Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

దిమాక్ కరాబ్ హిట్..దంచి కొడుతోన్న కలెక్షన్లు

ఎవరు అండీ..మాస్, మసాలా సినిమాలను జనాలు ఆదరించరు అని చెప్పింది. పూరి జగన్నాథ్ కొడితే బాక్సాఫీస్ లెక్కలు సెట్‌ రైట్ అయ్యాయి. మరోసారి మాస్ బోనాంజా అంటే ఏంటో ఈ ఏస్ డైరక్టర్ చేసి చూపిచ్చాడు. మాములుగా లేదు ట్రేడ్ రిపోర్ట్. ఆడియెన్స్ ఎగబడి థియేటర్స్‌కు పరుగులు పెడుతున్నారు. పడినా మళ్లీ, మళ్లీ లేవడం పూరికి అలవాడు. అదే చేసి చూపించాడు మరోసారి. ఇండస్ట్రీ వర్గాల దిమాక్ కరాబ్ అయిపోయింది ‘ఇస్మార్ట్ శంకర్’ దెబ్బకు. ఇక రామ్‌కు తనకు సరైన సినిమా పడితే సాలిడ్ ఫెర్ఫామెన్స్ ఇస్తానని బాక్సాఫీస్ సాక్షిగా నిరూపించాడు

ఈ సినిమా బ్రేక్ ఈవెన్‌కు రావాలంటే రూ.19 కోట్ల దాకా షేర్ రాబ‌ట్టాల‌ని రిలీజ్ ముంగిట చెప్తే.. అది చాలా పెద్ద టాస్క్ లాగా క‌నిపించింది. పూరి, రామ్ ఇప్పుడున్న ఫాంలో ఈ టార్గెట్ అందుకోవ‌డం చాలా క‌ష్ట‌మ‌నే అనుకున్నారు. కానీ ఈ చిత్రం వారం తిరిగేస‌రికి బ్రేక్ ఈవెన్ సాధించ‌డ‌మే కాదు.. దాని మీద‌ రూ.10 కోట్ల లాభం కూడా తెచ్చి పెట్టి సంచ‌ల‌నం రేపింది.  ఏడు రోజుల్లో ఈ సినిమా ప్ర‌పంచ‌వ్యాప్తంగా రూ.29 కోట్లకు పైగా షేర్ రాబ‌ట్టింది. ఒక్క అమెరికాలో మిన‌హా అన్ని చోట్లా ‘ఇస్మార్ట్ శంక‌ర్’ క‌లెక్ష‌న్లు ఊహించ‌ని స్థాయిలో ఉన్నాయి.

తెలంగాణ‌లో ఈ చిత్రం బాక్సాఫీస్‌ను షేక్ చేసేసింది. వారం రోజుల్లోనే ఏకంగా రూ.11.8 కోట్ల షేర్ రాబ‌ట్టింది. గ్రాస్ వ‌సూళ్లు రూ.20 కోట్ల‌కు చేరువ‌గా ఉండ‌టం విశేషం. ఇక్క‌డ డిస్ట్రిబ్యూట‌ర్ లాభం రూ.4 కోట్లు దాటింది. ఉత్త‌రాంధ్ర‌లో రూ.3 కోట్ల షేర్ సాధించిన ఇస్మార్ట్ శంక‌ర్.. రాయ‌ల‌సీమ‌లో రూ.4.5 కోట్ల షేర్ కొల్ల‌గొట్టింది.

ఆంధ్ర‌ప్ర‌దేశ్‌లోని మిగ‌తా ఏరియాల‌న్నీ క‌లిపి షేర్ రూ.7 కోట్లకు పైనే వ‌చ్చింది. రెండు తెలుగు రాష్ట్రాల్లో క‌లిపి రూ.26.5 కోట్ల దాకా షేర్ క‌లెక్ట్ చేసిందీ చిత్రం. ఈ సినిమా ఫుల్ ర‌న్లో రూ.40 కోట్ల షేర్ మార్కుకు చేరువ‌గా వెళ్లే అవ‌కాశాలు క‌నిపిస్తున్నాయి.