Breaking News
  • ఈఎస్‌ఐ స్కామ్‌పై స్పందించిన మంత్రి గుమ్మనూరు జయరాం. చంద్రబాబు ప్రభుత్వం కార్మికులను కూడా దోచుకుంది. గత ప్రభుత్వంలో ఈఎస్‌ఐలో భారీ అవినీతి జరిగింది-జయరాం. అవినీతిపై విజిలెన్స్‌ విచారణకు ఆదేశించాం. అవినీతిపై విజిలెన్స్‌ నివేదిక ఆధారంగా చర్యలు తీసుకుంటాం-జయరాం. అక్రమంగా చెల్లించిన బిల్లుల సొమ్ము రికవరీ చేస్తాం. అవినీతికి పాల్పడిన వారినెవ్వరినీ వదిలిపెట్టం-మంత్రి జయరాం
  • వారిస్‌ పఠాన్‌ వ్యాఖ్యలను వక్రీకరించారు-ఇంతియాజ్‌ జలీల్‌. అలాంటి వ్యాఖ్యలను పార్టీ సమర్ధించదు. వారిస్‌ పఠాన్‌ వ్యాఖ్యలను ప్రజలు తప్పుగా అర్థం చేసుకున్నారు. -టీవీ9తో మహారాష్ట్ర ఎంఐఎం ఎంపీ ఇంతియాజ్‌ జలీల్‌.
  • తూ.గో: అన్నవరం ఆలయానికి కొత్త పాలక మండలి నియామకం. 16 మందితో కొత్త పాలక మండలిని నియమిస్తూ ప్రభుత్వం ఉత్తర్వులు.
  • ఏపీ ఈఎస్‌ఐ స్కాంలో వివాదాస్పదమైన అప్పటి మంత్రి పితాని వ్యవహారం. మందుల సరఫరా బిల్లుల చెల్లింపులో మొదట సరఫరా చేసిన వాళ్లకే.. బిల్లులు చెల్లించాలని ఆదేశించిన అప్పటి కార్మికశాఖ కార్యదర్శి. కార్మికశాఖ కార్యదర్శి ఆదేశాలను అడ్డుకున్న పితాని సత్యానారాయణ. తమకు నచ్చిన వాళ్లకే ఇచ్చేలా వ్యవహరించారని పితానిపై ఆరోపణలు.
  • ప్రకాశం: ఒంగోలులో ఏఎన్‌ఎం హైమావతి ఆత్మహత్యాయత్నం. నిద్ర మాత్రలు మింగి ఆత్మహత్యకు యత్నించిన హైమావతి. హైమావతి పరిస్థితి విషమం, ఆస్పత్రికి తరలింపు. విధుల నుంచి తొలగించడంతో ఆత్మహత్యకు యత్నించిందన్న స్థానికులు. తనను పర్మినెంట్‌ చేస్తామంటూ అపోలో ఏజెన్సీకి చెందిన.. ప్రదీప్‌, గణేష్‌లు రూ.3 లక్షలు తీసుకున్నారని హైమావతి ఆరోపణలు.

టాలీవుడ్‌కి మంచి రైటర్లు కావలెను!

Is Tollywood In Lack Of Writers, టాలీవుడ్‌కి మంచి రైటర్లు కావలెను!

టాలీవుడ్ ఇండస్ట్రీలో రైటర్ల కరువు ఏర్పడిందా..? తాజా పరిణామాలు చూస్తుంటే అవుననే సంకేతాలు వినిపిస్తున్నాయి. కొత్త రచయితలు లేనట్లుగా ఎక్కడో కొరియన్, హాలీవుడ్, చైనీస్, ఫిలిప్పైన్స్ సినిమాలను తర్జుమా చేసి మరీ కోట్లు పోసి తీస్తున్నారు. పోనీ అవి బాక్స్ ఆఫీస్ దగ్గర బ్లాక్‌బస్టర్ హిట్స్ సాధిస్తున్నాయా అంటే అంత సీన్ లేదు. ఒకటి రెండు తప్పితే మిగిలినవన్నీ డిజాస్టర్లు అవుతున్నాయి.

ఇంకా చెప్పాలంటే పరాయి భాషా సినిమాను స్టార్ హీరోలతో తీసి.. అదంతా తమ సొంత తెలివితేటలే అని చెప్పుకుంటున్నారు. పైగా లాజిక్స్ తీసి మరి వేరే భాషలో తీసిన మూవీ రీమేక్ అని.. మేము అడాప్ట్ చేసుకున్నాం అని మాట్లాడుతున్నారు. సోషల్ మీడియా ప్రభావం ఎక్కువైపోవడంతో ప్రేక్షకులు ఇట్టే నిజాలేంటో కనిపెట్టేస్తున్నారు. దీని ఫలితంగా ప్రేక్షకుల్లో వారు చులకనవ్వడం తప్ప ఇంకేం కనిపించట్లేదు. ఇదంతా పక్కన పెడితే అసలు తెలుగు రైటర్స్‌లో క్రియేటివిటీ గొడ్డు పోయిందా అంటే అదేమీ లేదు. ఎన్నో చిన్న సినిమాలు వైవిధ్యమైన కథలతో తెరకెక్కి భారీ హిట్స్ సాధిస్తున్నాయి.

స్టార్ హీరోల చుట్టూ ఉండే బోర్డర్ లైన్ కావచ్చు.. లేదా కొత్త రైటర్లతో ఎందుకు వచ్చిన తంటా అనుకోవచ్చు.. కొందరు మినహాయించి మిగిలిన వారెవ్వరూ రిస్క్ తీసుకోవడం మానేశారు. ఇది అలా ఉంచితే ఎన్నో కథలు రాసుకున్న బ్యాచ్… అవి సూట్ అయ్యే హీరోల దాకా వెళ్లే మార్గం తెలియక కృష్ణానగర్‌‌లోనే తచ్చాడుతున్నారు. ఎక్కడో ఒకరు రిస్క్ చేసి తక్కువ బడ్జెట్‌తో సినిమాలు రూపొందిస్తున్నారు. అదే కోవలో వచ్చిందే ‘ఏజెంట్ సాయి శ్రీనివాస ఆత్రేయ’ సినిమా. అది తక్కువ బడ్జెట్‌తో రూపొంది బాక్స్ ఆఫీస్ వద్ద భారీ హిట్ సాధించింది. ఆ సినిమాలో నటించిన వారే కాదు.. తెరకెక్కించిన వారు కూడా షార్ట్ ఫిలిమ్స్ బ్యాచ్ అని చెప్పవచ్చు.

ఇలా ఎంతోమంది కొత్త రచయితలు వారి కథలతో ఎండా వానా లెక్కచేయకుండా తిరుగుతున్నారు. మన నిర్మాతలు వీటి గురించి అలోచించి పరిష్కారం దిశగా ప్రయత్నాలు చేస్తున్నారా అంటే అదీ లేదు. ఎంతసేపు బడా బడ్జెట్, కాంబినేషన్స్ మీద దృష్టి పెట్టడం తప్ప వేరే ధాస్య లేదు. ఈ తీరు మారనంత కాలం కథలకు కొరత వస్తూనే ఉంటుంది.

Related Tags