానకొండూరు లో 27.3 సెంటీమీటర్ల వర్షపాతం. వరంగల్ రూరల్ లో 22 నుంచి 27 సెంటీమీటర్ల వర్షపాతం. సిద్దిపేట జిల్లాలో 21 సెంటీమీటర్ల వర్షపాతం. వరంగల్ అర్బన్, ములుగు జిల్లాల్లో 18 సెంటీమీటర్ల వర్షపాతం. నగరంలో లో చార్మినార్ ,కీసర, హయత్ నగర్, బహుదూర్ పుర, రాజేందర్ నగర్ ,ఆసిఫ్ నగర్ , సరూర్నగర్ , మాదాపూర్, నాంపల్లి ఏరియాల్లో రెండు సెంటీమీటర్ల వర్షపాతం.

విషం కలిపిన చపాతీ పిండితో జడ్జిని చంపిన మహిళ

మధ్యప్రదేశ్‌లో అనుమానాస్పదస్థితిలో మృతి చెందిన న్యాయమూర్తి, అతడి కుమారుడు కేసును పోలీసులు ఛేదించారు. జడ్జి కుటుంబాన్ని చపాతీ పిండిలో విషం కలిపినట్టు పోలీసులు ప్రాథమికంగా నిర్ధరించారు. ఈ ఘటనకు సంబంధించి ఓ మహిళతో సహా ఓ మాంత్రికుడు మరో నలుగుర్ని పోలీసులు అరెస్ట్ చేశారు.
Judge and his Son Died Allegedly After Eating Poisoned Chapatis Woman and Five others Arrested, విషం కలిపిన చపాతీ పిండితో జడ్జిని చంపిన మహిళ

మధ్యప్రదేశ్‌లో అనుమానాస్పదస్థితిలో మృతి చెందిన న్యాయమూర్తి, అతడి కుమారుడు కేసును పోలీసులు ఛేదించారు. జడ్జి కుటుంబాన్ని చపాతీ పిండిలో విషం కలిపినట్టు పోలీసులు ప్రాథమికంగా నిర్ధరించారు. ఈ ఘటనకు సంబంధించి ఓ మహిళతో సహా ఓ మాంత్రికుడు మరో నలుగుర్ని పోలీసులు అరెస్ట్ చేశారు.

మధ్యప్రదేశ్‌లో గతవారం న్యాయమూర్తి మహేంద్ర త్రిపాఠీ ఆయన కుమారుడు విషపూరిత ఆహారం తిని అస్వస్థతకు గురయ్యారు. అస్పత్రిలో చికిత్స పొందుతూ చనిపోయారు. అయితే, విషపూరితమైన చపాతీలు తినడం వల్లే జడ్జి బేతుల్ మహేంద్ర త్రిపాఠీ, ఆయన కుమారుడు అభియన్ రాజ్ (33) చనిపోయారని పోలీసులు తెలిపారు. ఈ చింద్వారా జిల్లాలో స్వచ్ఛంద సంస్థ నిర్వహకురాలు సంధ్యా సింగ్ (45) విషం కలిపిన గోధుమ పిండిని న్యాయమూర్తి కుటుంబానికి ఇచ్చిందని పోలీసులు ఆరోపించారు.

జులై 20న న్యాయమూర్తి మహేంద్ర త్రిపాఠీ ఆ గోధుమ పిండిని తీసుకురాగా.. ఆయన భార్య అదే రోజు చపాతీలు చేసింది. ఈ చపాతీలు తిన్న మహేంద్ర త్రిపాఠీతో పాటు అయన ఇద్దరు కుమారులు తీవ్ర అస్వస్థతకు గురయ్యారు. దీంతో ముగ్గుర్నీ వైద్యం కోసం స్థానిక హాస్పిటల్‌కు తరలించగా.. జడ్జి, అభియన్ రాజ్ పరిస్థితి విషమించింది. దీంతో జులై 25న మెరుగైన వైద్యం కోసం వారిని నాగ్‌పూర్‌కి తరలిస్తుండగా.. అభియన్ మార్గమధ్యలోనే చనిపోయాడు. ఆ తర్వాత రోజు మహేంద్ర త్రిపాఠీ ఆస్పత్రిలో చికిత్స పొందుతూ తుదిశ్వాస విడిచారు. దీంతో అనుమానాస్పద మృతి కింద కేసు నమోదు చేసిన పోలీసులు దర్యాప్తు చేపట్టారు.

పోలీసులు ఈ కేసును ప్రతిష్టాత్మకంగా తీసుకుని దర్యాప్తు ముమ్మరం చేశారు. సంధ్యా సింగ్ ఇచ్చిన గోధుమ పిండితో చేసిన చపాతీలను జడ్జి, అతడి కుమారులు తిన్నారని, భార్య మాత్రం ఆ రోజు రైస్ తినడంతో ఆమెకు ప్రాణాపాయం తప్పిందని ఛింధ్వారా ఎస్పీ సిమ్లా ప్రసాద్ తెలిపారు. త్రిపాఠీ చిన్న కుమారుడు ఆశిష్ కూడా చపాతీలు తిన్నా.. ప్రస్తుతం అతడి పరిస్థితి నిలకడగా ఉందన్నారు.

నాగ్‌పూర్ వెళ్లినప్పుడు తన తండ్రికి సంధ్యా సింగ్ ఈ గోధుమ పిండి ఇచ్చినట్టు ఆశిష్ పోలీసులకు సమాచారమిచ్చాడు. ఈ దిశగా దర్యాప్తు చేపట్టిన పోలీసులు కేసును ఛేదించారు. న్యాయమూర్తి కుటుంబాన్ని అంతంచేయాలని సంధ్యా సింగ్ పథకం ప్రకారమే విషం కలిపిన గోధుమ పిండి ఇచ్చిందని ఎస్పీ సిమ్లా ప్రసాద్ అన్నారు.

మహేంద్ర త్రిపాఠీ ఛింద్వారా జిల్లా న్యాయమూర్తిగా వచ్చిన తర్వాత సంధ్యా సింగ్‌తో పరిచయం ఏర్పడిందని, తర్వాత స్నేహంగా మారిందన్నారు. లాక్‌డౌన్ కారణంగా గత నాలుగు నెలల నుంచి త్రిపాఠీని కలవని సంధ్యా సింగ్.. ఆయన కుటుంబంతో కలిసి బేతుల్‌లో ఉంటున్నట్టు తెలుసుకుని, తీవ్ర ఆక్రోశంతో రగిలిపోయింది. దీంతో ఆయన కుటుంబాన్ని అంతం చేయాలని కుట్ర పన్నిందని ఎస్పీ వివరించారు. తాను మీ కోసం పూజచేశానని, మంత్రించిన ఈ గోధుమ పిండితో చేసిన చపాతీలు తింటే అన్ని సమస్యలు తీరిపోతాయని నమ్మబలికి విషం కలిపి ఇచ్చిందని ఎస్పీ వివరించారు.
సంధ్యా సింగ్‌తో పాటు ఆమెకు సహకరించిన ఓ మాంత్రికుడు మరో నలుగురిని అరెస్ట్ చేశామని, వారి కేసు నమోదు చేసి దర్యాప్తు చేపడుతున్నామని ఎస్పీ సిమ్లా ప్రసాద్ వెల్లడించారు.

Related Tags