Breaking News
  • ఢిల్లీ: జాతినుద్దేశించి ప్రధాని మోదీ ప్రసంగం. కోవిడ్‌ విజృంభణ తర్వాత ఏడోసారి ప్రధాని మోదీ ప్రసంగం. దేశంలో మరణాల రేటు తక్కువగా ఉంది. ఈ పరిస్థితిని ఇలాగే కొనసాగిద్దాం-ప్రధాని మోదీ. కరోనాను ఎదుర్కోవడంతో అగ్రదేశాల కంటే భారత్‌ మెరుగ్గా ఉంది. 10 లక్షల కేసుల్లో 83 మరణాలు మాత్రమే సంభవిస్తున్నాయి. అత్యంత అప్రమత్తంగా ఉండాల్సిన సమయం ఇది-మోదీ. ఏ మాత్రం ఆదమరిచినా ఇబ్బందులు తప్పవు-మోదీ. 10 లక్షల మందిలో ఐదున్నర వేల మందికే కరోనా సోకింది. కరోనాపై పూర్తి విజయం సాధించే వరకు పోరాటం ఆపొద్దు. కరోనా పరీక్షల కోసం 2 వేల ల్యాబ్‌లు పనిచేస్తున్నాయి. వైద్యులు, వైద్య సిబ్బంది సేవా భావంతో పనిచేస్తున్నారు. భౌతిక దూరం పాటించండి.. మాస్కులు ధరించండి-మోదీ. మీరు.. మీ కుటుంబాలు సురక్షితంగా ఉండాలి-ప్రధాని మోదీ. త్వరలోనే కరోనా పరీక్షల సంఖ్య 10 కోట్లు దాటిపోతుంది-మోదీ.
  • విజయవాడ: సీపీ కార్యాలయ ఉద్యోగి మహేష్‌ హత్య కేసు. మహేష్‌ హత్య కేసులో ముగ్గురు నిందితుల అరెస్ట్‌. పదో తేదీ రాత్రి 10 గంటలకు మహేష్‌ను కాల్చి చంపారు. కేసులో కీలక ఆధారాలు లభించాయి. గన్‌కు సంబంధించిన వివరాలు సేకరించాం. సాకేత్‌రెడ్డి, గంగాధర్‌ కలిసి మహేష్‌ హత్య చేశారు. సాకేత్‌ లాక్‌డౌన్‌లో గయ వెళ్లి గన్‌ను కొనుగోలు చేశాడు. -విజయవాడ సీపీ శ్రీనివాసులు. బాలుడిని కిడ్నాప్‌ చేసి డబ్బులు డిమాండ్‌ చేద్దామని సందీప్‌ స్కెచ్‌. సందీప్‌ను హైదరాబాద్‌ నుంచి సాకేత్‌ పిలిపించాడు.
  • ఏపీలో కొత్తగా 3,503 కరోనా కేసులు, 28 మంది మృతి. ఏపీలో మొత్తం 7,89,553 కేసులు, 6,481 మంది మృతి. ఏపీలో 33,396 యాక్టివ్‌ కేసులు, 7,49,676 మంది డిశ్చార్జ్‌.
  • విజయవాడ: ఈ రోజు 11,981 మంది దుర్గమ్మను దర్శించుకున్నారు. ఈ రోజు సా.6 గంటల వరకు రూ.14,54,345 ఆదాయం వచ్చింది. రేపు 13 వేల మందికి అమ్మవారి దర్శనం కల్పిస్తాం. రేపు తె.3 గంటల నుంచి రా.9 గంటల వరకు దర్శనాలు. రేపు మ.3 గంటలకు అమ్మవారికి సీఎం జగన్‌ పట్టువస్త్రాలు సమర్పిస్తారు. -దుర్గగుడి ఈవో సురేష్‌బాబు.
  • హైదరాబాద్‌ ముంపు సమస్యమీద విస్తృతమైన చర్చ జరగాలి. టీవీ9 ఓ వెబినార్‌ పెడితే అందరి అభిప్రాయాలు తెలుస్తాయి. హైదరాబాద్‌లో ఎన్డీఎంఏ రిపోర్ట్‌ ఎందుకు అమలు కావడం లేదు. ఫిరంగినాలా ఆక్రమణే పాతబస్తీ మునిగేందుకు కారణం. -బిగ్‌ డిబేట్‌లో పర్యావరణవేత్త ప్రొఫెసర్‌ పురుషోత్తంరెడ్డి.
  • తుంగభద్ర పుష్కరాలు ప్రారంభించాలని సీఎం జగన్‌కు ఆహ్వానం. సీఎంను ఆహ్వానించిన మంత్రాలయం రాఘవేంద్రస్వామి మఠం ప్రతినిధులు.
  • శ్రీశైలం ప్రాజెక్టుకు కొనసాగుతున్న వరద, 10 గేట్లు ఎత్తివేత. ఇన్‌ఫ్లో 3,26,466 క్యూసెక్కులు, ఔట్‌ఫ్లో 4,03,188 క్యూసెక్కులు. పూర్తిస్థాయి నీటినిల్వ 215 టీఎంసీలు. ప్రస్తుత నీటినిల్వ 211 టీఎంసీలు.

