Breaking News
  • కరోనా వైరస్ వ్యాప్తిని నిరోధించడానికి ముఖ్యమంత్రి కె.చంద్రశేఖర్ రావు నాయకత్వంలో రాష్ట్ర ప్రభుత్వం చేస్తున్న ప్రయత్నాలకు అనేక మంది ప్రముఖులు తమ మద్దతు తెలిపారు. ప్రభుత్వ ప్రయత్నాలకు ఆర్థికంగా అండగా నిలిచేందుకు బుధవారం భారీ ఎత్తున విరాళాలు అందించారు.
  • భక్తులు లేక భద్రాద్రి బోసిపోయింది.. సీతా రామ చంద్ర స్వామి వారి కల్యాణానికి కరోనా ఆటంకం ఏర్పడింది .. కరోనా వైరస్ విస్తరణకు సామాజిక దూరం పాటించడమే శరణ్యం కావడంతో ... నిరాడంబరంగా జగదబిరాముని కళ్యాణం జరిగితోంది.
  • జమ్మూకాశ్మీర్ లోని కొన్ని గ్రామాలు రెడ్ జోన్ గా ప్రకటన. రాజౌరి జిల్లాలోని మంజకోట్ తహసీల్‌కు చెందిన సరోలా, డెహ్రీధర, మంగల్ నార్, గంబిర్ ముగ్లాన్ & కోట్లి అనే 5 గ్రామాలు జమ్మూ లో రెడ్ జోన్‌లుగా ప్రకటించిన అధికారులు.
  • సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ) సంచలన నిర్ణయం తీసుకుంది. దేశంలో కరోనా వైరస్ వల్ల లాక్ డౌన్ చేసిన నేపథ్యంలో ఒకటో తరగతి నుంచి 8వ తరగతి వరకు విద్యార్థులు అందర్నీ పాస్ చేసినట్టు ప్రకటించింది.
  • కరోనా వైరస్‌ను నియంత్రించడానికి తెలంగాణ ప్రభుత్వం పకడ్బందీగా పని చేస్తున్నదని అన్నారు రాష్ట్ర వైద్య ఆరోగ్య శాఖ మంత్రి ఈటల రాజేందర్‌. దేశంలో అన్ని రాష్ట్రాల కంటే ముందుగా తెలంగాణ లాక్‌డౌన్‌ ప్రకటించిన విషయాన్ని ఆయన గుర్తు చేశారు.

జామియా ఘటనపై ఢిల్లీ కోర్టు ఆగ్రహం.. 2 కోట్ల నష్టపరిహారం కోరిన విద్యార్థి..!

Jamia Millia Islamia Violence, జామియా ఘటనపై ఢిల్లీ కోర్టు ఆగ్రహం.. 2 కోట్ల నష్టపరిహారం కోరిన విద్యార్థి..!

జామియా మిలియా ఇస్లామియా క్యాంపస్‌లో డిసెంబర్ 15 న జరిగిన హింసాకాండపై జామియా విద్యార్థి దాఖలు చేసిన పిటిషన్‌పై ఢిల్లీ హైకోర్టు సోమవారం కేంద్రానికి, ఢిల్లీ ప్రభుత్వానికి నోటీసు జారీ చేసింది. గత డిసెంబర్ 15 న జామియా క్యాంపస్‌లో పోలీసుల దాడిలో రెండు కాళ్లు విరిగిన షయాన్ ముజీబ్ అనే విద్యార్థి తన గాయాలకు రూ .2 కోట్ల నష్టపరిహారం కోరుతూ ఢిల్లీ కోర్టులో పిటిషన్ దాఖలు చేశాడు.

15 డిసెంబర్ 2019 న జామియా మిల్లియా ఇస్లామియా విశ్వవిద్యాలయం యొక్క లైబ్రరీలో పోలీసులు, పారా మిలటరీ దళాలు విద్యార్థులను కొట్టిన సిసిటివి ఫుటేజీని జామియా కో-ఆర్డినేషన్ కమిటీ శనివారం విడుదల చేసింది. ఈ వీడియో తీవ్ర దుమారం రేపుతోంది. ఢిల్లీలోని జామియా మిలియా ఇస్లామియా యూనివర్సిటీలో రెండు నెలల కిందట ఉద్రిక్త పరిస్థితులు నెలకొన్న విషయం తెలిసిందే.

సీఏఏ (పౌరసత్వ సవరణ చట్టం)కు వ్యతిరేకంగా విద్యార్థులు జరిపిన నిరసన కార్యక్రమం హింసాత్మకంగా మారింది. అనుమానితులను అదుపులోకి తీసుకునేందుకు ఢిల్లీ పోలీసులు యూనివర్సిటీ క్యాంపస్‌లోకి ప్రవేశించి విద్యార్థులను చితకబాదారు. దీనిపై అప్పట్లో తీవ్ర విమర్శలు వెల్లువెత్తాయి. మితిమీరిన పోలీసు చర్యను ఇతర రాజకీయ పార్టీలు ఖండించాయి.

Related Tags