Breaking News
  • విజయవాడ: టీడీపీ ప్రభుత్వం ఆర్టీసీ, విద్యుత్‌ చార్జీలు పెంచలేదు. ఆర్టీసీ చార్జీల పెంపుతో ప్రజలపై రూ.3,500 కోట్ల భారం పడుతుంది. వైసీపీ చేతగాని తనంతోనే ప్రజలపై భారం మోపారు -మాజీ మంత్రి దేవినేని ఉమ. ఐదు నెలలు ఇసుక దొరకకుండా దోచుకున్నారు. ఇప్పుడు ఆర్టీసీ చార్జీల పెంపుతో ప్రజలపై భారం మోపారు -మాజీ మంత్రి కొల్లు రవీంద్ర.
  • విజయవాడ: భవానీ దీక్ష విరమణల కోసం అన్ని ఏర్పాట్లు చేశాం. ఈ నెల 18 నుంచి 22 వరకు ఇంద్రకీలాద్రిపై భవానీ దీక్షా విరమణలు. కనకదుర్గానగర్‌ మీదుగా భక్తులను ఆహ్వానిస్తున్నాం. భవానీల కోసం ఘాట్‌ రోడ్డు మీదుగా క్యూలైన్‌లు ఏర్పాటు చేశాం. ఇంద్రకీలాద్రిపై ప్లాస్టిక్‌ను నిషేధించాం-ఈవో సురేష్‌ బాబు.
  • చెన్నై: స్థానిక సంస్థల ఎన్నికలకు రజినీ మక్కల్‌ మండ్రం దూరం. ఏ పార్టీకి మద్దతు ప్రకటించని మండ్రం. రజినీ మద్దతు ఇస్తున్నట్టు ఎవరైనా ప్రచారం చేసుకుంటే.. కఠిన చర్యలు తీసుకుంటామని హెచ్చరిక.
  • నెల్లూరు: వైసీపీ ప్రభుత్వం మాట తప్పింది-కోటంరెడ్డి . ప్రజలపై ఏ భారం వేయబోము అని నమ్మించి అధికారంలోకి వచ్చారు. ఆర్టీసీ చార్జీల పెంపుతో ఏటా రూ.700 కోట్ల భారం ప్రజలపై పడింది. మాట తప్పని జగన్‌ ఆర్టీసీ చార్జీల పెంపుపై సమాధానం చెప్పాలి. తెలంగాణ సీఎం కేసీఆర్‌ను కాపీ కొడుతూ జగన్‌ కాపీ సీఎంగా మారారు -నూడా మాజీ చైర్మన్‌ కోటంరెడ్డి శ్రీనివాసులు రెడ్డి.
  • భవానీని కన్న తల్లిదండ్రులకు అప్పగించిన పోలీసులు. కన్న తల్లిదండ్రులకు ఎలాంటి డీఎన్‌ఏ అక్కర్లేదన్న పోలీసులు. కన్న తల్లిదండ్రుల దగ్గర అన్ని ఆధారాలున్నాయి. ఇరు కుటుంబాలు తమ అనుమానాలను మా దృష్టికి తీసుకొచ్చారు. వాళ్ల అనుమానాలను నివృత్తి చేశాం-పోలీసులు. భవానీ కన్న తల్లిదండ్రుల వద్దకు వెళ్లేందుకు అంగీకరించింది. ఇరువురు ఒప్పుకోవడంతో కన్నవారికే అప్పగించాం-పోలీసులు.
  • తిరుమల శ్రీవారి ఆలయం దగ్గర అగ్నిప్రమాదం. శ్రీవారి ఆలయం వెలుపల ఉన్న బూందీ తయారీ పోటులో మంటలు. మంటలార్పుతున్న ఫైర్‌ సిబ్బంది.
  • అమరావతి: రేపటి నుంచి ఏపీ అసెంబ్లీ సమావేశాలు. వాడీవేడిగా జరగనున్న సమావేశాలు. ఉల్లి, నిత్యావసరాల ధరల పెరుగుదలపై.. రేపు అసెంబ్లీలో వాయిదా తీర్మానం ఇవ్వనున్న టీడీపీ. ఉల్లి ధరల పెరుగుదలపై టీడీపీ నిరసన. అసెంబ్లీ గేట్‌ నుంచి ఉల్లిపాయల దండలతో.. అసెంబ్లీకి వెళ్లనున్న టీడీపీ ఎమ్మెల్యేలు, ఎమ్మెల్సీలు.

మకర జ్యోతి నిజమా ? కల్పితమా ?

What's the truth behind the Makara Jyothi that comes up every Sankranti at Shabarimalaya, మకర జ్యోతి నిజమా ? కల్పితమా ?

మకర సంక్రాంతి పేరు చెప్పగానే మొదట గుర్తొచ్చేది మకర జ్యోతి ! ఈ జ్యోతిని కనులారా వీక్షిస్తే సర్వపాపాలు తొలగిపోతాయని అయ్యప్ప భక్తుల ప్రగాఢ నమ్మకం. సాయం సంధ్య వేళ పొన్నంబళమేడు పర్వతంపై కన్పించే వెలుగు అయ్యప్ప మహిమగానే భక్తులు భావిస్తారు. అసలు మకర జ్యోతి నిజమా ? కల్పితమా ? ట్రావెన్‌ కోర్‌ బోర్డు ఏమంటోంది ?

కేరళలోని ప్రసిద్ధి పుణ్యక్షేత్రం శబరిమల ! పశ్చిమ కనుమల్లో కొలువైన ఈ పుణ్యక్షేత్రానికి నవంబర్‌, జనవరి నెలల్లో దేశ నలుమూలల నుంచి లక్షల మంది భక్తులు తరలివస్తారు ! 41 రోజుల పాటు కఠోర దీక్షలు చేసి అయ్యప్ప కటాక్షం పొందుతారు. అలాంటి ఆధ్యాత్మిక కేంద్రం ఎన్నో అద్భుతాలకు నిలయం ! అందులో ఒకటే మకర జ్యోతి ! .మకర సంక్రాంతి రోజు లేదా ఆ ఘడియల్లో కొండపై నుంచి భక్తులందరికీ కనిపించే వెలుగే మకర జ్యోతి ! దీన్ని ఓ నక్షత్రంగా చెబుతారు ! మకర విళక్కుగా పిలుస్తారు ! భక్తులంతా దర్శించుకునే, కొండపై మకర జ్యోతి 3 సార్లు కన్పిస్తుంది. మకర జ్యోతిని వీక్షించటానికి వేలాది భక్తులు పోటెత్తుతారు. అందుకే సంక్రాంతి సమయంలో శబరిమల కిక్కిరిసిపోతుంది !

2011లో జరిగిన ఓ ఘటనతో… మకర జ్యోతి నిజమా ? కల్పితమా ? అన్న ప్రశ్న తెరపైకొచ్చింది. 2011 జనవరి 14న మకర జ్యోతిని వీక్షించటానికి భక్తులు పెద్ద సంఖ్యలో భక్తులు తరలి వచ్చారు. ఈ సమయంలో తొక్కిసలాట చోటు చేసుకోవడంతో 106 మంది భక్తులు మృతి చెందారు. ఈ నేపథ్యంలో భక్తులు పెద్ద సంఖ్యలో రావటానికి కారణమయ్యే మకరజ్యోతి వివాదాస్పద అంశంగా మారింది. అసలు ఈ జ్యోతి నిజమా ? కల్పితమా ? అన్నది తేల్చాలని…. ప్రజలకు వాస్తవాలు తెలపాలంటూ హేతువాద, మానవవాద సంఘాలు కేరళ హైకోర్టులో పిటిషన్ వేశాయి.

మకర సంక్రాంతి రోజున కొండపై నుంచి భక్తులందరికీ కనిపించే జ్యోతిని… పొన్నంబళమేడు పర్వతంపై దేవస్థానం బోర్డు ఉద్యోగులు అయిన గిరిజనులు వెలిగిస్తారు. ఇదొక దీపం అని, దీనిని వెలిగించేది మనుషులేనని దేవస్థానం బోర్డు కూడా స్వయంగా అంగీకరించింది. శబరిగిరికి తూర్పు వైపున ఉన్న పొన్నంబళమేడు పర్వతం.. శబరిమల ఆలయానికి మూలాస్థానమని భక్తుల నమ్మకం. ప్రాచీన కాలంలో పొన్నంబళమేడు మీద ఒక ఆలయం ఉండేది ! ఆ ఆలయంలో నిరంతర పూజలు జరిగేవి. ఆ తర్వాత ఆ ఆలయం శిథిలమైపోయింది !

పొన్నంబళమేడు మీద ఉన్న ఆలయం శిథిలావస్థకు చేరుకున్నా… ఇప్పటికీ అక్కడ పూజలు జరుగుతాయి. ఆలయం శిథిలమైనా ఆ ప్రాంతంలో నివసించే ఆదివాసీలు.. మకర సంక్రాంతి రోజున దీపారాధన సహా పూజా కార్యక్రమాలు నిర్వహిస్తుంటారు. అయితే కాలక్రమంలో గిరిజనులను ఆ ప్రాంతం నుంచి ఖాళీ చేయించారు. కానీ ఉద్యోగ రీత్యా అక్కడే ఉండిపోయిన కొందరు గిరిజనులు ఆ రోజున పూజలు కొనసాగిస్తున్నారు. అందులో భాగంగా దీపారాధన కూడా చేస్తారు. అయితే మకర సంక్రాంతి రోజున కనిపించే జ్యోతి దైవికమైనది కానీ, మానవాతీత శక్తి ద్వారా ఏర్పడిందని కానీ ట్రావెన్‌కోర్‌ బోర్డు ఎప్పుడు చెప్పలేదు. కానీ మకర సంక్రాంతి రోజున అక్కడ ఆ దీపం కనిపిస్తుందనేది మాత్రం

ఇది మత విశ్వాసాలకు సంబంధించినది కావడంతో ఇందులో తాము జోక్యం చేసుకోమని అప్పటి కేరళ ప్రభుత్వం ప్రకటించింది. అయితే ఇది మతానికి సంబంధించిన విశ్వాసాలు, నమ్మకాలు, ఆచారాలకు సంబంధించిన అంశం కనుక దీనిపై దర్యాప్తు అవసరం లేదన్న ప్రభుత్వ వాదనను హైకోర్టు సమర్థించింది. కొండపై జ్యోతి నిజమా ? కల్పితమా ? అన్నది పక్కన పెడితే మకర సంక్రాంతి రోజు ఆ జ్యోతి ఓ నక్షత్రంలా ప్రకాశిస్తూ భక్తులను సాక్షాత్కరిస్తుందన్నది మాత్రం నిజం !