Breaking News
  • హైదరాబాద్: ఖైరతాబాద్ మహాగణపతి విగ్రహ తయారీ పూజ ప్రారంభం. 66 వ సంవత్సరం మహావిష్ణువు రూపంలో దర్శానమివ్వనున్న ఖైరతాబాద్ గణనాధుడు. శ్రీ ధన్వంతరి నారాయణ మహా గణపతి గా నామకరణం. ఒక వైపు లక్ష్మిదేవి మరో వైపు సరస్వతి దేవి విగ్రహాలు ఏర్పాటు. పర్యావరణ హితంగా ఖైరతాబాద్ గణ నాధుడు. మట్టితో తయారు చేసి అదే ప్రదేశంలో నిమజ్జనం చేసేలా ఏర్పాటు. ఈ సారి 9 అడుగుల ఎత్తులో దర్శన మివ్వనున్న ఖైరతాబాద్ గణపతి. భక్తులు ఎవ్వరు రావద్దు ఆన్ లైన్ ద్వారా దర్శనము చేసుకోగలరని విజ్ఞప్తి చేసిన ఖైరతాబాద్ గణేష్ ఉత్సవ కమిటీ.
  • విజయవాడ: ఏపీ స్టేట్ ఎలక్షన్ కమీషన్. ఎలక్షన్ కమీషనర్ కార్యాలయంలో వాస్తు మార్పులు అన్న వార్తలు అవాస్తవం. ఎటువంటి నమ్మకాలకు తావులేని వ్యక్తి ఎలక్షన్ కమీషనర్. ఆయన లేని సమయంలో కార్యాలయంలో కొన్ని మార్పులు జరిగాయి. కార్యాలయంలో మార్పులను ఎవరు నిర్ధారించారో విచారణ జరుగుతోంది.
  • గడిచిన 24 గంటల్లో ఢిల్లీ లో 1076 కొత్త పాజిటివ్ కేసులు,11 మంది మృతి. ఢిల్లీవ్యాప్తంగా 140232 కేసులు నమోదు. 10072 యాక్టీవ్ కేస్ లు. 126116 మంది డిశ్చార్జ్. మొత్తం 4044 మంది మృతి
  • రెండు రాష్ట్రాల విజ్ఞప్తి మేరకు కృష్ణ నీటి పంపకాలు చేపట్టిన కృష్ణ మేనేజ్మెంట్ బోర్డు. శ్రీశైలం, నాగార్జునసాగర్ ప్రాజెక్టుల నుంచి తెలంగాణ వాటాగా 37.672 టీఎంసీలు. శ్రీశైలం, నాగార్జునసాగర్ ప్రాజెక్టుల నుంచి ఆంధ్ర ప్రదేశ్ వాటాగా 17 టీఎంసీలు.
  • ఆహా OTT లో సరికొత్త షో మెట్రో కధలు. ఈనెల 14 నుండి ప్రారంభం. 4 కధలను చెబుతున్న డైరెక్టర్ కరుణ కుమార్. గతంలో పలాస సినిమా డైరెక్ట్ చేసిన కరుణ కుమార్ . మెట్రో కధలు పోస్టర్ లాంచ్ చేసి యూనిట్ కి అల్ ద బెస్ట్ చెప్పిన హరీష్ శంకర్. సాహిత్యానికి సినిమా కి దగ్గర సంభందం ఉందన్న దర్శకుడు కరుణ కుమార్.
  • విజయవాడ: బీజేపీ నుండి మరో నేత సస్పెండ్. పార్టీ లైన్ కి భిన్నంగా మాట్లాడుతున్న వారిని వరసగా సస్పెండ్ చేస్తున్న బిజెపి. ఇప్పటికే పలువురు నేతలు సస్పెండ్.. మరి కొంత మందికి నోటీసులు ఇచ్చిన ఏపీ బీజేపీ. లేటెస్ట్ గా మరొకరు తిరుపతి కి చెందిన ఓ వి రమణ సస్పెండ్. మూడు ముక్కలాట లో నష్టపోతున్న బీజేపీ అని ఒక దిన పత్రికలో ఆర్టికల్ రాసిన తిరుపతి కి చెందిన బీజేపీ నేత ఓ వి రమణ .
  • అమరావతి: ఏపీ స్టేట్ ఆక్వా కల్చర్ డెవలప్మెంట్ అథార్టీ బిల్లుకు గవర్నర్ ఆమోదం. ఆక్వా అభివృద్ధి, ఆక్వా కల్చర్ మానిటర్, ప్రమోట్, రెగ్యులేషన్ లక్ష్యాలుగా ఆక్వా కల్చర్ డెవలప్మెంట్ అథార్టీ చట్టాన్ని రూపొందించిన ప్రభుత్వం. ఫిష్ ఫీడ్ క్వాలిటీ కంట్రోల్ ఆర్డినెన్సుకు గవర్నర్ ఆమోదం.

