Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • విజయవాడ: మిస్సింగ్ కేసును ఛేదించిన పోలీసులు. క్రోవిడ్ ఆసుపత్రిలో వృద్ధుడు వసంతరావు ఆచూకీ లభ్యం. గత నెల 24వ తేది అర్దరాత్రి క్రోవిడ్ ఆసుపత్రిలో వృద్ధుడు మృతి. అనంతరం మార్చూరుకి తరలించిన వైద్య సిబ్బంది. ఆసుపత్రిలో డాక్టర్లు నిర్లక్ష్యం. వృద్ధుడు వివరాలు ఆసుపత్రి రికార్డుల్లో నమోదుచేయని సిబ్బంది. దింతో మిస్టరీగా మరీనా వసంతారావు మిస్సింగ్. పోలీసుల రంగప్రవేశంతో వృద్ధుడు ఆచూకీ. గత 10 రోజులుగా కుటుంబ సభ్యులు వివరణ కోరిన సరైన వివరణ ఇవ్వని ఆసుపత్రి వర్గాలు. ఆసుపత్రి సిబ్బంది నిర్లక్ష్యం తో గత 10 రోజులుగా ఆందోళనలో కుటుంబ సభ్యులు.. డాక్టర్లు తీరు పై కుటుంబ సభ్యులు ఆగ్రహం. ఆసుపత్రి సీసీ కెమెరాలలో వృద్ధుడు ఆచూకీ గమనించిన పోలీసులు. మార్చురీలో ఉన్న మృతదేహం వసంతరావుది కావడంతో విషాదంలో కుటుంబo.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • గుంటూరు: అరండల్ పేట పరిధిలో ప్రత్యర్దులను హత్య చేసేందుకు ప్లాన్ చేసిన ఏడుగురు రౌడీ షీటర్లను అరెస్ట్ చేసిన అర్బన్ పోలీసులు. రమణ అనే వ్యక్తి ని హత్య చేసేందుకు ప్లాన్ చేసిన రౌడీ షీటర్ బసవల వాసు హత్య కేసు నిందితులు.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • విజయవాడ: మాజీ స్పీకర్ కోడెల కుమారుడు కోడెల శివరాంపై బెజవాడ పోలీసులకు ఫిర్యాదు. 2018లో పొలం కొనుగోలు చేసి 90 లక్షలు ఇవ్వటంలేదని పటమట పోలీసులకు ఫిర్యాదు చేసిన అనంత్. అధికార బలంతో అప్పట్లో డబ్బు ఇవ్వలేదని, గత ఏడాది నుంచి మధ్యవర్తి రాంబాబుకి ఇచ్చేసాను అని ఇబ్బంది పెడుతున్నట్టు ఫిర్యాదు. మధ్యవర్తి రాంబాబును కలిస్తే రివాల్వర్ తో బెదిరిస్తున్నదని పోలీసులకు ఫిర్యాదు చేసిన అనంత్. గత నెల 25న ఫిర్యాదు చేసినా స్పందన లేకపోవటంతో సీపీకి ఫిర్యాదు చేయనున్న అనంత్.
  • క్లినికల్ ట్రైల్స్ కు తెలంగాణలో గ్రీన్ సిగ్నల్ . నిమ్స్ కు పర్మిషన్ ఇచ్చిన ఐసీఎంఆర్ . ఇప్పటికే కోవిడ్ తో పాటు ఇతర వ్యాధుల వారికి కూడా ట్రీట్మెంట్ అందిస్తున్న కిమ్స్. అనేకసార్లు అనేక వ్యాధులకు వ్యాక్సిన్ ట్రైల్స్ నిర్వహించిన నిమ్స్.

బాబు తహతహపై.. బీజేపీ నీళ్లు

Is Chandrababu Gearing Up To Join Hands With Bjp Again? Whats bjp's Reaction?, బాబు తహతహపై.. బీజేపీ నీళ్లు

రాజకీయాల్లో శాశ్వత శత్రువులు, శాశ్వత మిత్రులు ఉండరని అంటారు. అది చాలా సందర్భాల్లో నిజమని తేలింది కూడా. అయితే ముఖ్యంగా తెలుగు రాష్ట్రాల్లో ఎన్నికల సమయంలో పొత్తుల విషయంలో అనేకమార్లు బద్ధ శత్రువులు అనుకున్న పార్టీలు ఒక్కటయ్యాయి. అదే సమయంలో పొత్తులో విజయం సాధించి మధ్యలోనే ఆ పొత్తులను తెగదెంపులు చేసుకున్న ఘటనలు కూడా ఉన్నాయి. అందులో ముఖ్యంగా ఏపీ రాజకీయం.

2014లో జరిగిన ఎన్నికల్లో టీడీపీ అధినేత చంద్రబాబు.. ఎన్డీఏలో భాగస్వామిగా చేరారు. ఆ తర్వాత ఎన్నికలు మరో ఏడాది ఉందనగా.. ఎన్డీఏకి గుడ్‌బై చెప్పి.. ఎవరూ ఊహించని విధంగా కాంగ్రెస్‌తో పొత్తుపెట్టుకుని ఘోర పరాజయాన్ని చవిచూశారు. అయితే కాంగ్రెస్‌తో పొత్తు పెట్టుకోవడం మంచిది కాదని పార్టీ శ్రేణుల్లో అభిప్రాయం వెలువడినా.. బీజేపీపై కోపంతో కాంగ్రెస్‌ పక్కన చేరారు. అయితే ఆ తర్వాత జరిగిన ఎన్నికల ప్రచారంలో కేంద్రంపై యుద్ధం చేస్తున్నట్లు ప్రకటించారు. అయితే అప్పటికే కేంద్రంలోని బీజేపీ నేతలు.. వైసీపీ ట్రాప్‌లో పడుతున్నారని.. ఓ సారి ఆలోచించుకోవాలని సూచించారు. అయితే వారి మాటలు లెక్కచేయకుండా వైసీపీ వేసిన స్కెచ్‌లో చిక్కుకుపోయారు చంద్రబాబు. అయితే ఆ విషయం ఇప్పుడిప్పుడే బోధపడింది.

