Breaking News
  • రోజురోజుకీ కరోనా పాజిటివ్‌ కేసులు పెరుగుతుండటంతో కేంద్రం అప్రమత్తమయ్యింది. గడచిన 24 గంటల్లోనే 438 మంది వైరస్‌ బారిన పడ్డారంటే పరిస్థితి ఎంత ప్రమాదకరంగా ఉందో అర్థం చేసుకోవచ్చు. దేశ వ్యాప్తంగా కరోనా కేసులకు పది ప్రాంతాలు డేంజర్‌ స్పాట్స్‌గా ఉన్నాయని కేంద్రం ప్రకటించింది.
  • అసలే జనం భయంతో బతికేస్తున్నారు. ఈ టైమ్‌లో కరోనాపై అవాకులు చవాకులు పేల్చేవాళ్లు ఎక్కువయ్యారు. కొందరు ఫేక్‌ న్యూస్‌ పోస్టు చేస్తుంటే కొందరు విధులు నిర్వర్తిస్తున్న పోలీసులపై, వైద్యులపై ఇష్టారాజ్యాంగా వ్యవహరిస్తున్నారు. తెలంగాణ సీఎం కేసీఆర్‌ మొత్తం రాష్ట్ర పరిస్థితిని ఆరా తీస్తున్నారు.
  • ఏలూరులో ఒక్కసారిగా ఎనిమిది కరోనా పాజిటివ్‌ కేసులు తెరమీదకు వచ్చాయి. ఇంకెన్ని ఉంటాయోనని ప్రజలు భయపడుతుంటే అలాంటి హై రిస్క్‌ జోన్‌లో నిరంతరం పని చేస్తున్నారు పోలీసులు. ప్రస్తుతం సిటీలో 144 సెక్షన్‌ అమలవుతోంది. కుటుంబాలకు దూరంగా రెడ్‌జోన్‌లో పోలీసులు విధులు నిర్వర్తిస్తున్నారు.
  • ప్రతీది కరోనా కాదు.. పొడిదగ్గు తుమ్ములు ఉంటే వాయుకాలుష్యం. దగ్గు, తెమడ, ముక్కు కారడం, తుమ్ములు వస్తే జలుబు. దగ్గు, తెమడ, తుమ్ములు, ముక్కు కారడం, ఒంటి నొప్పులు, బలహీనత, తేలికపాటి జ్వరం ఫ్లూ లక్షణాలు. పొడిదగ్గు, తుమ్ములు, ఒంటి నొప్పులు, అధిక జ్వరం, బలహీనత, శ్వాస తీసుకోవడంలో ఇబ్బంది ఇవన్నీ కొవిడ్‌-19 లక్షణాలు. ప్రతీది కరోనా కాదు.. కంగారు పడొద్దు..
  • నిజాముద్దీన్ మర్కజ్ కేసులో ఢిల్లీ క్రైం బ్రాంచ్ నోటీసులు. తబ్లీఘీ-జమాత్ చీఫ్ మౌలానా సాద్ సహా 7గురు నిందితులకు నోటీసులు. నిబంధనలు ఎందుకు అతిక్రమించారో రాతపూర్వక వివరణ ఇవ్వాలని ఆదేశం. నిందితుల ఇళ్లకు నోటీసులు పంపించిన క్రైం బ్రాంచ్.

ట్రంప్ భారత్ విజిట్.. ‘పగ’ తీర్చుకుంటామన్న జైషే మహమ్మద్ !

Trump India Tour, ట్రంప్ భారత్ విజిట్.. ‘పగ’ తీర్చుకుంటామన్న జైషే మహమ్మద్ !

