Breaking News
  • పులిగడ్డ-పెనుముడి బ్రిడ్జి పై నుంచి నదిలోకి దూకిన యువతి. పులిగడ్డ-పెనుముడి బ్రిడ్జి పై నుంచి నదిలోకి దూకిన యువతి. వాహనదారుల సమాచారంతో సంఘటనా స్థలానికి చేరిన పోలీసులు. నదిలోకి దూకి యువతిని కాపాడిన ఏఎస్సై మాణిక్యాలరావు. మాణిక్యాలరావును అభినందించిన పోలీసులు, స్థానికులు.
  • చెన్నై: సినీ నటుడు రాఘవ లారెన్స్‌ వివాదాస్పద వ్యాఖ్యలు. డబ్బు కోసమో, పబ్లిసిటీ కోసమో రజినీ రాజకీయాలకు వస్తున్నారని.. కొందరు మాట్లాడటం దురదృష్టకరం-రాఘవ లారెన్స్‌. రజినీకి రాజకీయాలు తెలియదు అనడం హాస్యాస్పదం. రజినీని ఎవరు టార్గెట్‌ చేసినా వాళ్లకు గట్టిగా సమాధానం చెప్తా. త్వరలో రజినీ రాజకీయం ఏంటో అందరూ చూస్తారు-రాఘవ లారెన్స్‌. రజినీ మీద అభిమానంతో కమలహాసన్‌ పోస్టర్లను పేడతో కొట్టి చించేవాణ్ణి. వాళ్లిద్దరు కలవడం ద్వారా తమిళనాడులో మంచి రోజులు రాబోతున్నాయి -సినీ నటుడు రాఘవ లారెన్స్‌.
  • కరీంనగర్‌: కోరుట్లలో వంద పడకల ఆస్పత్రి భవనానికి శంకుస్థాపన. ఆస్పత్రి భవనానికి శంకుస్థాపన చేసిన మంత్రి ఈటెల రాజేందర్‌. వైద్యంలో కేరళ, తమిళనాడు రాష్ట్రాలతో తెలంగాణ పోటీ పడుతుంది. గతంలో ప్రభుత్వ ఆస్పత్రి అంటే ప్రజలు భయపడేవారు. కేంద్ర పథకం ఆయుష్మాన్‌ పథకం కన్నా ఆరోగ్యశ్రీ మిన్న.
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.

జగన్ టీమ్‌లోకి మళ్ళీ ప్రశాంత్ కిశోర్.. ఈసారి టాస్క్ ఏంటంటే ?

jagan invited prashanth kishore, జగన్ టీమ్‌లోకి మళ్ళీ ప్రశాంత్ కిశోర్.. ఈసారి టాస్క్ ఏంటంటే ?

ప్రశాంత్ కిశోర్.. ఏ మాత్రం రాజకీయ పరిఙ్ఞానం వున్న వ్యక్తిని అడిగినా ప్రశాంత్ కిశోర్ ఎవరో చెప్పేస్తారు. 2014లో ప్రధాని నరేంద్ర మోదీకి, ఆ తర్వాత వైసీపీ అధినేత జగన్ మోహన్ రెడ్డికి రాజకీయ సలహాదారుగా.. రాజకీయ వ్యూహకర్తగా వ్యవహరించిన ప్రశాంత్ కిశోర్ దేశ ప్రజలకు సుపరిచితులయ్యారు. 2019 ఏపీ అసెంబ్లీ ఎన్నికలకు వైసీపీని సమాయత్తం చేయడంలో ప్రశాంత్ కిశోర్ పాత్ర చాలా కీలకమైనదనే చెప్పాలి. పాదయాత్ర నుంచి మేనిఫెస్టో రూపకల్పన దాకా వైసీపీ విజయ ప్రస్థానంలో ప్రశాంత్ కిశోర్ కీలక పాత్ర పోషించారు. అందువల్లే ముఖ్యమంత్రిగా బాధ్యతలు చేపట్టిన తర్వాత జగన్మోహన్ రెడ్డి.. ప్రశాంత్ కిశోర్ అభినందన కార్యక్రమాన్ని కూడా నిర్వహించారు కొంత మంది పార్టీ సీనియర్ల సమక్షంలో.