జగన్ నిర్ణయం 25లక్షల కుటుంబాలకు వరం.. ఉగాదే ముహూర్తం

jagan big action plan, జగన్ నిర్ణయం 25లక్షల కుటుంబాలకు వరం.. ఉగాదే ముహూర్తం

ఏపీలో సొంతిల్లు లేని అభాగ్యులుండొద్దన్న లక్ష్యంతో ముఖ్యమంత్రి జగన్ భారీ లక్ష్యానికి ఉగాదిని గడువుగా నిర్దేశించారు. వచ్చే ఉగాది నాటికి అన్ని కార్యక్రమాలు పూర్తి చేసి.. 25 లక్షల మందికి రిజిస్ట్రేషన్ చేసిన పత్రాలతో కూడిన ఇళ్ళ పట్టాలను పంపిణీ చేయాలని నిర్ణయించారు ముఖ్యమంత్రి జగన్. నిజానికి ఈ కార్యక్రమానికి గత నెలలోనే బీజం వేశారు జగన్.

కానీ ముఖ్యమంత్రి ఆదేశాలకు అప్పటి ప్రభుత్వ ప్రధాన కార్యదర్శి ఎల్వీ సుబ్రహ్మణ్యం అభిప్రాయాలకు తేడా రావడంతో విధి విధానాల జారీ, లబ్దిదారుల ఎంపికకు మార్గదర్శకాల రూపకల్పన వాయిదా పడింది. తాజాగా ఎల్వీ స్థానంలో ఇంచార్జి సీఎస్‌గా బాధ్యతలు చేపట్టిన నీరబ్ కుమార్ ప్రసాద్ బాధ్యతలు చేపట్టడంతో లక్ష్యానికి అనుగుణంగా కార్యాచరణ రూపొందించే దిశగా తొలి అడుగు పడింది.

ప్రతి పేద కుటుంబానికి సొంతిల్లు సమకూర్చే లక్ష్యంలో భాగంగా ఈ భారీ లక్ష్యాన్ని ముఖ్యమంత్రి జగన్ మోహన్ రెడ్డి రూపొందించారు. 2020 సంవత్సరం ఉగాది రోజున 25 లక్షల మంది లబ్ధిదారులకు రిజిస్ట్రేషన్‌ పత్రాలతో సహా ఇళ్ళ పట్టాలను పంపిణీ చేసేందుకు ప్రభుత్వం అవసరమైన చర్యలు తీసుకోవాలని ఆయన సీసీఎల్‌ఏ, ప్రభుత్వ ఇన్‌చార్జి ప్రధాన కార్యదర్శి నీరబ్‌కుమార్‌ ప్రసాద్‌కు ఆదేశాలిచ్చారు. దాంతో ఈ అంశంపై శుక్రవారం ఏపీ సెక్రెటేరియట్‌లో వీరిద్దరు వీడియో కాన్ఫరెన్స్ నిర్వహించారు. జిల్లాల సంయుక్త కలెక్టర్లు, ఆర్డీఓలు, తహసీల్దార్లతో సీఎస్, సీసీఎల్ఏ వీడియో కాన్ఫరెన్స్‌ ద్వారా మాట్లాడారు.

గ్రామాల వారీగా ప్రభుత్వ భూములు, లబ్ధిదారుల గుర్తింపు ప్రక్రియను త్వరితగతిన పూర్తి చేయాలని ఆదేశించారు. ఇప్పటివరకూ 22 లక్షల వరకు లబ్ధిదారుల గుర్తింపు ఇప్పటికే పూర్తయిన నేపథ్యంలో మిగిలిన లబ్ధిదారుల గుర్తింపును త్వరగా పూర్తి చేయాలని ఆదేశాలు జారీ చేశారు. ప్రభుత్వ భూములు ఎక్కడెక్కడ ఉన్నాయనేది ముందుగా గుర్తించి, వాటిలో ఇళ్ల స్థలాలుగా ఇచ్చేందుకు అనువుగా ఉన్న భూములేమిటనేది నోటిఫై చేయాలన్నారు.

లిటిగేషన్‌లో ఉన్న ప్రభుత్వ భూములను గుర్తించి కోర్టుకు అఫిడవిట్‌ సమర్పించి ఆ భూములను కూడా ఇళ్ల పట్టాలుగా ఇచ్చేందుకు చర్యలు తీసుకోవాలని స్పష్టం చేశారు. ఇప్పటికే గుర్తించిన భూములన్నీ గ్రామాల వారీ మ్యాపింగ్‌ చేసి, వివరాలను సీసీఎల్ఏ అధికారులతో షేర్ చేసుకోవాలని చెప్పారు.

Related Tags