2019 అసెంబ్లీ ఎన్నికల్లో టీడీపీ ఘోరంగా ఓడిపోయింది. ఆ తర్వాత టీడీపీ కీలక నేతలు చాలా మంది బీజేపీ గూటికి చేరుకున్నారు. ముఖ్యంగా నలుగురు రాజ్యసభ సభ్యలు టీడీపీకి గుడ్‌బై చెప్పి.. కాషాయ కండువా కప్పుకున్నారు. ఇక క్షేత్ర స్థాయిలో కూడా పలువురు నేతలు వైసీపీ వెళ్లలేక.. బీజేపీ వైపే చూస్తున్నారు. ఇదే సమయంలో రాష్ట్రంలో టీడీపీ పరిస్థితి ఘోరంగా తయారవడంతో.. మళ్లీ తిరిగి బీజేపీతో జతకట్టేందుకు బాబు ప్రయత్నాలు ప్రారంభించారు. అందుకు పలువురు సీనియర్ నేతలతో రాయబారం నడిపినట్లు కూడా తెలుస్తోంది. అది వర్క్‌అవుట్ కాకపోవడంతో.. ఏకంగా ఆయనే ప్రత్యక్షంగా రంగంలోకి దిగారు. దీనికి పార్టీ కార్యక్రమం వేదికగా ఆయన వైఖరి చెప్పారు. ఇటీవల జరిగిన ఎన్నికల్లో ఓటమి కారణాలపై విశ్లేషణ చేసుకున్నారు. కేంద్ర ప్రభుత్వంతోను, అక్కడ అధికారంలో వున్న బీజేపీ అధినేతలతోను విభేదించడం.. వారిపై రాజకీయ పోరాటం చేయడమే తెలుగుదేశం పార్టీ ఓటమికి కారణమైందని ఆయన వ్యాఖ్యానించారు. అంతేకాదు.. ఇప్పుడు అవకాశం లభిస్తే మళ్లీ కమలం గూటికి చేరేందుకు చూస్తున్నట్లు ఆయన అభిప్రాయాన్ని పరోక్షంగా వెల్లడించారు.

చంద్రబాబు వ్యాఖ్యలతో బీజేపీ శ్రేణులు అప్రమత్తమయ్యాయి. టీడీపీకి ద్వారాలు ఎప్పుడో మూసేశామంటూ ఏపీ బీజేపీ వ్యవహారాల ఇన్ ఛార్జ్ సునీల్ దియోధర్ సహా కాషాయ నేతలంతా స్పష్టం చేస్తున్నారు. అయితే ఓ వైపు కమల దళం టార్గెట్ 2024 లక్ష్యంగా జోరు పెంచుతోంది. అందుకు తగ్గట్లుగా ఇతర పార్టీనేతలను తమ గూటికి చేర్చుకుంటూ.. పక్కా స్కెచ్ వేస్తోంది. అయితే ఇదే సమయంలో ఏపీలో పునర్ వైభవం సాధించాలన్న ఆలోచనలో చంద్రబాబు తన వ్యూహాలకు పదును పెడుతున్నారు.

అయితే గత ఎన్నికల్లో ఇరు పార్టీల నేతలు.. తీవ్ర స్థాయిలో ఆరోపణలు చేసుకున్న విషయం విధితమే. కార్యకర్త స్థాయి నుంచి మంత్రుల వరకు కేంద్రంపై దుమ్మెత్తిపోశారు. మరోవైపు బీజేపీ శ్రేణులు చంద్రబాబు తీరుపై తీవ్ర అసహనం వ్యక్తం చేశారు. ఈ నేపథ్యంలో ఇప్పుడు టీడీపీ ఎన్డీఏలో చేరితే.. అది పార్టీకి నష్టం అన్న అభిప్రాయంతో బీజేపీ శ్రేణులు ఉన్నాయి. ఈ నేపథ్యంలో తాజాగా రాష్ట్ర బీజేపీ నేతల సమావేశం సందర్భంగా చంద్రబాబు ప్రస్తావన వచ్చినప్పుడు అమిత్ షా.. టీడీపీకి తాము ద్వారాలు పూర్తిగా మూసేసినట్లు స్పష్టత ఇచ్చారని తెలిపారు. ఇదే విషయాన్ని బీజేపీ రాష్ట్ర వ్యవహారాల ఇన్ ఛార్జ్ సునీల్ దియోధర్ కూడా సోషల్ మీడియా వేదికగా అమిత్ షా వ్యాఖ్యలను ప్రస్తావించారు. ఇప్పుడు ఈ వ్యాఖ్యలు సంచలనంగా మారుతున్నాయి.

సునీల్ దియోధర్ వ్యాఖ్యలను బట్టి చూస్తే టీడీపీ ఓవైపు బీజేపీతో పొత్తుల కోసం వెంపర్లాడుతున్నా.. మరోవైపు ఆ పార్టీలో చేరాలనుకునే నేతలకు అడ్డుపుల్ల వేస్తున్నట్లు అర్ధమవుతోంది. భవిష్యత్తులో టీడీపీతో పొత్తు ఉండబోదని స్పష్టత ఇవ్వడం ద్వారా ఆ పార్టీ నుంచి నేతల వలసలను ప్రోత్సహించాలనే ఉద్దేశంలో కాషాయ నేతలు ఉన్నట్లు తెలుస్తోంది.

Related Tags