Breaking News
  • శ్రీకాకుళం: కచరాంలో తృప్తి రిసార్ట్‌ యాజమాన్యం నిర్వాకం. రోడ్లపై గుర్రపు స్వారీ నిర్వహించిన తృప్తి రిసార్ట్‌ యాజమాన్యం. బైక్‌పై వెళ్తున్న రాంబాబు, రమాదేవి దంపతులను గుద్దిన గుర్రం. ఆస్పత్రిలో రాంబాబు పరిస్థితి విషమం. పట్టించుకోని రిసార్ట్‌ యాజమాన్యం. రాసార్ట్‌ ఎదుట స్థానికుల ఆందోళన, పరిస్థితి ఉద్రిక్తం. భారీగా మోహరించిన పోలీసులు.
  • ప.గో: తణుకు మండలం దువ్వలో పిచ్చికుక్క స్వైర విహారం. పిచ్చికుక్క దాడిలో10 మందికి గాయాలు.
  • గుంటూరు: సత్తెనపల్లిలో మహిళ ఆత్మహత్యాయత్నం. చోరీ కేసు పెట్టారన్న మనస్థాపంతో నిద్రమాత్రలు మింగిన లక్ష్మీ. పరిస్థితి విషమం, ఆస్పత్రికి తరలింపు.
  • అనంతపురం: కదిరి మండలం నడిమిపల్లిలో దారుణం. యువకుడు సుధాకర్‌ గొంతు కోసిన దుండగులు. ఆస్పత్రిలో చికిత్స పొందుతున్న సుధాకర్‌. గతంలో రామాంజనేయులు భార్యను ఎత్తుకెళ్లి.. తిరిగి అప్పగించిన సుధాకర్‌. రామాంజనేయులుపై అనుమానం వ్యక్తం చేస్తున్న పోలీసులు.
  • అనంతపురం: హిందూపురంలో రెచ్చిపోయిన వీధికుక్కలు. ఇద్దరు చిన్నారులపై దాడి. వీధికుక్కల దాడిలో తీవ్రంగా గాయపడ్డ చిన్నారులు. ఆస్పత్రికి తరలింపు, పరిస్థితి విషమం.
  • విజయవాడ: వంశీ వ్యాఖ్యలపై అయ్యప్ప భక్త కమిటీ అభ్యంతరం. టీవీ9 డిబేట్‌లో వంశీ అనుచిత వ్యాఖ్యలు సరికాదు. అయ్యప్ప మాలలో ఉన్న భక్తులు రాగద్వేషాలకు అతీతంగా ఉండాలి. పరుష పదజాలంతో భక్తుల మనోభావాలు దెబ్బతీస్తున్నారు. అయ్యప్ప భక్తులకు వంశీ కళంకం తెచ్చారు. ఇప్పటికైనా నియమనిష్టలతో దీక్ష చేయాలి-వేణుగోపాలస్వామి.
  • హైదరాబాద్‌: అశ్వత్థామరెడ్డి నివాసానికి వెళ్లిన ఎంపీ కోమటిరెడ్డి. అశ్వత్థామరెడ్డిని పరామర్శించిన కోమటిరెడ్డి వెంకటరెడ్డి. ఆర్టీసీ కార్మికులకు మద్దతుగా అందరూ ముందుకు రావాలి. అశ్వత్థామరెడ్డికి ఏం జరిగినా సీఎం కేసీఆర్‌దే బాధ్యత. కార్మికుల సమస్యలు ప్రభుత్వం త్వరగా పరిష్కరించాలి. సడక్‌బంద్‌ను విజయవంతం చేయాలి-ఎంపీ కోమటిరెడ్డి.

తొలిసారి వెనక్కి తగ్గిన జగన్.. ఎందులోనంటే ?

