Covid 19 vaccine: జాన్సన్ అండ్ జాన్సన్ టీకా.. ఆశాజనకంగా ఫలితాలు
ఒకే ఒక్క డోసుతో కరోనా నుంచి రక్షణ కల్పించగల సామర్థ్యమున్న టీకాను అమెరికాకు చెందిన జాన్సన్ అండ్ జాన్సన్ సంస్థ అభివృద్ధి చేస్తున్న విషయం తెలిసిందే
ఒకే ఒక్క డోసుతో కరోనా నుంచి రక్షణ కల్పించగల సామర్థ్యమున్న టీకాను అమెరికాకు చెందిన జాన్సన్ అండ్ జాన్సన్ సంస్థ అభివృద్ధి చేస్తున్న విషయం తెలిసిందే. ఈ క్రమంలో ఆ సంస్థ మరో అడుగు ముందుకేసింది. బుధవారం మనుషులపై తుది దశ ప్రయోగపరీక్షలు ప్రారంభం కాగా.. ఆ ఫలితాలు ఆశాజనకంగా ఉన్నట్లు సంస్థ వెల్లడించింది. ఈ మేరకు మధ్యంతర ఫలితాలను విడుదల చేసింది.
ప్రస్తుతం అమెరికా, దక్షిణాఫ్రికా, అర్జెంటీనా, బ్రెజిల్‌, చిలీ, కొలంబియా, మెక్సికో, పెరూలో మొత్తం 60వేల మంది వాలంటీర్లపై ఈ వ్యాక్సిన్‌ని ప్రయోగిస్తున్నారు. ఈ వ్యాక్సిన్‌ని ఇచ్చిన వాలంటీర్లలో వ్యాధి నిరోధక స్థాయిని ఎప్పటికప్పుడు గమనిస్తున్నామని సంస్థ తెలిపింది. ఈ వ్యాక్సిన్ తీసుకున్న వారిలో రోగ నిరోధక శక్తి పెరుగుతున్నట్లు కూడా తెలుస్తోంది. చివరి దశ ప్రయోగాలు విజయవంతమైతే ఈ ఏడాది చివర్లో గానీ వచ్చే ఏడాది ప్రారంభంలో గానీ ఈ వ్యాక్సిన్‌ని అందుబాటులోకి తెచ్చేందుకు ప్రయత్నిస్తున్నట్లు వెల్లడించింది. అయితే కరోనా ముప్పు ఎక్కువగా ఉన్న వయస్సు మళ్లిన వారిపై ఈ టీకా పనిచేస్తుందా..? అన్ని రకాల వయస్సుల వారికి ఒకే డోస్ ఇవ్వడం వలన వ్యతిరేక ప్రభావాలు ఏవైనా కనిపిస్తాయా..? అనే అనుమానాలు వ్యక్తమవుతున్నాయి. ఈ వివరాలు తెలియాలంటే చివరిదశ ప్రయోగ ఫలితాలు వచ్చే వరకు ఆగాల్సిందేనని హార్వర్డ్ యూనివర్సిటీ ప్రొఫెసర్ డా.బ్యారీ బ్లూమ్ తెలిపారు.
Read More:
