Breaking News
  • గ్రీన్ ఇండియా ఛాలెంజ్‌లో పాల్గొన్న మ‌హేశ్‌. పుట్టిన‌రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్‌. తార‌క్‌, విజ‌య్‌, శృతిహాస‌న్‌ను నామినేట్ చేసిన‌ మ‌హేశ్‌. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరిన మ‌హేశ్‌. ప‌చ్చ‌ద‌నం వైపు అడుగులు వేద్దామ‌న్న మ‌హేశ్‌. ఎంపీ సంతోష్ కుమార్‌ను అభినందించిన మ‌హేశ్‌.
  • నిజామాబాద్ : ఎమ్మెల్సీ వీజీ గౌడ్​కు కరోనా పాజిటివ్​ . ఆయన భార్య, కుమారుడికి కూడా పాజిటివ్ నిర్ధారణ. నిమ్స్‌లో కరోనా పరీక్షలు చేయించుకున్నట్లు వీజీ గౌడ్. హైద్రాబాద్ లో హోం క్వారంటైన్‌లో ఎమ్మెల్సీ కుటుంబం.
  • దేశవ్యాప్తంగా ఒక్క రోజులో 64,399 కరోనా కొత్త కేసులు నమోదు. 24 గంటల వ్యవధిలో దేశవ్యాప్తంగా 861 మంది మృతి. దేశంలో ఇప్పటి వరకు నమోదైన కేసుల సంఖ్య 21,53,011. యాక్టివ్ కేసుల సంఖ్య 6,28,747, కోలుకుని డిశ్చార్జైనవారు 14,80,885. కోవిడ్-19 మహమ్మారి కారణంగా చనిపోయినవారు 43,379 మంది.
  • విజయవాడ: ఐడెంటిఫికేషన్ పూర్తి.. స్వర్ణా ప్యాలెస్ అగ్ని ప్రమాద ఘటనలో మృతి చెందిన వివరాలు... డోక్కు శివ బ్రహ్మయ్య, మచిలీపట్నం (58) పూర్ణ చంద్ర రావు.. మొవ్వ , సుంకర బాబు రావు ,సింగ్ నగర్ (రిటైర్డ్ ఎస్సై.) మజ్జి గోపి మచిలీపట్నం సువర్ణ లత పొన్నూరు, నిడుబ్రోలు వెంకట లక్ష్మి సువర్చలా దేవి,(జయ లక్ష్మి ) కందుకూరు పవన్ కుమార్ కందుకూరు..ఎం అబ్రహం.. చర్చి ఫాథర్...జగ్గయ్య పేట రాజకుమారి అబ్రహం జగ్గయ్యపేట రమేష్, విజయవాడ.
  • సంగారెడ్డి జిల్లా కలెక్టర్, ఎస్పీ, జిల్లా వైద్య శాఖ సిబ్బంది, ఎంపీ, ఎమ్మెల్యేలు, ఎమ్మె ల్సీ, మున్సిపల్ కమిషనర్లు, మున్సిపల్ ఛైర్మన్లు, కౌన్సిలర్లు, జెడ్పీటీసీలు, ఎంపీటీసీలు, సర్పంచ్ లతో కోవిడ్ పై మంత్రి హరీశ్ రావు హైదరాబాద్ లోని తన నివాసం నుంచిటెలి కాన్ఫరెన్స్ నిర్వహించారు.
  • భారత్-చైనా సరిహద్దుల్లో భూకంపం రిక్టర్ స్కేలుపై తీవ్రత 4.1గా నమోదు చైనాలోని తూర్పు షిజాంగ్ - భారత్ సరిహద్దుల్లో భూకంప కేంద్రం.

కేకే యూటర్న్.. హరీష్ రావు మౌనం.. ఆర్టీసీ సమ్మె కొలిక్కి రానుందా?

Why Harish Rao Is Silence Till Now On TSRTC, కేకే యూటర్న్.. హరీష్ రావు మౌనం.. ఆర్టీసీ సమ్మె కొలిక్కి రానుందా?