అమెరికా అధ్యక్షుడు డొనాల్డ్ ట్రంప్ ఈ నెల చివరివారంలో భారత్ రానున్నారు. ఆయన పర్యటనకు అప్పుడే ఇండియా, అమెరికా విశేష ప్రాధాన్యమిస్తున్నాయి. ఢిల్లీతో బాటు అహ్మదాబాద్ కూడా సందర్శించి అక్కడి అతి పెద్ద క్రికెట్ స్టేడియంలో ఆయన ప్రధాని మోదీతో కలిసి ప్రసంగించనున్నారు. ట్రంప్ కు స్వాగతం చెప్పేందుకు లక్షలాది ప్రజలను సంసిద్దులను చేస్తున్నారని వార్తలు వస్తున్నాయి. ఇదంతా ఓ ఎత్తయితే.. ఉగ్రవాద సంస్థ ‘జైషే మహమ్మద్’ “రివెంజ్’ (పగ) పేరిట ఓ వీడియోను  రిలీజ్ చేసింది. ఇందులో ఆ సంస్థ నాయకుడొకరు.. భారత ప్రభుత్వాన్ని హెచ్చరించడమే గాక.. .. అదే సమయంలో ట్రంప్ విజిట్ మీద తీవ్రమైన వ్యాఖ్యలు చేశాడు. ‘కిల్లర్స్’ (ట్రంప్) ను క్షమించే ప్రసక్తి లేదని, మీరు ముస్లిములను వేధించినందుకు ప్రతీకారం తీర్చుకుంటామని అన్నాడు. శాంతి, సామరస్యాలపై మీరు చేసిన కల్లబొల్లి మాటలను చాలానే విన్నామని, ఇక ఇవన్నీ బంద్ అయినట్టేనని పేర్కొన్నాడు. పరిస్థితి జటిలం కావచ్ఛు.. ఆ సమయం ఆసన్నమైంది అని కూడా వార్నింగ్ ఇచ్చాడు.

370 అధికరణం రద్దు తరువాత.. కాశ్మీరీలు చాలా ఆగ్రహంతో ఉన్నారని, ఉగ్రవాద దాడులు చేస్తున్నారని ట్రంప్ టూర్ సందర్భంగా పాక్ పరోక్ష  వైఖరిని చూపడానికే ఈ వీడియోను ఈ ఉగ్రవాద సంస్థ రిలీజ్ చేసినట్టు  తెలుస్తోంది.  ఈ నెల మొదటివారంలో పాక్ ఆక్రమిత కాశ్మీర్లో టెర్రరిస్టు బృందాలు సమావేశమయ్యాయని, ఐఎస్ఐ, పాక్ ఆర్మీకి చెందిన అధికారులు కూడా ఈ సమావేశానికి హాజరయ్యారని తెలిపే ఓ వీడియోకు సంబంధించిన ఇన్-ఫుట్ భద్రతా దళాలకు అందింది. అలాగే పాక్ టెర్రరిస్టుల బదులు కాశ్మీర్ లోని ఉగ్రవాదులకు మరిన్ని ‘బాధ్యతలు’ ఇచ్ఛే విషయమై ఈ మీటింగ్ లో చర్చించినట్టు చెబుతున్నారు. లష్కరే తోయిబా, జైషే మహమ్మద్ సంస్థల నుంచి అన్ని ఉగ్రవాద చర్యల తాలూకు బాధ్యతలను హిజ్ బుల్-ముజాహిదీన్ స్వీకరించాలని ఆ సమావేశంలో ఓ ఆర్డర్ కూడా జారీ అయినట్టు తెలుస్తోంది. కాశ్మీరీలలో భయాందోళనలను రేకెత్తించేందుకు, పట్టణ ప్రాంతాల్లో సాధారణ ప్రజలపైన, భద్రతా దళాలపైన దాడులు చేసే యోచనలో కూడా ఉగ్రవాదులు ఉన్నట్టు సమాచారం. అలాగే ఆత్మాహుతి దళాలను సైతం రెడీగా ఉంచినట్టు ఇంటెలిజెన్స్ వర్గాలకు సమాచారం అందింది.

 

 

 

Related Tags