Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ఉపాధి అవకాశాలు మనకే ఎక్కువ : మంత్రి కేటీఆర్

IT growth is 17 percent in Hyderabad says Minister Ktr in assembly, ఉపాధి అవకాశాలు మనకే ఎక్కువ : మంత్రి కేటీఆర్

బెంగళూరు కంటే ఎక్కువ ఉపాధి అవకాశాలు తెలంగాణలోనే సృష్టించబోతున్నామన్నారు ఐటీ శాఖా మంత్రి కేటీఆర్. అసెంబ్లీ సమావేశాల్లో శుక్రవారం పరిశ్రమల పద్దుపై అడిగిన ప్రశ్నకు ఆయన సమాధానమిచ్చారు. అంతర్జాతీయ సంస్ధలు హైదరాబాద్‌కు తరలివస్తున్నాయని.. ఈ విషయంలో బెంగళూరు కంటే మనమే ముందున్నామన్నారు. బెంగళూరులో ఐటీ అభివృద్ధి 7- 9 శాతం ఉండగా హైదరాబాద్‌లో 17శాతం ఉందని తెలిపారు. ఈ ఏడాదిలో హైదరాబాద్‌నుంచి రూ.లక్ష కోట్ల ఐటీ ఎగుమతులు జరిగినట్టు కేటీఆర్ వివరించారు.

గడచిన ఐదేళ్లలో రాష్ట్రంలో 59 ఇండస్ట్రీయల్ పార్కులు ఏర్పాటు చేశామని, అపాచీ, రాఫెల్ కంపెనీలు కూడా పెట్టుబడులు పెట్టాయని మంత్రి గుర్తు చేశారు. ఇప్పటికే బోయింగ్ సంస్ధ తన ఉత్పత్తి ప్రారంభించిందని, సంగారెడ్డి జిల్లా సుల్తాన్‌పూర్‌లో అతిపెద్ద స్టెంట్ల తయారీ పరిశ్రమను ఏర్పాటు చేశామన్నారు కేటీఆర్. అన్ని రంగాల్లో అభివృద్ధి చెందుతున్న మన హైదరాబాద్ నగరాన్ని తక్కువ చేసి చూపొద్దని, త్వరలోనే ఖమ్మం, కరీంనగర్‌లో ఏర్పాటు చేయనున్న ఐటీ హబ్‌లు కూడా ప్రారంభం కానున్నాయని మంత్రి వివరించారు.