ఆర్టీసీని ప్రభుత్వంలో విలీనం చేయాలనే ప్రధాన డిమాండ్‌తో కార్మికులు సమ్మెకు దిగిన సంగతి తెలిసిందే. అయితే టీఆర్ఎస్ ప్రభుత్వం మాత్రం వాళ్ళను పట్టించుకోకుండా.. చర్చలు జరిపే ప్రసక్తే లేదంటూ కొత్తవారిని నియమించుకోవడానికి త్వరలోనే నోటిఫికేషన్ విడుదల చేస్తామని ప్రకటించింది. దీనిలో భాగంగానే ప్రస్తుతం తాత్కాలిక డ్రైవర్లు, కండక్టర్లు విధులు నిర్వర్తిస్తున్నారు. అటు సమ్మెలో పాల్గొన్న కార్మికులు సెల్ఫ్ డిస్మిస్ అయ్యారని సీఎం కేసీఆర్ చెప్పడంతో కొంతమంది ఉద్యోగం పోయిందన్న భయంతో ఆత్మహత్యలకు పాల్పడ్డారు. మరికొందరైతే గుండె సంబంధిత వ్యాధులతో ఆసుపత్రి పాలయ్యారు. మరెన్నో ఆర్టీసీ కార్మిక కుటుంబాలు ఆందోళన చెందుతున్నాయి. ఈ తరుణంలో మంగళవారం హైకోర్టు వ్యాఖ్యలు కార్మికులకు కాస్త ఊరటనిచ్చాయి. ‘సమ్మెను వెంటనే విరమించి ప్రభుత్వంతో చర్చలు జరపాలని హైకోర్టు వ్యాఖ్యానించింది. అటు ప్రభుత్వాన్ని కూడా దాదాపు మందలించిన తీరులో వ్యాఖ్యలు చేసింది.

ఇక ప్రభుత్వం అయితే ఇప్పటివరకు దీనిపై స్పందించలేదు. అటు ఆర్టీసీ జేఏసీ మాత్రం యాజమాన్యం, ప్రభుత్వం ఇద్దరిలో ఎవరు చర్చలకు పిలిచినా.. తాము వస్తామని.. ఆ తర్వాతే సమ్మె విరమిస్తామని తేల్చి చెప్పారు. మరోవైపు రెండు రోజుల క్రితం కేకే.. ఆర్టీసీ జేఏసీ, ప్రభుత్వం మధ్య మధ్యవర్తిత్వం చేయాలని అనుకున్నా కుదరలేదు. ఇప్పుడు అందరిలోనూ మెదులుతున్న ప్రశ్న ఒకటే.. ఆర్టీసీ జేఏసీకి, ఆర్ధిక మంత్రి హరీష్ రావుకి మధ్య స్నేహపూర్వక సంబంధం ఉన్నా.. కేకే ఎందుకు సీన్‌లోకి వచ్చారు.

గతంలో టీఎంయూ (తెలంగాణ మజూర్ యూనియన్) గౌరవాధ్యక్షుడిగా ఉన్న మంత్రి హరీష్ రావు.. ఆర్టీసీ సమ్మె ఉద్రిక్త రూపం దాల్చినా ఇప్పటివరకు మౌనంగా ఎందుకు ఉన్నారన్న సందేహాలు వ్యక్తమవుతున్నాయి. అంతేకాదు కొందరైతే ఆర్టీసీ సమ్మె వెనుక ఆయన హస్తం ఉందని అభిప్రాయపడుతున్నారు కూడా. అయితే దీనిపై ఆర్టీసీ జేఏసీ కన్వినర్ అశ్వత్థామరెడ్డి స్పందిస్తూ.. తెలంగాణ ఆర్థిక మంత్రి హరీష్ రావు తమకు దేవుడని అన్నారు. గతంలోనే కాదు ఎప్పుడూ ఇదే మాటకు కట్టుబడి ఉంటామన్నారు. అలాగని సమ్మెకు ఆయనకు ఎలాంటి సంబంధం లేదని చెప్పారు. తెలంగాణ రాష్ట్రం ఏర్పడిన తర్వాత.. హరీష్ రావు కార్మికులకు అండగా నిలిచారని చెప్పారు. అయితే ఈ వ్యవహారంలోకి ఆయన్ను లాగొద్దని అశ్వత్థామరెడ్డి విజ్ఞప్తి చేశారు. టీఎంయూ గౌరవాధ్యక్షుడిగా ఫిబ్రవరిలోనే హరీశ్ రావు రాజీనామా చేశారని.. ఆ తర్వాత తమకు ఎవరూ గౌరవాధ్యక్షుడు లేరన్నారు. అటు హరీష్ రావు అధ్యక్షుడిగా ఉన్న తరుణంలో అశ్వత్థామరెడ్డికి కీలక బాధ్యతులు అప్పగిస్తూ.. ఆయన ఎదుగుదలకు ఎంతగానో తోడ్పడ్డారని సమాచారం. అలాంటప్పుడు ట్రబుల్ షూటర్ అయిన హరీష్ రావును రంగంలోకి దింపితే.. ఈ వ్యవహారానికి సరైన పరిష్కారం దొరికేది. కానీ కేసీఆర్ మాత్రం అందుకు భిన్నంగా చేశారు. మరోవైపు ఇప్పటికే హైకోర్టు విచారణను 18వ తేదికి వాయిదా వేయడంతో.. రెండు రోజుల్లో సమ్మె కొలిక్కి వచ్చే సూచనలు కనిపిస్తున్నాయి.

Related Tags