Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

మంత్రులకు జగన్ స్పెషల్ క్లాస్.. మేటరేంటంటే ?

jagan speaks about corruption control, మంత్రులకు జగన్ స్పెషల్ క్లాస్.. మేటరేంటంటే ?

బుధవారం జరిగిన ఆంధ్రప్రదేశ్ మంత్రి వర్గ సమావేశంలో అధికారులు వెళ్ళిపోయిన తర్వాత ముఖ్యమంత్రి జగన్మోహన్ రెడ్డి మంత్రులతో ప్రత్యేకంగా ముచ్చటించినట్లు విశ్వసనీయంగా తెలిసింది. భేటీ ముగిసిన తర్వాత లేచి వెళ్ళి పోయేందుకు సిద్దమైన మంత్రులను కాసేపుండమని చెప్పిన జగన్.. పలు అంశాలపై వారితో మనసు విప్పి మాట్లాడినట్లు పేరు తెలిపేందుకు ఇష్టపడని ఓ మంత్రి చెబుతున్నారు.

రాష్ట్రంలో రాజకీయ అవినీతిని పూర్తిగా నిర్మూలించ గలిగామని ముఖ్యమంత్రి సహచర మంత్రులతో అన్నట్లు సమాచారం. అయితే.. రాజకీయ అవినీతి తగ్గిపోయినప్పటికీ అధికారుల్లో అవినీతి రాజ్యమేలుతోందని మంత్రులు అభిప్రాయపడ్డారని తెలుస్తోంది. ప్రభుత్వంపై కరెప్షన్ ముద్ర ఎంత మాత్రం పడడానికి వీల్లేదని సీఎం జగన్ ఖరాఖండీగా చెప్పినట్లు సమాచారం. అధికారుల్లో అవినీతి నిర్మూలన అవసరమని, లేకపోతే అది ప్రభుత్వంపై మచ్చ తెస్తుందని ముఖ్యమంత్రి అన్నట్లు మంత్రులు చెబుతున్నారు. కింది స్థాయిలో అవినీతి నిర్మూలించబడితేనే ప్రభుత్వానికి మంచి పేరు వస్తుందని అభిప్రాయపడినట్లు సమాచారం.

మంగళవారం జరిగిన ఓ రివ్యూ మీటింగ్‌లో తీసుకున్న నిర్ణయంపై మంత్రులు ఈ సందర్భంగా సీఎంను క్లారిటీ అడిగినట్లు తెలుస్తోంది. అవుట్ సోర్సింగ్ ఉద్యోగుల కోసం ప్రత్యేకంగా ఓ కార్పొరేషన్ ఏర్పాటు చేయాలన్న నిర్ణయం మంచిదే అయినా ప్రస్తుతం కొనసాగుతున్న ఔట్ సోర్సింగ్ ఉద్యోగులను తొలగించ వద్దని మంత్రులు సీఎంను కోరినట్లు చెబుతున్నారు. సుదీర్ఘ కాలం నుంచి ఔట్ సోర్సింగ్, కాంట్రాక్టు సర్వీసుల్లో ఉన్న వారిని కదిలించవద్దని మంత్రులు చేసిన సూచనపై జగన్ సానుకూలంగా స్పందించారని తెలుస్తోంది. సుదీర్ఘ కాలంగా పని చేస్తున్న ఔట్ సోర్సింగ్ ఉద్యోగులకు భద్రత కల్పిస్తూనే.. 50 శాతం మహిళా రిజర్వేషన్లను అమలు చేసేలా చర్యలు తీసుకోవాలని సీఎం భావిస్తున్నారని మంత్రులు చెప్పుకుంటున్నారు.