Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

పవన్ విశాఖ ర్యాలీతో.. పార్టీ బలోపేతం అయ్యేనా?

Janasena Chief Pawan Kalyan Will Conduct Rally in Visakhapatnam, పవన్ విశాఖ ర్యాలీతో.. పార్టీ బలోపేతం అయ్యేనా?

జనసేన పార్టీని గాడిలో పెట్టేందుకు అధ్యక్షుడు పవన్ కళ్యాణ్ రెడీ అవుతున్నారు. ఎన్నికల తర్వాత పార్టీలో తీవ్ర నైరాశ్యం చోటుచేసుకోవడంతో దిద్దుబాటు చర్యలు చేపట్టాలని పవన్ నిర్ణయించుకున్నట్టుగా తెలుస్తోంది. ఇప్పటికే పార్టీ సీనియర్లు చాలమంది పార్టీనుంచి బయటికి వెళ్లిపోయారు. క్యాడర్ ఉందో లేదో తెలియని అయోమయ పరిస్థితిలో ఉన్న జనసేన పార్టీలో పవన్ ఒక్కరే అన్నీ చూసుకుంటున్నారు. పొలిటికల్ ఎఫైర్స్ కమిటీలో పలువురు సీనియర్ నేతలు ఉన్నప్పటికీ వారు స్వతహాగా స్పందించడం లేదు. సుధీర్ఘకాలం రాజకీయాలు చేయడానికి వచ్చామని చెప్పుకునే పవన్ కళ్యాణ్.. 2019 ఎన్నికల్లో ఘోరంగా ఓటమి పాలయ్యారు. ఆయనను ఏపీ ప్రజలు రాజకీయంగా గుర్తించలేకపోవడంతోనే ఈ పరాజయం ఎదురైనట్టుగా భావించాల్సి ఉంటుంది.

సొంతంగా రాజకీయ పార్టీని స్థాపించి 2014లో ఇటు టీడీపీ, అటు బీజేపీలను పరోక్షంగా గెలిపించిన పవన్.. ప్రత్యక్షరాజకీయాల్లోకి వచ్చేసరికి ఫెయిల్ కావడం ఆయన అభిమానులను తీవ్ర నిరాశపరిచింది. ఆయన సభలకు వేలాదిమంది తరలిరావడంతో ఇది తన గెలుపునకు సంకేతమని భావించారు. కానీ సభలకు వచ్చిన వారి ఓట్లు వైసీపీకి పడటంతో పవన్ పార్టీకి వెయ్యి వోల్టుల విద్యుత్ షాక్ కొట్టినట్టయింది. వామపక్ష పార్టీలతో కలిసి పోటీ చేసిన జనసేనకు ఒకే ఒక్క అభ్యర్థి సాధించిన విజయం పట్ల.. పార్టీ నేతలనే అయోమయానికి గురిచేసింది.

పవన్ కళ్యాణ్.. టీడీపీకి అద్దెమైకు అంటూ అధికార వైసీపీ నేతలు ఎన్నోసార్లు విమర్శించారు. ఎన్నికలకు ముందు అప్పటి అధికార పార్టీ విధానాలను వదిలిపెట్టి ప్రతిపక్ష పార్టీగా ఉన్న వైసీపీని విమర్శించారు. ఏపీ ప్రభుత్వం ఎన్నికల మేనిఫెస్టో అమలుపై కసరత్తు చేస్తూ ఒక్కొ అంశాన్ని అమలు చేస్తుంటుండగానే.. జనసేన వాటిని విమర్శించడమే పనిగా పెట్టుకున్నారనే విమర్శలు వస్తున్నాయి.

ఏపీ ప్రభుత్వ విధానాలపై జనసేన అధ్యక్షుడు పవన్ కళ్యాణ్ ఇకపై ప్రత్యక్ష పోరాటాలకు రెడీ అవుతున్నారు. నవంబర్ 3న మధ్యాహ్నం 3 గంటలకు విశాఖలో భారీ ర్యాలీ జరపాలని పవన్ నిర్ణయించారు. అయితే ఈ ర్యాలీ ఎక్కడినుంచి ఎక్కడి వరకు చేపడతారనే దానిపై మాత్రం ఇంకా నిర్ణయం తీసుకోలేదు. మరోవైపు పార్టీని క్షేత్రస్ధాయిలో బలోపేతం చేయడానికి పవన్ స్వయంగా రంగంలోకి దిగబోతున్నారు. అదే విధంగా రాష్ట్రంలో ఏర్పడ్డ విద్యుత్ సంక్షోభం, పోలవరంప ప్రాజెక్టు నిర్మాణం, వంటి ప్రధాన సమస్యలపై ప్రజలతో కలిసి ప్రభుత్వాన్ని నిలదీయాలని పవన్ కార్యాచరణ రెడీ చేస్తున్నారు. ఈ మేరకు ఆదివారం జనసేన పొలిటికల్ ఎఫైర్ కమిటీ సమావేశమైంది. ఈ సమావేశంలో భవిష్యత్తు కార్యాచరణపై పార్టీ సీనియర్ నేతలు చర్చించారు. ఈ సమావేశంలో పార్టీకి చెందిన నాదెండ్ల మనోహర్, తోట చంద్రశేఖర్, రాజోలు ఎమ్మెల్యే రాపాక వరప్రసాద్, కందుల దుర్గేష్,ముత్తా శశిధర్ తదితరులు హాజరయ్యారు.