ఏపీ సీఎం జగన్ తాను తీసుకున్న ఏ నిర్ణయాన్ని వెనక్కి తీసుకోరన్న అభిప్రాయం ఇప్పటి వరకు వుండేది. కానీ ఎప్పుడు పెరగాలో.. ఎప్పుడు తగ్గాలో తనకు బాగా తెలుసని చాటారు సీఎం జగన్. తాను తీసుకున్న ఓ నిర్ణయం నుంచి ఒక అడుగు వెనక్కి తగ్గారు సీఎం జగన్. అది కూడా తొలిసారిగా అంటున్నాయి ప్రభుత్వ వర్గాలు

ఏపీలో ఒకటవ తరగతి నుంచి 10వ తరగతి దాకా ఇంగ్లీష్ మీడియం తప్పనిసరి చేస్తూ ఏపీ ప్రభుత్వం ఇటీవల ఉత్తర్వులు జారీ చేసిన సంగతి తెలిసిందే. ఈ ప్రభుత్వ ఉత్తర్వుల వల్ల తెలుగు భాష అంతరించిపోతుందని భాషాభిమానులు ఆందోళన వ్యక్తం చేశారు. టిడిపి సహా పలు రాజకీయ పార్టీలు కూడా జగన్ ప్రభుత్వ నిర్ణయాన్ని తప్పు పట్టాయి.

ఉద్యోగావకాశాల్లో పోటీ పెరిగిపోవడం వల్ల ఇంగ్లీషు భాష మీద పట్టు అనివార్యమన్న సంగతి ఒకవైపు.. సాంకేతిక రంగంలో ఇంగ్లీషు భాష అవసరం ఇంకోవైపు స్పష్టంగా కనిపించడం వల్లనే పదవ తరగతి వరకు ఇంగ్లీషు మీడియంను కంపల్సరీ చేస్తూ ప్రభుత్వం నిర్ణయించిందని విద్యాశాఖ అధికారులు, వైసీపీ నేతలు వివరణ కూడా ఇచ్చారు. అయితే ఈ దుమారం మాత్రం కొనసాగుతూనే వుంది.

ఈ నేపథ్యంలో శనివారం విద్యాశాఖపై సమీక్ష జరిపిన ముఖ్యమంత్రి జగన్మ్మోహన్ రెడ్డి.. కీలక ఆదేశాలు జారీ చేశారు. ముందుగా అనుకున్నట్లుగా ఒకటి నుంచి 10వ తరగతి దాకా కాకుండా ఒకటి నుంచి ఆరో తరగతి వరకే ఇంగ్లీషు మీడియంను కంపల్సరీ చేయాలని ముఖ్యమంత్రి నిర్ణయించారు. ఈ మేరకు విద్యాశాఖాధికారులకు ఆదేశాలు జారీ చేశారు. ముందుగా అనుకున్న పదవ తరగతి నుంచి కొంచె వెనక్కి తగ్గిన జగన్ సర్కార్ ఆరో తరగతి వరకు మాత్రమే ఇంగ్లీషు మీడియం కంపల్సరీ చేయనున్నారు. మలి దశలో పదవ తరగతి వరకు ఇంగ్లీష్ మీడియంను కంపల్సరీ చేయనున్నట్లు అధికారులు తెలిపారు.

ప్రభుత్వ పాఠశాల్లో ఉన్నత విద్యా స్థాయి వరకు ఇంగ్లీషు మీడియంగా మార్చేందుకు అనుకూల పరిస్థితులు లేకపోవడం వల్లనే జగన్ కొద్దిగా వెనక్కి తగ్గినట్లు తెలుస్తోంది. తొలి దశలో ఆరోతరగతి వరకు ఇంగ్లీషును కంపల్సరీ చేయాలని, ప్రతీ పాఠశాలలో ఇంగ్లీష్ ల్యాబ్‌ను ఏర్పాటు చేయాలని ముఖ్యమంత్రి ఆదేశించారు. నవంబర్ 14న ప్రారంభం కానున్న నాడు-నేడు కార్యక్రమంలో భాగంగా పాఠశాలల్లో ఇంగ్లీషు ల్యాబ్‌లను ఏర్పాటు చేయాలని సీఎం చెప్పారు.