ఆ తర్వాత ప్రశాంత్ కిశోర్ తెలుగు పాలిటిక్స్‌లో పెద్దగా కనిపించలేదు. కానీ తాజాగా ఆయనను మరోసారి జగన్మోహన్ రెడ్డి ఆహ్వానించినట్లు ప్రచారం జరుగుతోంది. నిజానికి ప్రశాంత్ కిశోర్ టీమ్‌లోని కొందరు ఆల్‌రెడీ జగన్ ప్రభుత్వంలోను, వైసీపీలోను వ్యూహకర్తలుగా పనిచేస్తూనే వున్నారు. ఒక్క ప్రశాంత్ కిశోర్ మాత్రం నేరుగా ఏపీ వ్యవహారాల్లో జోక్యం చేసుకోలేదు. ఆరు నెలల తర్వాత మరోసారి ప్రశాంత్ కిశోర్ అవసరం కనిపించడంతో వైసీపీ అధినేత జగన్ ఆయన్ను పిలిపించినట్లు తెలుస్తోంది.

ఇటీవల కాలంలో ఏపీ ప్రభుత్వం సంక్షేమ పథకాల అమలులో దూకుడు పెంచింది. పలు పథకాల కింద లబ్ధిదారులకు పెద్ద ఎత్తున ఆర్థిక సాయం అందిస్తున్నారు ముఖ్యమంత్రి జగన్. అయితే.. విభజన సమస్యల నుంచి ఇంకా బయట పడని ఏపీలో నిధుల కొరత తీవ్రంగా వుంది. రాష్ట్ర ఆర్థిక పరిస్థితి ఇబ్బందికరంగా మారింది. ఈ నేపథ్యంలో ఒక వైపు సంక్షేమ పథకాల వల్ల పడిన అదనపు భారం, మరోవైపు ఆదాయ మార్గాలు లేకపోవడంతో ఏపీ ఆర్థిక పరిస్థితి కునారిల్లి పోతోందన్న కథనాలున్నాయి. ఈ అంశాలను సమీక్షించిన జాతీయ మీడియా ఏపీ ప్రభుత్వ ఆర్థిక పరిస్థితి వెనుకంజలో వుందంటూ కథనాలు రాశాయి.

ఇది జాతీయ స్థాయిలో జగన్‌పై అసమర్థ పాలకుడనే ముద్రను తెచ్చిపెడుతోంది. ఈ పరిస్థితి జాతీయ స్థాయిలో తన ఇమేజీకి ఇబ్బందికరంగా వుంటుందన్న భావనతో జాతీయ మీడియా బాధ్యతలను సీనియర్ జర్నలిస్టులు దేవులపల్లి అమర్, అరవింద్ యాదవ్‌లకు జగన్ అప్పగించారు. అయినా జాతీయ మీడియాలో విశ్లేషణలు నెగెటివ్‌గా వస్తూనే వుండడంతో పరిస్థితిని గాడిలో పెట్టడానికి ప్రశాంత్ కిశోర్ సలహాలను, సూచనలను జగన్ అడిగినట్లు తెలుస్తోంది.

దాంతో ఇదివరకే అమరావతిలో కొనసాగుతున్నతన టీమ్ సభ్యులతో కలిసి ప్రశాంత్ కిశోర్ జగన్‌తో భేటీ అయ్యారని తెలుస్తోంది. జాతీయ మీడియాకు తమ సంక్షేమ పథకాల విలువను తెలియజేయడంతోపాటు ఆర్థిక పరిస్థితిని మెరుగుపరిచేందుకు తీసుకుంటున్న చర్యలపై వివరాలందించే అంశంపై వీరిద్దరి మధ్య చర్చ జరిగినట్లు చెబుతున్నారు. ప్రశాంత్ కిశోర్ సలహాలతోపాటు తనకు ఆల్‌రెడీ సలహాదారులుగా వున్న అమర్ లాంటి వారి డైరెక్షన్‌లో జాతీయ స్థాయిలో ఇమేజీ పెంచుకునేందుకు జగన్ ప్రయత్నిస్తున్నట్లు చెబుతున్నారు. సో.. ఏపీ ముఖ్యమంత్రి జగన్‌కు ప్రశాంత్ కిశోర్ మరోసారి అడ్వైజర్‌గా మారారన్నమాట.