జెట్ ఎయిర్‌వేస్ మళ్లీ రైజ్ అవుతుందా?

, జెట్ ఎయిర్‌వేస్ మళ్లీ రైజ్ అవుతుందా?

అప్పులతో సతమతమవుతున్న జెట్‌ ఎయిర్‌వేస్‌ను తిరిగి ట్రాక్ లో పెట్టడానికి ప్రయత్నాలు మొదలయ్యాయి. ఈ మేరకు గురువారం జరిగిన బోర్డు సమావేశంలో సంస్థ ఓ కీలక నిర్ణయం తీసుకొంది. బ్యాంకు నేతృత్వంలో తాత్కాలిక రుణ పరిష్కార ప్రణాళికను (బీఎల్‌పీఆర్‌పీ) సిద్ధం చేసింది. దీని ప్రకారం, సంస్థ రుణదాతలకు చెల్లించాల్సిన బకాయిలను ఈక్విటీ రూపంలోకి మార్చుకునేందుకు మార్గం సుగమం కానుంది. ఇదే జరిగితే కంపెనీలో రుణదాతలు అత్యధిక వాటాదార్లు అవుతారు. అప్పుడు కంపెనీ వారి చేతుల్లోకి వెళ్లినట్లు అవుతుంది. రిజర్వ్‌ బ్యాంక్‌ ఆఫ్‌ ఇండియా గత ఏడాది ఫిబ్రవరి 12న జారీ చేసిన సర్క్యులర్‌ ప్రకారం, తమకున్న రూ.8,500 కోట్ల నిధుల అంతరాన్ని పూడ్చుకునేందుకు రుణ పునర్‌వ్యవస్థీకరణలో భాగంగా బోర్డు తాజా ప్రతిపాదనను తీసుకొచ్చింది. దీని ప్రకారం, అప్పు ఇచ్చినవాళ్లకు చెల్లించాల్సిన రుణాన్ని ఒక్కో షేర్ రూ.10 చొప్పున  11.40 కోట్ల షేర్లుగా విభజించి వారికి కేటాయించాలని భావిస్తోంది. దీంతో సంస్థలో రుణదాతలు అతి పెద్ద వాటాదార్లుగా అవతరించే అవకాశం ఉందని ఎక్స్ఛేంజీలకు జెట్‌ ఎయిర్‌వేస్‌ సమాచారమిచ్చింది.

ఈ రుణ పరిష్కార ప్రణాళిక కింద రుణదాతల నామినీలు కూడా డైరెక్టర్ల బోర్డులో సభ్యులుగా ఉంటారు. ఈ నెల 21న నిర్వహించబోయే సమావేశంలో వాటాదార్ల అనుమతి మేరకు ఈ ప్రణాళికను ముందుకు తీసుకెళ్లనున్నారు. తాజాగా ప్రతిపాదించిన తాత్కాలిక రుణ పరిష్కార ప్రణాళికకు మార్కెట్ల నియంత్రణ సంస్థ సెబీ, పౌర విమానయాన మంత్రిత్వ శాఖ, కాంపిటీషన్‌ కమిషన్‌ ఆప్‌ ఇండియా (సీసీఐ)లు అనుమతిస్తే అమలు చేస్తామని కంపెనీ వెల్లడించింది. ఇదిలా ఉంటే, 2018 డిసెంబరు 31 నాటికి జెట్‌ ఎయిర్‌వేస్‌ ప్రమోటర్‌ నరేశ్‌ గోయల్‌కు సంస్థలో 51 శాతం వాటా ఉండగా, ఎతిహాద్‌ ఎయిర్‌వేస్‌కు 24 శాతం వాటా ఉంది. 2018 సెప్టెంబరు నాటికి సంస్థకు రూ.8,052 కోట్ల రుణ భారం ఉంది.

 

Related Tags